Relation Ship: ನಿಮ್ಮ ಸಂಗಾತಿ ಹೊರಗಿನವ್ರಿಗೆ ಗೊತ್ತಾಗದಂತೆ ಲವ್ ಮೆಂಟೇನ್ ಮಾಡ್ತಿದ್ದಾರಾ? ಹಾಗಾದ್ರೆ ಕೈಕೊಡುವ ಸಾಧ್ಯತೆ ಇದೆ ಹುಷಾರ್!

ನೀವು ಪ್ರೀತಿಸುತ್ತಿರುವ ನಿಮ್ಮ ಸಂಗಾತಿ ನಿಮಗೆ ಸಂಪೂರ್ಣವಾಗಿ ಬದ್ಧರಾಗಿಲ್ಲ ಎಂದು ನೀವು ಎಂದಾದರೂ ಭಾವಿಸಿದ್ದೀರಾ? ನಿಮ್ಮೊಂದಿಗೆ ಡೇಟ್ಗೆ ಹೋಗುವಾಗ, ಯಾವಾಗಲೂ ನೀವು ಅನ್ಯೋನ್ಯವಾಗಿದ್ದರೂ, ಅವರು ಇಷ್ಟಪಡುವ ಕೆಲಸಗಳನ್ನು ಮಾಡಿದರೂ, ನಿಮ್ಮ ಸಂಬಂಧದ ವಿಚಾರ ಬಂದಾಗ ಅವರ ಬಗ್ಗೆ ಮಾತನಾಡಲು ನಿಮ್ಮ ಸಂಗಾತಿ ಹಿಂಜರಿಯುತ್ತಾರಾ? ಈ ಎಲ್ಲಾ ರೀತಿಯ ಕಾರಣಗಳಿದ್ದರೆ ನಿಮ್ಮ ಸಂಗಾತಿ ನಿಮ್ಮ ಸಂಬಂಧವನ್ನು ಮುಚ್ಚಿಡಲು ಪ್ರಯತ್ನಿಸುತ್ತಿದ್ದಾರೆ ಎಂದರ್ಥ.

ಮರೆಮಾಚುವುದು ಎಂದರೇನು? ನಿಮ್ಮ ಪ್ರೀತಿಯ ವಿಚಾರ ಅಥವಾ ಸ್ನೇಹಿತರೊಂದಿಗೆ ಡೇಟಿಂಗ್ ವಿಚಾರವನ್ನು ಹೇಳಿಕೊಳ್ಳಲು ಪ್ರಯತ್ನಿಸಿದಾಗ ನಿಮ್ಮ ಸಂಗಾತಿ ನಿಮ್ಮನ್ನು ತಡೆದರೆ ಅದನ್ನು ಮರೆಮಾಚುವುದು ಎನ್ನಲಾಗುತ್ತದೆ.

ಇದಕ್ಕೆ ಕಾರಣಗಳೇನು? ಮರೆ ಮಾಚುವುದು ಸಾಮಾನ್ಯವಾಗಿ ಮಾನಸಿಕವಾಗಿ ಯಾರೂ ಒಪ್ಪಿಕೊಳ್ಳಲು ಸಾಧ್ಯವಿಲ್ಲ. ಲವ್ ರಿಲೇಶನ್ಶಿಪ್ ಎಷ್ಟೇ ಚೆನ್ನಾಗಿರಲಿ, ತಮ್ಮ ಬಗೆಗಿನ ವಿಚಾರಗಳನ್ನು ಹೊರಜಗತ್ತಿಗೆ ಬಹಿರಂಗಪಡಿಸದ ಸಂಬಂಧವಿದ್ದರೆ ಅದು ಆತನಿಗೆ ಪರೀಕ್ಷೆಯೇ ಆಗಿರುತ್ತದೆ. ಇದೇ ರೀತಿ ಪ್ರೀತಿ ವಿಚಾರ ಮುಚ್ಚಿಡಲು ವಿವಿಧ ಕಾರಣಗಳಿವೆ.

ಬದ್ಧತೆಯ ಸಮಸ್ಯೆಗಳು: ಅನೇಕ ಜನರು ತಮ್ಮ ಲವ್ ರಿಲೇಶನ್ ಶಿಪ್ ವಿಚಾರಗಳನ್ನು ಕುಟುಂಬ ಅಥವಾ ಪ್ರಮುಖ ವ್ಯಕ್ತಿಯೊಂದಿಗೆ ಹಂಚಿಕೊಳ್ಳುವುದರಿಂದ ಅವರು ಕಂಪ್ಲೀಟ್ ಲವ್ ರಿಲೇಶನ್ ಶಿಪ್ಗೆ ಬದ್ಧರಾಗಿರಬೇಕಾಗುತ್ತದೆ ಎಂಬ ಭಯದಿಂದ ತಮ್ಮ ಪ್ರೀತಿಯ ವಿಷಯವನ್ನು ರಹಸ್ಯವಾಗಿಡಲು ಪ್ರಯತ್ನಿಸುತ್ತಾರೆ.

ಇತರರು ಏನು ಯೋಚಿಸುತ್ತಾರೆ ಎಂಬ ಭಯ: ತಮ್ಮ ವಿಚಾರದ ಬಗ್ಗೆ ಸ್ನೇಹಿತರು ಮತ್ತು ಕುಟುಂಬಕ್ಕೆ ತಿಳಿದರೆ ಅವರು ಹೇಗೆ ಪ್ರತಿಕ್ರಿಯಿಸುತ್ತಾರೆ ಎಂಬ ಭಯವೂ ಒಂದು ಪ್ರಮುಖ ಕಾರಣವೆಂದು ಉಲ್ಲೇಖಿಸಲಾಗಿದೆ. ಮುಖ್ಯವಾಗಿ ಭಾರತದಂತಹ ದೇಶಗಳಲ್ಲಿ ಜಾತಿ, ಧರ್ಮ, ಆರ್ಥಿಕ ಸ್ಥಿತಿಯಂತಹ ವಿವಿಧ ಸಮಸ್ಯೆಗಳು ಪ್ರೇಮವನ್ನು ನಿರ್ಧರಿಸುವ ಅಂಶಗಳಾಗಿವೆ.

ಬೇರೊಬ್ಬರ ಮೇಲೆ ಮೋಹ: ಬಹುಶಃ ನಿಮ್ಮ ಸಂಗಾತಿಯು ನಿಮ್ಮನ್ನು ಹೊರತುಪಡಿಸಿ ಬೇರೆಯವರ ಮೇಲೆ ಮೋಹ ಹೊಂದಿರಬಹುದು. ಈ ಕಾರಣದಿಂದಾಗಿ, ಅವರು ನಿಮ್ಮನ್ನು ಪ್ರೀತಿಸುತ್ತಿದ್ದಾರೆ ಎಂದು ಬೇರೆಯವರಿಗೆ ಹೇಳಿದರೆ, ಅವರು ಇಷ್ಟಪಡುವ ಇನ್ನೊಬ್ಬರು ಅವರ ಬಗ್ಗೆ ತಪ್ಪಾಗಿ ಭಾವಿಸಬಹುದು ಎಂಬ ಕಾರಣದಿಂದ ಪ್ರೀತಿ ವಿಚಾರ ಮುಚ್ಚಿಡುತ್ತಾರೆ.

ಅನಗತ್ಯ ತೊಂದರೆಗಳನ್ನು ತಪ್ಪಿಸಲು: ಉದಾಹರಣೆಗೆ ಕೆಲವು ಕುಟುಂಬಗಳಲ್ಲಿ ಇನ್ನೊಂದು ಧರ್ಮಕ್ಕೆ ಸೇರಿದ ವ್ಯಕ್ತಿಯೊಂದಿಗೆ ಡೇಟಿಂಗ್ ಮಾಡಲು ತೀವ್ರ ಪ್ರತಿರೋಧವಿದೆ. ಇದರಿಂದಾಗಿ ಅನೇಕರು ತಮ್ಮ ಪ್ರೀತಿಯ ಬಗ್ಗೆ ಮನೆಯವರಿಗೆ ಹೇಳಲು ಹೆದರುತ್ತಾರೆ.

ಹೊರಗಿನವರ ಹಸ್ತಕ್ಷೇಪ ತಪ್ಪಿಸಿ: ಕೆಲವು ಪ್ರೇಮಿಗಳು ತಮ್ಮ ಗೆಳತಿಯ ಬಗ್ಗೆ ವಿವರಗಳನ್ನು ಇತರರೊಂದಿಗೆ ಹಂಚಿಕೊಂಡರೆ, ಅವರು ಇತರರೊಂದಿಗೆ ಚರ್ಚಿಸಬೇಕಾದ ಪರಿಸ್ಥಿತಿ ಉಂಟಾಗಬಹುದು. ಇದು ಸಂಭವಿಸಿದಲ್ಲಿ, ಇತರರ ಹಸ್ತಕ್ಷೇಪವು ಪ್ರೇಮ ಜೀವನದಲ್ಲಿ ತೊಂದರೆ ಉಂಟುಮಾಡಬಹುದು. ಈ ಕಾರಣದಿಂದಾಗಿ ಅನೇಕರು ತಮ್ಮ ಪ್ರೀತಿಯನ್ನು ವಿಚಾರವನ್ನು ಬಹಿರಂಗ ಪಡಿಸಲು ಬಯಸುವುದಿಲ್ಲ.