ಮದುವೆ ನಂತರ ಸೆಕ್ಸ್ ಮೇಲಿನ ಆಸಕ್ತಿ ಕಡಿಮೆ ಆಗೋದೇಕೆ?; ಇಲ್ಲಿದೆ ಉತ್ತರ

ಮದುವೆ ಆರಂಭದಲ್ಲಿ ಸೆಕ್ಸ್ ಮಾಡೋಕೆ ಉತ್ಸುಕರಾಗಿದ್ದ ಬಹುತೇಕ ದಂಪತಿ ಬರುಬರುತ್ತಾ ಲೈಂಗಿಕ ಜೀವನದ ಮೇಲೆ ಜಿಗುಪ್ಸೆ ತಾಳುತ್ತಾರೆ.

ಆರಂಭದಲ್ಲಿ ಎಲ್ಲವೂ ಚೆನ್ನಾಗಿಯೇ ಇದ್ದು, ನಂತರ ದಿನಗಳಲ್ಲಿ ಹೀಗೆ ಆಗುವುದೇಕೆ? ಈ ಬಗ್ಗೆ ತಜ್ಞರು ಹೇಳೋದು ಹೀಗೆ.

ಸೆಕ್ಸ್ ನಲ್ಲಿ ಪರಾಕಾಷ್ಠೆ ತಲುಪುವ ಪ್ರಮಾಣ ಆರಂಭದಲ್ಲಿ ಹೆಚ್ಚಾಗಿರುತ್ತದೆ. ಬರುಬರುತ್ತಾ ಇದು ಕಡೆಮೆ ಆಗುತ್ತದೆ. ಇದಕ್ಕೆ ನೇರ ಕಾರಣ ಲೈಂಗಿಕ ಜೀವನದ ಬಗ್ಗೆ ಕಡಿಮೆ ಆಗುವ ಆಸಕ್ತಿ ಎಂಬುದು ತಜ್ಞರ ಅಭಿಪ್ರಾಯ.

ಹಾಗಿದ್ರೆ ಸೆಕ್ಸ್ ಬಗ್ಗೆ ಆಸಕ್ತಿ ಕಡಿಮೆ ಆಗಲು ಕಾರಣಗಳೇನು ಎಂಬುದಕ್ಕೆ ಇಲ್ಲಿದೆ ಉತ್ತರ.

ತಣಿಯುವ ಕುತೂಹಲ: ಮದುವೆಗೂ ಮೊದಲು ಸೆಕ್ಸ್ ಬಗ್ಗೆ ಗಂಡು ಹಾಗೂ ಹೆಣ್ಣು ತಮ್ಮದೇ ಫ್ಯಾಂಟಸಿ ಜಗತ್ತನ್ನು ಕಟ್ಟಿಕೊಂಡಿರುತ್ತಾರೆ. ಆದರೆ, ಮದುವೆ ನಂತರದಲ್ಲಿ ಆ ಫ್ಯಾಂಟಸಿ ಜಗತ್ತು ಕಳಚಿ ಬೀಳುತ್ತದೆ. ಇದು ಲೈಂಗಿಕ ಜೀವನದ ಮೇಲೆ ಜಿಗುಪ್ಸೆ ಮೂಡಲು ಮೂಲ ಕಾರಣ ಎನ್ನುತ್ತಾರೆ ವೈದ್ಯರು.

ಒತ್ತಡ: ಪ್ರತಿ ಮನುಷ್ಯ ನಿತ್ಯ ತನ್ನದೇ ಆದ ಒತ್ತಡದಲ್ಲಿ ಮುಳುಗಿರುತ್ತಾನೆ. ಕಚೇರಿ ಮನೆ ಸಮಸ್ಯೆಗಳು ಆತನ ಲೈಂಗಿಕ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ಒತ್ತಡ ಹೆಚ್ಚಿದಂತೆ ಆತ ಸೆಕ್ಸ್ ಮೇಲಿನ ಆಸಕ್ತಿ ಕಳೆದುಕೊಳ್ಳುತ್ತಾನೆ.

ಸಂಬಂಧದಲ್ಲಿ ಬಿರುಕು: ಸಂಬಂಧಗಳಲ್ಲಿ ನಿತ್ಯ ನಡೆವ ಜಗಳಗಳು ಕೂಡ ದಾಂಪತ್ಯದ ಜೊತೆಗೆ ಲೈಂಗಿಕ ಜೀವನದ ಮೇಲೂ ಪರಿಣಾಮ ಬೀರುತ್ತದೆ. ಜಗಳ ಹೆಚ್ಚಿದಂತೆ ಲೈಂಗಿಕ ಆಸಕ್ತಿ ಕಡಿಮೆ ಆಗುತ್ತದೆ.

ಅನುಮಾನ: ಅನೇಕರು ತಮ್ಮ ಪತಿ/ಪತ್ನಿ ಮೇಲೆ ಅನುಮಾನ ಪಡುತ್ತಿರುತ್ತಾರೆ. ಅವರಿಗೆ ತಮ್ಮ ಜತೆಗಾರರನ್ನು ಅನುಮಾನ ಪಡುವುದೇ ಕೆಲಸ. ಇದರಿಂದ ಬೇಡದ ಆಲೋಚನೆಗಳು ಹುಟ್ಟಿಕೊಳ್ಳುತ್ತವೆ. ಇದರಿಂದ ಕೂಡ ಸೆಕ್ಸ್ ಬಗೆಗಿನ ಆಸಕ್ತಿ ಕುಗ್ಗುತ್ತದೆ.

ಬಳಲಿಕೆ: ನೀವು ನಿತ್ಯ ಕಚೇರಿಯಲ್ಲಿ ಹೆಚ್ಚು ಕೆಲಸ ಮಾಡುತ್ತೀರಿ. ನಂತರ ಮನೆಗೆ ಬಂದು ಮಲಗಿದರೆ ಸಾಕಪ್ಪ ಅನ್ನಿಸುತ್ತಿರುತ್ತದೆ. ಹೀಗಾದರೂ ಕೂಡ ಸೆಕ್ಸ್ ಬಗೆಗಿನ ಆಸಕ್ತಿ ಕಡಿಮೆ ಆಗಬಹುದು.

ಹಾರ್ಮೋನ್ ಅಸಮತೋಲನ: ನಿಮ್ಮ ದೇಹದಲ್ಲಿ ಕೆಲವೊಮ್ಮೆ ಹಾರ್ಮೋನ್ ಅನಸಮತೋಲನ ಕಾಣಿಸಿಕೊಳ್ಳುತ್ತದೆ. ಇದರಿಂದ ನೀವು ಸೆಕ್ಸ್ ಬಗೆಗಿನ ಆಸಕ್ತಿಯನ್ನು ಕಳೆದುಕೊಳ್ಳಬಹುದು ಎಂಬುದು ವೈದರ ಮಾತು.

ನೋವು: ಸೆಕ್ಸ್ ಮಾಡುವಾಗ ಗುಪ್ತಾಂಗದಲ್ಲಿ ನೋವು ಕಾಣಿಸಿಕೊಂಡರೂ ಸೆಕ್ಸ್ ಬಗ್ಗೆ ಆಸಕ್ತಿ ಕಳೆದುಕೊಳ್ಳುವುದಲ್ಲದೆ, ಭಯ ಕೂಡ ಹುಟ್ಟಿ ಬಿಡುತ್ತದೆ. ಸೆಕ್ಸ್ ಎಂದರೆ ಭಯ ಎನ್ನುವ ಮನಸ್ಥಿತಿ ಅವರಲ್ಲಿ ಬಂದು ಬಿಡುತ್ತದೆ. ಹೀಗಾದಾಗ ಲೈಂಗಿಕ ಕ್ರಿಯೆಯಿಂದ ಅವರು ದೂರವೇ ಉಳಿಯುತ್ತಾರೆ.

ದೇಹ ಸೌಂದರ್ಯ: ದೇಹದ ಬಣ್ಣ, ಗುಪ್ತಾಂಗದ ಆಕಾರದ ಬಗ್ಗೆ ಕೆಲವರಿಗೆ ಬೇಸರ ಇರುತ್ತದೆ. ಅದನ್ನು ತಮ್ಮ ಪಾರ್ಟ್ ನರ್ ಗೆ ತೊರಿಸೋಕು ಕೆಲವರು ಹಿಂಜರಿಯುತ್ತಾರೆ. ಇದು ಕೂಡ ಸೆಕ್ಸ್ ಬಗೆಗೆ ಆಸಕ್ತಿ ಕಡಿಮೆ ಆಗಲು ಕಾರಣ ಆಗಬಹುದು.

ಈ ಎಲ್ಲ ಕಾರಣಗಳು ನಿಮ್ಮ ಲೈಂಗಿಕ ಜೀವನದ ಮೇಲೆ ಪರಿಣಾಮ ಬೀರಬಹುದು. ಆ ಬಗ್ಗೆ ಸ್ವಲ್ಪ ಗಮನ ಹೆರಿಸಿದರೆ ಎಲ್ಲವೂ ಸರಿಯಾಗುತ್ತದೆ.