Pooja Hegde: ಬುಟ್ಟಬೊಮ್ಮ ಬೆಡಗಿಯ ಸೌಂದರ್ಯದ ರಹಸ್ಯ ಇದಂತೆ

ನಟಿ ಪೂಜಾ ಹೆಗ್ಡೆ ತಮ್ಮ ಅಮೋಘ ಅಭಿನಯದ ಮೂಲಕ ಜನರ ಮನಗೆದ್ದಿದ್ದಾರೆ. ಒಂದೆಡೆ ಅಭಿನಯವಾದರೆ, ಅವರ ಸೌಂದರ್ಯ ಸಹ ಎಲ್ಲರನ್ನು ಸೆಳೆಯುತ್ತದೆ ಎನ್ನಬಹುದು. ಈ ಕರಾವಳಿ ಸುಂದರಿಯ ಅಂದದ ಗುಟ್ಟೇನು ಎಂಬುದು ಇಲ್ಲಿದ್ದು, ನೀವೂ ಸಹ ಅವರ ರೀತಿ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಬಹುದು.

ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಇರುವ ನಟಿ ತಮ್ಮ ತ್ವಚೆಯ ಕಾಳಜಿಗೆ ಸಹ ಸಮಯ ಮೀಸಲಿಡುತ್ತಾರಂತೆ. ಸಾಮಾನ್ಯವಾಗಿ ನಟಿಯರಿಗೆ ಮೇಕಪ್ ಅವಶ್ಯಕತೆ ಇರುತ್ತದೆ. ಆದರೆ ಆ ಮೇಕಪ್​ಗಳಲ್ಲಿ ರಾಸಾಯನಿಕಗಳಿರುವ ಕಾರಣ, ತ್ವಚೆಯ ಬಗ್ಗೆ ಹೆಚ್ಚಿನ ಕಾಳಜಿ ಅಗತ್ಯವಿದೆ.

ನಟಿಯ ಪ್ರಕಾರ ಮೊದಲು ಆಹಾರದ ಮೂಲಕ ನಾವು ತ್ವಚೆಯ ಕಾಳಜಿ ಮಾಡಬೇಕು. ಅವರು ಪ್ರತಿದಿನ ತಮ್ಮ ಆಹಾರದಲ್ಲಿ ತುಪ್ಪವನ್ನು ಬಳಸುತ್ತಾರಂತೆ. ಅಲ್ಲದೇ ತ್ವಚೆಯ ಅಂದ ಹೆಚ್ಚಿಸುವ ಹಣ್ಣು, ತರಕಾರಿಗಳನ್ನು ಮಿಸ್ ಮಾಡದೇ ಸೇವನೆ ಮಾಡುತ್ತಾರಂತೆ.

ನಟಿ ಹೇಳುವಂತೆ ತ್ವಚೆಯ ಅಂದ ಕಾಪಾಡಿಕೊಳ್ಳುವುದು ಮುಖ್ಯ ಆದರೆ ಅತಿಯಾಗಿ ಸಹ ಮಾಡಬಾರದು. ಹಾಗೆಯೇ ಪೂಜಾ ಹೆಗ್ಡೆ ಬೆಳಗ್ಗೆ ಎದ್ದ ತಕ್ಷಣ ಮುಖ ತೊಳೆದು ಮಾಯಿಶ್ಚರೈಸರ್ ಹಚ್ಚುವುದನ್ನ ಮರೆಯುವುದಿಲ್ಲವಂತೆ.

ಇನ್ನು ಇವರ ಬ್ಯಾಗ್​ನಲ್ಲಿ ಯಾವಾಗಲೂ ಮಾಯಿಶ್ಚರೈಸರ್, ಫೇಸ್​ ವಾಶ್​ ಮತ್ತು ಒಂದು ಫೇಸ್​ ಪ್ಯಾಕ್​ ಇದ್ದೇ ಇರುತ್ತಂತೆ. ನಾನು ಎಲ್ಲಿಯೇ ಹೋದರೂ ಈ ಮೂರು ವಸ್ತುಗಳಿಲ್ಲದೇ ಇರುವುದಿಲ್ಲ ಎಂದು ನಟಿ ಹೇಳಿಕೊಂಡಿದ್ದಾರೆ.

ಶೂಟಿಂಗ್ ಮುಗಿದ ನಂತರ ಮೊದಲು ಮಾಡುವ ಕೆಲಸ ಎಂದರೆ ಮೇಕಪ್ ತೆಗೆಯುವುದು. ಈ ಮೇಕಪ್ ರಿಮೂವ್ ಮಾಡಿದ ನಂತರ ಮಾಯಿಶ್ಚರೈಸರ್ ಹಚ್ಚಬೇಕು ಅಥವಾ ಪ್ಯಾಕ್ ಬಳಸಬೇಕು ಎಂದು ನಟಿ ಹೇಳುತ್ತಾರೆ.

ಇನ್ನೂ ಶೂಟಿಂಗ್ ಇಲ್ಲದ ಸಮಯದಲ್ಲಿ ನಟಿ ಹೊರಗೆ ಹೋಗುವಾಗ ನಾನು ಮೇಕಪ್ ಮಾಡುವುದಿಲ್ಲ ಎಂದು ಹೇಳಿದ್ದಾರೆ. ಅತಿಯಾಗಿ ಮೇಕಪ್ ಮಾಡುವುದು ಚರ್ಮಕ್ಕೆ ಉಸಿರುಗಟ್ಟಿಸಿದ್ದಂತೆ ಎಂಬುದು ಅವರ ಅಭಿಪ್ರಾಯ.

ಕೆಲ ಮನೆಮದ್ದುಗಳನ್ನು ಬಳಸುವ ನಟಿ, ಮಿಸ್​ ಮಾಡದೇ ಅಲೋವೆರಾ ಜೆಲ್ ಅನ್ನು ಮುಖಕ್ಕೆ ಹಚ್ಚುತ್ತಾರಂತೆ. ತಾಜಾ ಜೆಲ್​ ಚರ್ಮದ ಸಮಸ್ಯೆಗೆ ಪರಿಹಾರ ನೀಡುತ್ತದೆ ಹಾಗೂ ತ್ವಚೆ ಹೊಳೆಯುವಂತೆ ಮಾಡುತ್ತದೆ ಎಂದಿದ್ದಾರೆ.