Hair Care Tips: ಕೂದಲ ಆರೋಗ್ಯ ಒಂದೇ ಅಲ್ಲ, ನೆತ್ತಿಯನ್ನೂ ಕಾಪಾಡುತ್ತೆ ಈ ಮನೆಮದ್ದು! ನೀವೂ ಟ್ರೈ ಮಾಡಿ

ಇಂದಿನ ದಿನಗಳಲ್ಲಿ ಕೂದಲು ಉದುರುವಿಕೆ ಮತ್ತು ಕೂದಲು ಬಿಳಿಯಾಗುವ ಸಮಸ್ಯೆ ಹಲವರನ್ನು ಕಾಡುತ್ತಿದೆ. ಇದಕ್ಕಾಗಿ ಜನರು ಹಲವು ರೀತಿಯಲ್ಲಿ ಕಾಳಜಿ ವಹಿಸಲು ಮುಂದಾಗುತ್ತಾರೆ. ಕೂದಲಿನ ಆರೈಕೆ ಮಾಡವುದು ತುಂಬಾ ಮುಖ್ಯವೂ ಸಹ ಆಗಿದೆ. ಅಲ್ಲದೇ ಕೂದಲು ಚೆನ್ನಾಗಿಡಲು ಹಲವು ವಿಧಾನಗಳಿವೆ. ಅದಾಗ್ಯೂ ಜನರು ಕೂದಲು ಆರೋಗ್ಯಕ್ಕೆ ಹಲವು ರಾಸಾಯನಿಕ ಪ್ರೊಡಕ್ಟ್ ಗಳನ್ನು ಬಳಸುತ್ತಾರೆ.

ಕೂದಲು ಚೆನ್ನಾಗಿ ಕಾಣಲು ಮತ್ತು ಸಮಸ್ಯೆಗಳಿಂದ ಮುಕ್ತವಾಗಿರಲು ನಿಯಮಿತ ಆರೈಕೆ ಮಾಡುವುದು ಅತ್ಯಗತ್ಯ. ಕೂದಲಿನ ನೆತ್ತಿಯ ಆರೋಗ್ಯ ಅತ್ಯಂತ ಮುಖ್ಯವಾಗಿದೆ. ಹಲವು ಮಾಲಿನ್ಯಕಾರಕಗಳು ಮತ್ತು ಕೊಳೆ ನೆತ್ತಿಯ ಆರೋಗ್ಯ ಹಾಳು ಮಾಡುತ್ತವೆ. ಇದು ಕೂದಲಿನ ಸಮಸ್ಯೆ ಉಂಟು ಮಾಡುತ್ತದೆ. ಹಾಗಾಗಿ ಕೂದಲಿನ ಆರೈಕೆಗೆ ನೈಸರ್ಗಿಕ ಪದಾರ್ಥಗಳನ್ನು ಬಳಸಿ.

ನಿಮ್ಮ ಅಡುಗೆ ಮನೆಯಲ್ಲಿರುವ ಕೆಲವು ಪರಿಣಾಮಕಾರಿ ನೈಸರ್ಗಿಕ ಪದಾರ್ಥಗಳು ಕೂದಲು ಆರೋಗ್ಯ ಮತ್ತು ಆರೈಕೆಗೆ ತುಂಬಾ ಸಹಕಾರಿಯಾಗಿವೆ. ಅದರಲ್ಲಿ ಮುಖ್ಯವಾಗಿ ಬೆಳ್ಳುಳ್ಳಿ ಪದಾರ್ಥ. ಇದು ಕೂದಲಿನ ಬೆಳವಣಿಗೆ ಉತ್ತೇಜಿಸಲು ಮತ್ತು ಕೂದಲು ಉದುರುವಿಕೆ ನಿಯಂತ್ರಿಸಲು ಸಹಾಯ ಮಾಡುತ್ತದೆ.

ಬೆಳ್ಳುಳ್ಳಿಯು ಸೆಲೆನಿಯಮ್ ಮತ್ತು ಸಲ್ಫರ್ ಹೊಂದಿದೆ. ಇದು ಕೂದಲಿನ ಬೆಳವಣಿಗೆ ಹೆಚ್ಚಿಸಿ, ಬಲಪಡಿಸುತ್ತದೆ. ನೀವು ಬೆಳ್ಳುಳ್ಳಿ ಎಣ್ಣೆಯನ್ನು ಮನೆಯಲ್ಲೇ ತಯಾರಿಸಿ, ಕೂದಲಿನ ಆರೋಗ್ಯ ಕಾಪಾಡಬಹುದು. ಕೂದಲಿನ ಎಣ್ಣೆಯನ್ನು ಮನೆಯಲ್ಲಿಯೇ ತಯಾರಿಸಲು ಬೆಳ್ಳುಳ್ಳಿ ಎಸಳನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ. ತೆಂಗಿನ ಎಣ್ಣೆ ಅಥವಾ ಆಲಿವ್ ಎಣ್ಣೆಗೆ ಬೆಳ್ಳುಳ್ಳಿ ಎಸಳು ಸೇರಿಸಿ.

ತಂಪು ವಾತಾವರಣದಲ್ಲಿ ಹತ್ತು ದಿನ ಜಾರ್ ನಲ್ಲಿ ಸಂಗ್ರಹಿಸಿಡಿ. ನಂತರ ಮತ್ತೆ ಕತ್ತರಿಸಿದ ಬೆಳ್ಳುಳ್ಳಿಯನ್ನು ಬೆಚ್ಚಗಿನ ತೆಂಗಿನ ಎಣ್ಣೆಯೊಂದಿಗೆ ಬೆರೆಸಿ. ತಲೆಸ್ನಾನ ಮಾಡುವ ಒಂದು ಗಂಟೆ ಮೊದಲು ಹಚ್ಚಿರಿ. ನಂತರ ಕೂದಲು ಶಾಂಪೂ ಮಾಡಿ. ನೆತ್ತಿಯ ಆರೋಗ್ಯ ಕಾಪಾಡಲು ಮತ್ತು ತಲೆಹೊಟ್ಟು ಮತ್ತು ತುರಿಕೆ ನಿವಾರಣೆಗೆ ಬೇವಿನ ಎಲೆ ಮದ್ದು. ರಾತ್ರಿ ನೀರಿನಲ್ಲಿ ಬೇವಿನ ಎಲೆ ಕುದಿಸಿಡಿ.

ಮಾರನೇ ದಿನ ಬೇವಿನ ಎಲೆಯ ಪೇಸ್ಟ್ ತಯಾರಿಸಿ. ಅದನ್ನು ಕೂದಲಿಗೆ ಹಚ್ಚಿರಿ. 20 ನಿಮಿಷಗಳ ನಂತರ, ಕೂದಲನ್ನು ಸರಳ ನೀರಿನಿಂದ ತೊಳೆಯಿರಿ. ತೆಂಗಿನ ಹಾಲು. ಕೂದಲಿನ ಬೆಳವಣಿಗೆ ಉತ್ತೇಜಿಸುತ್ತದೆ. ರಾತ್ರಿ ಕೂದಲಿಗೆ ತೆಂಗಿನ ಹಾಲು ಹಚ್ಚಿ, ಹಾಗೇ ಬಿಡಿ. ಮರುದಿನ ಬೆಳಿಗ್ಗೆ ಕೂದಲನ್ನು ತೊಳೆಯಿರಿ. ಇದು ಕೂದಲನ್ನು ಮೃದುವಾಗಿಸುತ್ತದೆ.

ಎರಡು ಚಮಚ ಎಳ್ಳಿನ ಎಣ್ಣೆಯನ್ನು ಮೊಟ್ಟೆಯ ಜೊತೆ ಸೇರಿಸಿ. ಕೂದಲಿಗೆ ಹಚ್ಚಿ. 10 ನಿಮಿಷ ಬಿಟ್ಟು ಬಿಸಿ ನೀರಿನಲ್ಲಿ ಅದ್ದಿ ಟವೆಲ್ ಅನ್ನು ಕಟ್ಟಿಕೊಳ್ಳಿ. ನಂತರ ಶಾಂಪೂ ಮಾಡಿ. ಈರುಳ್ಳಿ ರಸ. ಇದು ಕೂದಲು ಬೆಳವಣಿಗೆಗೆ ಸಹಕಾರಿ. ಅಲೋವೆರಾ ಜೆಲ್ ಜೊತೆ ಈರುಳ್ಳಿ ರಸ ಬೆರೆಸಿ ಕೂದಲಿಗೆ ಹಚ್ಚಿ. ಇದು ಕೂದಲಿನ ರಚನೆಯನ್ನು ಸುಧಾರಿಸುತ್ತದೆ.

ತಲೆಹೊಟ್ಟು ಕಡಿಮೆ ಮಾಡಲು ಮೆಂತ್ಯ ಪುಡಿಯನ್ನು ಮೆಹಂದಿಗೆ ಮಿಕ್ಸ್ ಮಾಡಿ, 4 ಟೀ ಚಮಚ ನಿಂಬೆ ರಸ ಮತ್ತು ಕಾಫಿ, ಎರಡು ಹಸಿ ಮೊಟ್ಟೆ ಹಾಕಿ ದಪ್ಪ ಪೇಸ್ಟ್ ಮಾಡಿ. ಕೂದಲಿಗೆ ಹಚ್ಚಿರಿ. ಒಂದು ಗಂಟೆಯ ನಂತರ ಅದನ್ನು ತೊಳೆಯಬೇಕು.