ರಾಯಲ್​ ಎನ್​ಫೀಲ್ಡ್​​ ಪ್ರಿಯರೇ..! ಬಿಡುಗಡೆಗೆ ಸಿದ್ಧವಾಗಿದೆ ಹೊಸ ಮೆಟೊರ್​ 350 ಬೈಕ್​

ರಾಯಲ್ ಎನ್​ಫೀಲ್ಡ್​ ರೆಟ್ರೋ ಸ್ಟೈಲಿನ ಮೆಟೊರ್ 350 ಬೈಕ್ ಅನ್ನು ಸಿದ್ಧಪಡಿಸಿದ್ದು. ಸದ್ಯದಲ್ಲೇ ನೂತನ ಬೈಕ್ ಅನ್ನು ಬಿಡುಗಡೆ ಮಾಡುವುದಾಗಿ ಕಂಪೆನಿ ತಿಳಿಸಿದೆ.

ರಾಯಲ್ ಎನ್​ಫೀಲ್ಡ್​​ ಕಂಪೆನಿ 2020ರ ಆರಂಭದಲ್ಲಿ ರೆಟ್ರೋ ಸ್ಟೈಲ್ ಬೈಕ್ ಬಿಡುಗಡೆ ಮಾಡುವುದಾಗಿ ಹೇಳಿತ್ತು. ಮತ್ತು ಮುಂದಿನ ತಿಂಗಳು ಮಾರುಕಟ್ಟೆಗೆ ಬಿಡುಗಡೆ ಮಾಡುವುದಾಗಿ ಹೇಳಿತ್ತು.

ಆದರೀಗ ಜಗತ್ತಿನಾದ್ಯಂತ ವ್ಯಾಪಕವಾಗಿ ಹರಡಿರುವ ಕೊರೋನಾದಿಂದಾಗಿ ತಡವಾಗಿ ಬೈಕ್ ಲಾಂಚ್ ಮಾಡಲಿದೆ.

ಮೆಟೊರ್  350ಬೈಕ್ ಥಂಡರ್​ಬರ್ಡ್​  ಬೈಕ್​ಗೆ ಬದಲಾಗಿ ಉತ್ಪಾದನೆ ಮಾಡಿದೆ. ಮೆಟೊರ್ 350 ಬೈಕ್​ ಬಿಡುಗಡೆಗೊಂಡ ನಂತರ ಥಂಡರ್ ಬರ್ಡ್​​ ಬೈಕ್ ಉತ್ಪಾದನೆ ಸ್ಥಗಿತಗೊಳ್ಳಲಿದೆ.

ಸದ್ಯ ರಾಯಲ್ ಎನ್​ಫೀಲ್ಡ್​​ ಬೈಕ್ ಎಲ್ಲಾ ಪರೀಕ್ಷೆಗಳನ್ನು ಯಶಸ್ವಿಯಾಗಿ ಮುಗಿಸಿದ್ದು, ಬಿಡುಗಡೆಗಾಗಿ ಕಾಯುತ್ತಿದೆ. ಈ ಬೈಕ್ 346 ಸಿಸಿ ಎಂಜಿನ್ ಹೊಂದಿದೆ.

ಈಗಾಗಲೇ ಮೆಟೊರ್ ಬೈಕ್ ಜಾಹೀರಾತು ಶೂಟಿಂಗ್ ಅನ್ನು ಮುಗಿಸಿದೆ. ಸದ್ಯ ಹಲದಿ ಬಣ್ಣದ ಮೆಟೊರ್ ಬೈಕಿನ ಫೋಟೋಗಳು ಎಲ್ಲ ಕಡೆ ಹರಿದಾಡುತ್ತಿದೆ.

ರಾಯಲ್ ಮೆಟೊರ್ 350 ಬೈಕ್ ಬಿಎಸ್6 ಎಂಜಿನ್ ಜೊತೆಗೆ 346 cc ಏರ್ ಕೂಲ್ಡ್, ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದೆ.

5 ಸ್ಪೀಡ್ ಮಾನ್ಯುಯೆಲ್ ಟ್ರಾನ್ಸ್​ಮಿಶನ್ ಹೊಂದಿದ್ದು, 19.8 bhp ಪವರ್ ಹಾಗೂ 28 nm ಪೀಕ್ ಟಾರ್ಕ್ ಉತ್ಪಾದಿಸಬಲ್ಲ ಸಾಮರ್ಥ್ಯ ಹೊಂದಿದೆ.