Relationship: ನಿಮ್ಮ ಹಾಲಿ ಸಂಗಾತಿ ಜೊತೆ ಜಗಳವಾದಾಗ ಮಾಜಿ ಪ್ರೇಮಿ ಬಳಿ ಹೋಗ್ಬೇಕು ಅನಿಸುತ್ತಾ? ಅದಕ್ಕೂ ಮುನ್ನ ಈ ಬಗ್ಗೆ ಯೋಚಿಸಿ

ರಿಲೇಶನ್ ಶಿಪ್ ಹಾಳಾದ್ಯಾ? ಅದು ಪ್ರೇಮವೇ ಆಗಿರಲಿ ಅಥವಾ ಮದುವೆಯೇ ಆಗಿರಲಿ, ಕೆಲವೊಮ್ಮೆ ಉದ್ವೇಗದಿಂದ ದೂರ ಆಗಿರುತ್ತೀರಾ ನಿಜ. ದೂರವಾಗಿ ಮತ್ತೆ ನಿಮ್ಮ ಮಾಜಿ ಪ್ರಿಯಕರ ಅಥವಾ ಪ್ರಿಯತಮೆ ಬಳಿಗೆ ಹಿಂತಿರುಗಬೇಕೆಂದು ಬಯಸುತ್ತೀರಾ.

ಆದರೆ ಹೊಸ ರಿಲೇಶನ್ ಶಿಪ್ ಶುರು ಮಾಡಿದ ನಂತರ ಕೂಡ, ಮಾಜಿ ಪ್ರಿಯಕರ ಅಥವಾ ಪ್ರಿಯತಮೆಯ ನೆನಪು ಮತ್ತೆ ಕಾಡುತ್ತದೆ. ಸಂಗಾತಿಯೊಂದಿಗೆ ಜಗಳವಾದಾಗ, ನಿಮ್ಮ ಮಾಜಿ ಗೆಳೆಯ ಅಥವಾ ಗೆಳತಿ ಹಿಂತಿರುಗಬೇಕೆಂದು ಅನಿಸುತ್ತದೆ.

ಹಿಂದೆ ಇದ್ದ ನಿಮ್ಮ ಮಾಜಿ ಪ್ರೇಮಿ ನಿಮ್ಮ ಮನಸ್ಸಿನ ಮೇಲೆ ಹೆಚ್ಚು ಪ್ರಭಾವ ಬೀರಿದ್ದಾರಾ? ನಿಮ್ಮ ಸಂಗಾತಿ ಅವರ ನಿರ್ಧಾರಗಳನ್ನು ನಿಮ್ಮ ಮೇಲೆ ಹೇರಲು ಪ್ರಯತ್ನಿಸುತ್ತಿದ್ರಾ? ಈ ಕಾರಣಕ್ಕೆ ದೂರವಾಗಿ ಈಗ ಮತ್ತೆ ನಿಮ್ಮ ಮಾಜಿ ಪ್ರೇಮಿಯ ಹತ್ತಿರ ಹಿಂತಿರುಗಲು ಕಾರಣಗಳನ್ನು ಹುಡುಕಬೇಡಿ. ಸಂಬಂಧದಲ್ಲಿ ರಾಜಿ, ಸಹನೆ, ತಾಳ್ಮೆ ಬಹಳ ಮುಖ್ಯ. ಯಾರು ಯಾರ ಮೇಲೂ ಹಿಡಿತ ಸಾಧಿಸಲು ಸಾಧ್ಯವಿಲ್ಲ.

ಅನೇಕ ಸಂಗಾತಿಗಳು ತುಂಬಾ ಕೋಪಿಷ್ಟರಾಗಿರುತ್ತಾರೆ. ನಿಮ್ಮ ಮೇಲೆ ಅವರು ಕೈಯನ್ನು ಎತ್ತಬಹುದು. ಈ ವೇಳೆ ದೈಹಿಕ ಹಲ್ಲೆ ಜೊತೆಗೆ ಭಾವನಾತ್ಮಕವಾಗಿಯೂ ನಿಮಗೆ ಘಾಸಿ ಆಗಿರಬಹುದು. ಆದರೆ ನೆನಪಿನಲ್ಲಿಟ್ಟುಕೊಳ್ಳಿ. ಹೊಡೆಯುವುದು ಯಾವುದೇ ಸಮಸ್ಯೆಗೆ ಪರಿಹಾರ ಅಥವಾ ಉತ್ತರವಲ್ಲ. ಹೀಗಂತ ಹಿಂದಿನ ಮಾಜಿ ಪ್ರೇಮಿಯ ಬಳಿ ತೆರಳದೇ ಇರುವುದು ಉತ್ತಮ.

ಸಂಬಂಧವನ್ನು ಪರಸ್ಪರ ಗೌರವಿಸಿ. ಇಬ್ಬರೂ ಕೂಡ ಗೌರವವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ನಿಮ್ಮ ಸಂಗಾತಿ ನಿರಂತರವಾಗಿ ನಿಮ್ಮನ್ನು ಅವಮಾನಿಸುತ್ತಲೇ ಇದ್ದರೆ ಸಂಬಂಧವನ್ನು ಪುನರುಜ್ಜೀವನಗೊಳಿಸದಿರುವುದು ಉತ್ತಮ.

ಸಂಬಂಧದಲ್ಲಿ ನಂಬಿಕೆ ಅಥವಾ ವಿಶ್ವಾಸವನ್ನು ಹೊಂದಿರುವುದು ಬಹಳ ಮುಖ್ಯ. ಆತ್ಮವಿಶ್ವಾಸವನ್ನು ಅಲುಗಾಡಿಸಿದರೆ, ಅನುಮಾನವು ತೀವ್ರಗೊಳ್ಳುತ್ತದೆ. ಒಬ್ಬರನ್ನೊಬ್ಬರು ಅನುಮಾನಿಸುವುದರಿಂದ ಆಪಾದನೆಯ ತಿರುವು ಹೆಚ್ಚಾಗುತ್ತದೆ. ಆ ಸಂಬಂಧ ಎಂದಿಗೂ ಸರಿಹೋಗುವುದಿಲ್ಲ.

ಹಳೆಯ ಮುರಿದ ಹೋದ ಪ್ರೀತಿಯೊಂದಿಗೆ ಮರುಸಂಪರ್ಕ ಹೊಂದಲು ಪ್ರಯತ್ನಿಸುವಾಗ ನಿಮ್ಮ ಮಾಜಿ ತಪ್ಪಿತಸ್ಥರನ್ನು ಒಪ್ಪಿಕೊಳ್ಳಲು ಸಿದ್ಧರಿದ್ದಾರೆಯೇ ಎಂದು ನೋಡಿ. ಏಕೆಂದರೆ ಇಲ್ಲದಿದ್ದರೆ ಸಂಬಂಧದ ಅಡಿಪಾಯ ದುರ್ಬಲವಾಗಿ ಉಳಿಯುತ್ತದೆ. ಆ ಎಲ್ಲಾ ಸಂಬಂಧಗಳು ಎಂದಿಗೂ ಯಶಸ್ವಿಯಾಗುವುದಿಲ್ಲ.

(Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)