Swimming: ನಿಮ್ಮ ಮಕ್ಕಳನ್ನು ಸ್ವಿಮ್ಮಿಂಗ್ ಕ್ಲಾಸ್​ಗೆ ಕಳುಹಿಸುತ್ತಿದ್ದೀರಾ? ಹಾಗಾದ್ರೆ ಈ ವಿಷಯಗಳ ಬಗ್ಗೆ ಗಮನವಿರಲಿ

ಸ್ಕೂಲ್ , ಎಕ್ಸಾಂ ಮುಗಿದು ಬೇಸಿಗೆ ರಜೆ ಬಂದಿದೆ, ಈಗ ಮಕ್ಕಳು ಆಟವಾಡೋದ್ರಲ್ಲೇ ಕಾಲ ಕಳೆಯುತ್ತಾರೆ. ಸ್ವಿಮ್ಮಿಂಗ್ ಕಲಿಯಲು ಮಕ್ಕಳಿಗೆ ಬೇಸಿಗೆ ಕಾಲವೇ ಉತ್ತಮವಾಗಿದೆ. ಅನೇಕ ಮಕ್ಕಳ ಆಸೆ ಕೂಡ ಆಗಿರುತ್ತೆ. ಹೀಗಾಗಿ ಪೋಷಕರ ಬಳಿ ಹಠ ಮಾಡಿಯಾದ್ರು ಸ್ವಿಮ್ಮಿಂಗ್ ಕಲಿಯಲು ಹೋಗ್ತಾರೆ. ಈ ವೇಳೆ ಕೆಲ ವಿಚಾರವನ್ನು ಪೋಷಕರು ಮರೆಯಲೇ ಬಾರದು

ತಜ್ಞರ ಪ್ರಕಾರ ಈಜು ಮಕ್ಕಳಿಂದ ದೊಡ್ಡವರವರೆಗೆ ಎಲ್ಲರಿಗೂ ಒಳ್ಳೆಯ ಹವ್ಯಾಸ, ದೈಹಿಕ ಮತ್ತು ಮಾನಸಿಕವಾಗಿ ಸದೃಢವಾಗಿರುವುದರ ಜೊತೆಗೆ, ಈಜು ಹಲವಾರು ಆರೋಗ್ಯ ಪ್ರಯೋಜನಗಳನ್ನು ಹೊಂದಿದೆ. ಆದರೆ ಮಕ್ಕಳಿಗೆ ಈಜು ಕಲಿಸುವ ಮುನ್ನ ಅವರ ಆರೋಗ್ಯದಿಂದ ಹಿಡಿದು ಈಜುಕೊಳದ ಸ್ಥಿತಿಯವರೆಗೂ ಅನೇಕ ವಿಷಯಗಳನ್ನು ನಿರ್ಲಕ್ಷಿಸಬಹುದು. ಹಾಗಾದರೆ ಮಕ್ಕಳಿಗೆ ಈಜು ಕಲಿಸಲು ಕೆಲವು ಸುರಕ್ಷತಾ ಸಲಹೆಗಳ ಬಗ್ಗೆ ತಿಳಿಯೋಣ,

ಮಕ್ಕಳಿಗೆ ಈಜು ಕಲಿಸುವ ಮುನ್ನ ಒಮ್ಮೆ ಆರೋಗ್ಯ ತಪಾಸಣೆ ಮಾಡಿಸಿ. ಅವರ ಆರೋಗ್ಯ ಮತ್ತು ತೂಕದ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಿದ ನಂತರ ವೈದ್ಯರನ್ನು ಸಂಪರ್ಕಿಸಲು ಮರೆಯಬೇಡಿ. ಈಜುವಾಗ ಮಗುವಿನ ಬಳಿ ಪ್ರಥಮ ಚಿಕಿತ್ಸಾ ಪೆಟ್ಟಿಗೆಯನ್ನು ಸಹ ಇರಿಸಿ

ನಿಮ್ಮ ಮಕ್ಕಳನ್ನು ಸ್ವಿಮ್ಮಿಂಗ್ ಕ್ಲಾಸ್ಗೆ ಕಳುಹಿಸುವ ಮೊದಲು ಈಜುಕೊಳವು ಸ್ವಚ್ಛವಾಗಿದೆ ಎಂದು ಖಚಿತಪಡಿಸಿಕೊಳ್ಳಿ. ಕೆಲವೊಮ್ಮೆ ಈಜುಕೊಳದ ನೀರಿನಲ್ಲಿ ಕ್ಲೋರಿನ್ ಪ್ರಮಾಣವು ತುಂಬಾ ಹೆಚ್ಚಾಗಿರುತ್ತದೆ. ಅದರಲ್ಲಿ ಮಳೆ ನೀರು ಕೂಡ ಶೇಖರಣೆಯಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಮಕ್ಕಳು ಚರ್ಮ ರೋಗಗಳು ಮತ್ತು ವೈರಲ್ ಸೋಂಕುಗಳಿಗೆ ತುತ್ತಾಗುತ್ತಾರೆ

ಮಕ್ಕಳನ್ನು ಸ್ವಿಮ್ಮಿಂಗ್ ಪೂಲ್ನಲ್ಲಿ ಇಳಿಸುವ ಮೊದಲು ಕಣ್ಣಿನ ಕನ್ನಡಕ, ಇಯರ್ ಪ್ಲಗ್ಗಳು, ಕ್ಯಾಪ್ಗಳು, ಟವರ್ಗಳು, ಫ್ಲೋಟರ್ಗಳಂತಹ ಸುರಕ್ಷತಾ ಸಾಧನಗಳನ್ನು ಒದಗಿಸಲು ಮರೆಯಬೇಡಿ. ಇದು ನಿಮ್ಮ ಮಗುವಿಗೆ ಭಯವಿಲ್ಲದೆ ಈಜಲು ಅನುವು ಮಾಡಿಕೊಡುತ್ತದೆ.

ಮಕ್ಕಳ ಈಜು ತರಬೇತುದಾರ, ಲೈಫ್ ಗಾರ್ಡ್ ಬಗ್ಗೆ ಕೂಡ ತಿಳಿದುಕೊಳ್ಳಿ. ಹತ್ತಿರದಿಂದ ಅವರ ಮಾರ್ಗದರ್ಶನವನ್ನು ಗಮನಿಸುತ್ತಿರಿ. ಕೆಲವೊಮ್ಮೆ ಅನುಭವವಿಲ್ಲದ ತರಬೇತುದಾರರು ಮಕ್ಕಳ ದಾರಿ ತಪ್ಪಿಸಬಹುದು

ಮಕ್ಕಳ ಮೇಲೆ ನಿಗಾವಹಿಸಿ; ಸ್ವಿಮ್ಮಿಂಗ್ ಪೂಲ್ಗೆ ಹೋದ 10-15 ದಿನಗಳಲ್ಲಿ ಮಕ್ಕಳು ಈಜು ಪ್ರವೀಣರಾಗೋದಿಲ್ಲ. ಹೀಗಾಗಿ ಮಕ್ಕಳನ್ನು ನದಿ, ಸಮುದ್ರಗಳಲ್ಲಿ ಈಜಲು ಬಿಡಬೇಡಿ. ನೀರಿ ರಭಸದಲ್ಲಿ ಬಹಳ ವ್ಯತ್ಯಾಸವಿರುತ್ತೆ