Relationship Tips: ಗಂಡ ಹೆಂಡತಿ ಜಗಳವಾಡ್ತಾ ಯಾವುದೇ ಕಾರಣಕ್ಕೂ ಈ ಪದಗಳನ್ನು ಬಳಸಲೇಬಾರ್ದು

ಗಂಡ ಹೆಂಡತಿ ಅಂತ ಆದಮೇಲೆ ಒಂದು ಮಾತು ಬರುತ್ತೆ, ಒಂದು ಮಾತು ಹೋಗುತ್ತೆ. ಹೀಗಿರುವ ಟೈಮ್​ನಲ್ಲಿ ಯಾವುದೇ ಕಾರಣಕ್ಕೂ ಈ ಮಾತುಗಳನ್ನು ನೀವು ನಿಮ್ಮವರೊಂದಿಗೆ ಹೇಳಲೇಬಾರದು.

ಗಂಡ-ಹೆಂಡತಿ ಜಗಳದ ಸಂದರ್ಭದಲ್ಲಿ ಕೋಪ, ದ್ವೇಷದಿಂದ ಸಂಗಾತಿಗೆ ನೋವಾಗುವಂತಹ ಪದಗಳನ್ನು ಬಳಸಬಾರದು. ನಿಮಗೆ ಕೋಪ ಬಂದಾಗ ಆದಷ್ಟು ಸುಮ್ಮನೆ ನಿಮ್ಮ ಪಾಟಿಗೆ ನೀವು ಸಮಯ ಕಳೆಯಿರಿ. ನಿಮ್ಮವರಿಗೆ ಅವಾಚ್ಯ ಪದಗಳಿಂದ ಗದರಬೇಡಿ.

ಕೋಪದಲ್ಲಿ ಏನನ್ನಾದರೂ ಹೇಳಿದರೂ, ಅದನ್ನು ಸರಿಪಡಿಸುವುದು ದೊಡ್ಡ ಟಾಸ್ಕ್​. ನಿಮ್ಮ ಸಂಬಂಧದಲ್ಲಿ ತುಂಬಾ ಹಾನಿಕಾರಕವಾದ ಕೆಲವು ವಿಷಯಗಳಿರುತ್ತದೆ. ಸ್ಥಳ ಮತ್ತು ಅರ್ಥವನ್ನು ಲೆಕ್ಕಿಸದೆ ಬಳಸುವ ಪದಗಳು ದಾಂಪತ್ಯದಲ್ಲಿ ಬಿರುಕು ಮೂಡಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ನಿಮ್ಮ ಹತ್ತಿರವಿರುವ ಯಾರಿಗಾದರೂ, ಅದು ಗಂಡ ಅಥವಾ ಹೆಂಡತಿಯಾಗಿರಲಿ, ನೀವು ಎಂದಿಗೂ ಹೇಳಬಾರದ ಕೆಲವು ಪದಗಳನ್ನು ಕೆಳಗೆ ನೀಡಲಾಗಿದೆ.

'ನನಗೆ ನಿಮ್ಮೊಂದಿಗೆ ಬೇಸರವಾಗುತ್ತಿದೆ': ಚಿಕ್ಕ ಚಿಕ್ಕ ಜಗಳಕ್ಕೂ ಈ ಪದವು ಹೇಳಿದರೆ, ನಿಮ್ಮ ಸಂಗಾತಿಯ ಹೃದಯವನ್ನು ನೂರು ಬಾರಿ ಒಡೆದಂತೆ ಆಗುತ್ತದೆ. ಈ ಮಾತಿನಿಂದ ಸಂಬಂಧವು ಬೇಗ ಹಾಳಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಇಂತಹ ನಕಾರಾತ್ಮಕ ಕಾಮೆಂಟ್‌ಗಳು ಮತ್ತು ಹೋಲಿಕೆಗಳು ಸಂಬಂಧಗಳಿಗೆ ತೊಂದರೆಯನ್ನು ಮಾತ್ರವಲ್ಲದೆ, ದೂರವಾಗುವ ಸಾಧ್ಯತೆಗಳನ್ನು ತರುತ್ತವೆ.

ನಾನು ಹೇಳುವುದನ್ನು ನೀವು ಯಾಕೆ ಕೇಳುವುದಿಲ್ಲ?: ನಿಮ್ಮ ಸಂಗಾತಿ ನೀವು ಹೇಳುವುದನ್ನು ಕೇಳುವುದಿಲ್ಲವಾದರೂ, ಜಗಳದ ಸಮಯದಲ್ಲಿ ಈ ಪದವನ್ನು ಬಳಸುವುದು ಅನಗತ್ಯ. ನೀವು ತುಂಬಾ ಕೋಪಗೊಂಡಾಗ ಈ ಪದವನ್ನು ಪದೇ ಪದೇ ಪುನರಾವರ್ತಿಸುವುದು ಸಂಘರ್ಷಕ್ಕೆ ಕಾರಣವಾಗುತ್ತದೆ ಮತ್ತು ಅರ್ಥವಾಗುವುದಿಲ್ಲ. ಆದ್ದರಿಂದ ಶಾಂತಿಯುತ ಪರಿಸ್ಥಿತಿಯಲ್ಲಿರುವ ಸಮಯದಲ್ಲಿ ಈ ಮಾತನ್ನು ಹೇಳಿ ಸಾಕು.

'ನೀವು ಬದಲಾಗಿದ್ದೀರಿ' : ಬದಲಾವಣೆ ಒಂದೇ ಅಲ್ಲ ಎಂಬುದನ್ನು ದಂಪತಿ ಅರಿತುಕೊಳ್ಳಬೇಕು. ಒಬ್ಬರ ಪ್ರೀತಿಯ ಜೀವನ ಅಥವಾ ಹೊಸದಾಗಿ ಮದುವೆಯಾದ ಜೀವನವು ಒಂದೇ ಆಗಿರುವುದಿಲ್ಲ. ಸಂಬಂಧ ಯಾವಾಗಲೂ ಒಂದೇ ಅಥವಾ ಒಂದೇ ರೀತಿಯಾಗಿ ಸ್ಥಿರವಾಗಿರಲು ಸಾಧ್ಯವಿಲ್ಲ. ವಯಸ್ಸು ಆಗ್ತಾ ಇದ್ದಂತೆ ಬಿಹೇವಿಯರ್​ ಕೂಡ ಬದಲಾಗುತ್ತದೆ. ಹಾಗಂತೆ ಪ್ರೀತಿಯಲ್ಲಿ ಕೊರತೆ ಆಗಿದೆ ಎಂದು ಜಡ್ಜ್​ ಮಾಡ್ಲೇಬಾರ್ದು.

ಮನೆ ಬಿಟ್ಟು ಹೋಗು: ಈ ಮಾತು ಹಲವಾರು ಸಂಬಂಧದಲ್ಲಿ ಬರುತ್ತದೆ. ಗಂಡನನ್ನು ನಂಬಿಕೊಂಡು ಹೆಂಡತಿ ಬಂದಿರುತ್ತಾಳೆ. ಅಂತಹ ಸಮಯದಲ್ಲಿ ಸಣ್ಣ ಪುಟ್ಟ ವಿಷಯಗಳಿಗೆ ನೀವು ಆಕೆಗೆ ಮನೆ ಬಿಟ್ಟು ಹೋಗುವಂತೆ ಹೇಳಬಾರದು. ಇದರಿಂದ ಡಿವೋರ್ಸ್​ ಆಗುವ ಸಾಧ್ಯತೆ ಇರುತ್ತದೆ.