Rahul Gandhi Fitness: ಫಿಟ್ನೆಸ್​ ಕಾಪಾಡಲು ರಾಹುಲ್ ಗಾಂಧಿ ಪ್ರತಿದಿನ ಹೀಗ್ಮಾಡ್ತಾರಂತೆ, ದೃಢ ದೇಹದ ರಹಸ್ಯವಿದು

ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಸದ್ಯ ಭಾರತ್ ಜೋಡೋ ಯಾತ್ರೆಯಲ್ಲಿ ಬ್ಯುಸಿಯಾಗಿದ್ದಾರೆ. ಪಾದಯಾತ್ರೆಯ ಮೂಲಕ ಜನರ ಜೊತೆ ಸಂಪರ್ಕ ಬೆಳೆಸುತ್ತಿದ್ದಾರೆ. ದಿನಕ್ಕೆ ನೂರಾರು ಕಿಮೀ ಓಡಾಟ ಮಾಡುತ್ತಿದ್ದಾರೆ.

ಭಾರತ್ ಜೋಡೋ ಯಾತ್ರೆಯ ನಡುವೆ ಸ್ಪ್ರಿಂಟಿಂಗ್, ಪುಷ್-ಅಪ್ಸ್, ಟ್ಯಾಂಕ್ ಮೇಲೆ ಹತ್ತುವುದು, ಹೀಗೆ ವಿವಿಧ ರೀತಿ ಕಾರ್ಯಗಳಲ್ಲಿ ಬ್ಯುಸಿ ಆಗಿದ್ದು. ಅವರ ಫಿಟ್​ನೆಸ್​ ಬಗ್ಗೆ ಎಲ್ಲರ ಗಮನ ಹರಿದಾಡುತ್ತಿದ್ದಾರೆ.

ಈ ವಯಸ್ಸಿನಲ್ಲೂ, ಅವರು ತುಂಬಾ ಚಿಕ್ಕವರಂತೆ ಬಹಳ ಫಿಟ್ ಆಗಿದ್ದಾರೆ. ರಾಹುಲ್ ಗಾಂಧಿಯವರ ಜೋಶ್ ನೋಡಿ, ಅವರ ಸ್ನಾಯು, ಡಯಟ್ ಮತ್ತು ಫಿಟ್ನೆಸ್ ನಮಗೆ ಇಷ್ಟವಾಗಿದೆ ಎಂದು ಜನ ಹೇಳುತ್ತಿದ್ದಾರೆ.

ರಾಹುಲ್ ಗಾಂಧಿ ಈಗ ಫಿಟ್‌ನೆಸ್ ತಂತ್ರಗಳನ್ನು ಹೆಚ್ಚಾಗಿ ಅನುಸರಿಸುತ್ತಿರಬಹುದು ಮತ್ತು ಅವರ ವರ್ಕ್‌ಔಟ್ ಮತ್ತು ಡಯೆಟ್ ಯಾತ್ರೆಯಲ್ಲಿ ಪಾಲ್ಗೊಳ್ಳುವ ಯುವಕರಲ್ಲಿ ಸ್ವಾಭಾವಿಕವಾಗಿ ಕುತೂಹಲವನ್ನು ಹೆಚ್ಚಿಸಿದೆ ಎನ್ನಬಹುದು.

ಧ್ಯಾನ
ರಾಹುಲ್ ಮಾತ್ರವಲ್ಲ, ಇಡೀ ಗಾಂಧಿ ಕುಟುಂಬವೇ ಧ್ಯಾನವನ್ನು ಇಷ್ಟಪಡುತ್ತಾರೆ. ಮೂಲಗಳ ಪ್ರಕಾರ, ರಾಹುಲ್ ಆಧ್ಯಾತ್ಮಿಕತೆಯನ್ನು ನಂಬುತ್ತಾರೆ, ಅವರು ಆಗಾಗ ವಿವಿಧ ಧ್ಯಾನ ಸಂಸ್ಥೆಗಳಿಗೆ ಭೇಟಿ ನೀಡುತ್ತಾರೆ. ಧ್ಯಾನವು ಜ್ಞಾನವನ್ನು ಪಡೆಯುವ ಮಾರ್ಗಗಳಲ್ಲಿ ಒಂದಾಗಿದೆ. ಧ್ಯಾನವು ನಿಮ್ಮ ದೇಹ ಮತ್ತು ಆತ್ಮದ ಮೇಲೆ ಶಾಂತ ಮತ್ತು ಹಿತವಾದ ಪರಿಣಾಮವನ್ನು ನೀಡುತ್ತದೆ ಎಂಬುದು ಅವರ ಅಭಿಪ್ರಾಯ.

ಜಾಗಿಂಗ್
ರಾಹುಲ್ ಗಾಂಧಿ ಪ್ರತಿ ದಿನವೂ 12-ಕಿಮೀ ಓಡುತ್ತಾರಂತೆ. ಅವರು ಜಾಗಿಂಗ್ ಮತ್ತು ರನ್ನಿಂಗ್ನಲ್ಲಿ ಆಸಕ್ತಿ ಹೊಂದಿದ್ದು, ಅವರು ಮಿಸ್ ಮಾಡದೇ ಜಾಗಿಂಗ್ ಮಾಡುತ್ತಾರೆ.

ಜಾಗಿಂಗ್
ರಾಹುಲ್ ಗಾಂಧಿಗೆ ಜಾಗಿಂಗ್ ಎಂದರೆ ಬಹಳ ಇಷ್ಟ ಎಂಬುದನ್ನ ಅವರೇ ಒಂದು ಸಂದರ್ಶನದಲ್ಲಿ ಸಹ ಹೇಳಿಕೊಂಡಿದ್ದರು. ಒಮ್ಮೆ ಅವರು ಬೆಳಗ್ಗೆ ಜಾಗಿಂಗ್ ಮಾಡಲು ಸಾಧ್ಯವಾಗಲಿಲ್ಲ ಎಂದು ರಾತ್ರಿ ಸಹ ಜಾಗಿಂಗ್ ಮಾಡಿದ್ದರಂತೆ.

ಯೋಗ
ಪ್ರಧಾನಿ ನರೇಂದ್ರ ಮೋದಿ ಮಾತ್ರವಲ್ಲ, ರಾಹುಲ್ ಗಾಂಧಿ ಕೂಡ ಯೋಗವನ್ನು ಫಾಲೋ ಮಾಡುತ್ತಾರೆ. ಅವರು ತಮ್ಮ ಬಿಡುವಿನ ಸಮಯದಲ್ಲಿ ಯೋಗವನ್ನು ಮಾಡುತ್ತಾರಂತೆ. ಅವರ ಫಿಟ್ನೆಸ್ ರಹಸ್ಯಗಳಲ್ಲಿ ಯೋಗ ಕೂಡ ಒಂದು.