Propose Best Friend: ಬೆಸ್ಟ್ ಫ್ರೆಂಡ್ ಜೊತೆ ಲವ್ವಲ್ಲಿ ಬಿದ್ದಿದ್ದೀರಾ? ಹಾಗಾದ್ರೆ ಈ ರೀತಿ ಪ್ರಪೋಸ್ ಮಾಡಿದ್ರೆ ಗ್ರೀನ್ ಸಿಗ್ನಲ್ ಗ್ಯಾರಂಟಿ!

ಬೆಸ್ಟ್ ಫ್ರೆಂಡ್ ಜೊತೆಗೆ ಪ್ರೀತಿಯನ್ನು ಹೇಗೆ ಹೇಳಿಕೊಳ್ಳುವುದು? ಪ್ರೀತಿಯ ಜೊತೆಗೆ ಸ್ನೇಹ ಕೂಡ ಮುಖ್ಯ. ಕೆಲವರು ಪ್ರೀತಿಯಲ್ಲಿ ಬಿದ್ದ ನಂತರ ಸ್ನೇಹಿತರಾಗುತ್ತಾರೆ. ಇನ್ನೂ ಕೆಲವರು ತಮ್ಮ ಬೆಸ್ಟ್ ಫ್ರೆಂಡ್ ಜೊತೆಗೆ ಪ್ರೀತಿಯಲ್ಲಿ ಬೀಳುತ್ತಾರೆ. ಬೆಸ್ಟ್ ಫ್ರೆಂಡ್ ಅನ್ನು ಪ್ರೀತಿಸುವುದು ಸಹಜ. ಆದರೆ ಪ್ರೀತಿಯನ್ನು ಹೇಳಿಕೊಂಡರೆ ಎಲ್ಲಿ ಸ್ನೇಹ ಮುರಿದು ಬೀಳುತ್ತದೆಯೋ ಎಂಬ ಭಯದಿಂದ ತಮ್ಮ ಭಾವನೆಗಳನ್ನು ಅದೆಷ್ಟೋ ಮಂದಿ ಮರೆಮಾಚುತ್ತಾರೆ.

ಇಂತಹ ವೇಳೆ ನೀವು ನಿಮ್ಮ ಬೆಸ್ಟ್ ಫ್ರೆಂಡ್ ಜೊತೆಗೆ ಲವ್ ಎಕ್ಸ್​ಪ್ರೆಸ್ ಮಾಡಲು ಈ ಸಿಂಪಲ್ ಟಿಪ್ಸ್ ಫಾಲೋ ಮಾಡಿ. ಈ ಮೂಲಕ ನಿಮ್ಮ ಬೆಸ್ಟ್ ಫ್ರೆಂಡ್​​ನಿಂದ ಗ್ರೀನ್ ಸಿಗ್ನಲ್ ಪಡೆಯಿರಿ. ಹಾಗಾದ್ರೆ ನಿಮ್ಮ ಬೆಸ್ಟ್ ಫ್ರೆಂಡ್​ಗೆ ಪ್ರೀತಿಯನ್ನು ವ್ಯಕ್ತಪಡಿಸುವ ಸರಳ ವಿಧಾನದ ಬಗ್ಗೆ ಈಗ ತಿಳಿಯೋಣ.

ಸುಳಿವು ನೀಡಲು ಪ್ರಯತ್ನಿಸಿ: ನಿಮ್ಮ ಸ್ನೇಹಿತರಿಗೆ ನೇರವಾಗಿ ಪ್ರೀತಿಯನ್ನು ವ್ಯಕ್ತಪಡಿಸುವ ಬದಲು, ನೀವು ಅವರಿಗೆ ಮುಂಚಿತವಾಗಿ ಒಂದು ಸಣ್ಣ ಸುಳಿವು ನೀಡಬಹುದು. ಇದಕ್ಕಾಗಿ ನೀವು ಸ್ನೇಹಿತನೊಂದಿಗೆ ಫ್ಲರ್ಟಿಂಗ್ ಮತ್ತು ಅವರ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವಂತಹ ಸಲಹೆಗಳನ್ನು ಅನುಸರಿಸಬಹುದು. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ನಡವಳಿಕೆಯಲ್ಲಿನ ಈ ಬದಲಾವಣೆಯನ್ನು ಸ್ನೇಹಿತರು ಇಷ್ಟಪಟ್ಟರೆ, ಅವರಿಗೂ ನೀವು ಇಷ್ಟ ಎಂದರ್ಥ.

ನೆಚ್ಚಿನ ಸ್ಥಳದಲ್ಲಿ ಪ್ರಸ್ತಾಪಿಸಿ: ನಿಮ್ಮ ಫ್ರೆಂಡ್ಗೆ ಪ್ರೀತಿಯನ್ನು ವ್ಯಕ್ತಪಡಿಸಲು ಅವರ ಫೆವರೇಟ್ ಪ್ಲೇಸ್ ಆಯ್ಕೆ ಮಾಡಬಹುದು. ಈ ವೇಳೆ ನಿಮ್ಮ ಫ್ರೆಂಡ್ ಅನ್ನು ಅವರ ನೆಚ್ಚಿನ ತಾಣಕ್ಕೆ ಕರೆದೊಯ್ಯುವ ಮೂಲಕ ಆಶ್ಚರ್ಯಗೊಳಿಸಿ ಮತ್ತು ನಿಮ್ಮ ಮನಸ್ಸಿನಲ್ಲಿರುವುದರ ಬಗ್ಗೆ ನೇರವಾಗಿ ಹೇಳಿ. ನೀವು ಪ್ರೀತಿಸಲು ಕಾರಣವೇನು ಎಂಬ ಕಾರಣವನ್ನೂ ಹೇಳಿ. ಇದರಿಂದ ನಿಮ್ಮ ಫ್ರೆಂಡ್ ನಿಮಗೆ ತಕ್ಷಣವೇ ಓಕೆ ಅಂತ ಕೂಡ ಹೇಳಬಹದು.

ಲವ್ ಲೆಟರ್ ಟ್ರೈ ಮಾಡಿ: ಇಂಟರ್ನೆಟ್ ಯುಗದಲ್ಲಿ ಲವ್ ಲೆಟರ್ ಬರೆಯುವ ಟ್ರೆಂಡ್ ಬಹಳ ಹಳೆಯದಾಗಿದೆ. ಆದರೆ ಪ್ರೀತಿಯನ್ನು ವ್ಯಕ್ತಪಡಿಸಲು ಇದು ಅತ್ಯುತ್ತಮ ಮಾರ್ಗವಾಗಿದೆ. ನೀವು ಎದ್ದು ನಿಂತು ನಿಮ್ಮ ಸ್ನೇಹಿತರಿಗೆ ಐ ಲವ್ ಯೂ ಎಂದು ಹೇಳಲು ಸಾಧ್ಯವಾಗದಿದ್ದರೆ, ನೀವು ಅವರಿಗೆ ಲವ್ ಲೆಟರ್ ಜೊತೆಗೆ ಸುಂದರವಾದ ಉಡುಗೊರೆಯನ್ನು ಕಳುಹಿಸಬಹುದು.

ಫೋನ್ ಕಾಲ್: ನಿಮ್ಮ ಪ್ರೀತಿಯನ್ನು ಫ್ರೆಂಡ್ ಮುಂದೆ ವ್ಯಕ್ತಪಡಿಸಲು ನೀವು ಹಿಂಜರಿಯುತ್ತಿದ್ದರೆ, ನೀವು ಫೋನ್ನಲ್ಲಿ ಕರೆ ಮಾಡುವ ಮೂಲಕ ಸ್ನೇಹಿತರಿಗೆ ನಿಮ್ಮ ಹೃದಯದ ಮಾತನ್ನು ವ್ಯಕ್ತಪಡಿಸಬಹುದು. ಆದರೆ ರಾತ್ರಿ ಹೊತ್ತಲ್ಲಿ ಕರೆ ಮಾಡುವುದು ಉತ್ತಮ. ಅಂತಹ ಪರಿಸ್ಥಿತಿಯಲ್ಲಿ ನೀವು ಸುಲಭವಾಗಿ ನಿಮ್ಮ ಭಾವನೆಗಳನ್ನು ಫ್ರೆಂಡ್ ಜೊತೆಗೆ ಹಂಚಿಕೊಳ್ಳಬಹುದು.

ಮನಸ್ಸನ್ನು ಅರ್ಥ ಮಾಡಿಕೊಳ್ಳಿ: ಪ್ರೀತಿಯನ್ನು ವ್ಯಕ್ತಪಡಿಸುವ ಮುನ್ನ ನಿಮ್ಮ ಫ್ರೆಂಡ್ ಮನಸ್ಸಿನಲ್ಲಿ ಏನಿದೆ ಎಂದು ತಿಳಿದುಕೊಳ್ಳುವುದು ಬಹಳ ಮುಖ್ಯ. ನಿಮ್ಮ ಫ್ರೆಂಡ್ ಬೇರೆಯವರನ್ನು ಇಷ್ಟ ಪಡುತ್ತಿದ್ದರೆ ನಿಮ್ಮ ಪ್ರೀತಿಯನ್ನು ಅಪ್ಪಿತಪ್ಪಿಯೂ ಹೇಳಬೇಡಿ. ಇಲ್ಲದಿದ್ದರೆ, ನಿಮ್ಮ ಸ್ನೇಹವು ಆಗಲೇ ಕೊನೆಗೊಳ್ಳಬಹುದು.