Promise Day: ನಿಮ್ಮ ಸಂಗಾತಿಗೆ ಹೀಗೆ ಪ್ರಾಮಿಸ್ ಮಾಡಿ ಇಂಪ್ರೆಸ್ ಮಾಡಿ!

ಪ್ರೀತಿ ಮತ್ತು ಮದುವೆಯಂತಹ ಸಂಬಂಧಗಳು ನಂಬಿಕೆ ಮತ್ತು ಭರವಸೆಯ ಮೇಲೆ ನಿಂತಿರುತ್ತದೆ. ಕಷ್ಟದ ಸಮಯದಲ್ಲಿ ಪರಸ್ಪರ ಬೆಂಬಲ ನೀಡುವುದಾಗಿದೆ. ಸದ್ಯ ವ್ಯಾಲೆಂಟೈನ್ಸ್ ಡೇ ಆಚರಣೆಗಳಲ್ಲಿ ಪ್ರಾಮಿಸ್ ಡೇ ಕೂಡ ಒಂದು. ಇದನ್ನು ಫೆಬ್ರವರಿ 11 ರಂದು ಆಚರಿಸಲಾಗುತ್ತದೆ. ಈ ದಿನ ಪ್ರೇಮಿಗಳು ಮತ್ತು ದಂಪತಿಗಳು ಪರಸ್ಪರ ಭರವಸೆ ನೀಡುವ ದಿನವಾಗಿದೆ.

ದೀರ್ಘಕಾಲ ಒಟ್ಟಿಗೆ ಇರುವುದು : ನೀವು ಎಷ್ಟು ದಿನ ಒಟ್ಟಿಗೆ ಇರುತ್ತೀರಿ ಎಂದು ಯಾರಿಗೂ ಹೇಳಲು ಆಗುವುದಿಲ್ಲ. ಆದರೆ ನಾನು ಎಷ್ಟು ದಿನ ಬದುಕಿರುತ್ತಿನೋ, ಅಲ್ಲಿಯವರೆಗೂ ನಿನ್ನನ್ನು ಪ್ರೀತಿಸುತ್ತೇನೆ. ನಿನ್ನ ಪ್ರೀತಿಯನ್ನು ಗಳಿಸಲು ಪ್ರಯತ್ನಿಸುತ್ತೇನೆ ಮತ್ತು ನಾನು ನಿನ್ನೊಂದಿಗೆ ಶಾಶ್ವತವಾಗಿ ಇರುತ್ತೇನೆ ಎಂದು ನಾನು ಹೇಳಬಲ್ಲೆ ಎಂದು ಹೇಳಿ.

ಟೀಕೆಗಳನ್ನು ಎದುರಿಸಲು ಸಿದ್ಧರಾಗಿರಿ: ಆಸೆಗಳು, ಪ್ರೀತಿ ಮತ್ತು ಒಳ್ಳೆಯ ವಿಚಾರಗಳನ್ನು ಯಾವಾಗಲೂ ದಂಪತಿಗಳ ನಡುವೆ ಹಂಚಿಕೊಳ್ಳಲಾಗುವುದಿಲ್ಲ. ಇಬ್ಬರೂ ತಪ್ಪು ಮಾಡಿದಾಗ ಅದನ್ನು ಬಹಿರಂಗವಾಗಿ ಹೇಳಿಕೊಂಡಾಗ ಅದನ್ನು ಒಪ್ಪಿಕೊಂಡು ಕ್ಷಮಿಸಲು ಸಿದ್ಧರಾಗಿರುತ್ತೇವೆ ಎಂಬ ಭರವಸೆಯನ್ನು ನೀಡಬಹುದು.

ಸಂಬಂಧವು ಬೇಸರವಾಗದಂತೆ ನೋಡಿಕೊಳ್ಳುವುದು : ಪ್ರೀತಿಯು ಎಷ್ಟೇ ಮಟ್ಟಿಗಿದ್ದರೂ, ಒಂದು ಹಂತದಲ್ಲಿ ಸಂಬಂಧವು ನೀರಸವಾಗಿ ಕಾಣಿಸಬಹುದು. ಆಗಾಗ ಜಗಳ ಆಗಬಹುದು. ಹಾಗಾಗಿ ಈ ವೇಳೆ ಜಗಳ ಆಡುವುದಿಲ್ಲ ಎಂಬ ಭರವಸೆಗಳನ್ನು ನೀಡಬಹುದು. ನೀವು ಏನನ್ನಾದರೂ 10 ಬಾರಿ ಹೇಳಿದರೂ ನಾನು ಅದನ್ನು ಕೇಳಲು ಎಂದಿಗೂ ಆಯಾಸಗೊಳ್ಳುವುದಿಲ್ಲ ಎಂದು ಹೇಳುವ ಮೂಲಕ ನೀವು ಪ್ರೀತಿಯನ್ನು ವ್ಯಕ್ತಪಡಿಸಬಹುದು.

ಇತಿಮಿತಿಯನ್ನು ತೆರವುಗೊಳಿಸಿ: ಸಂಬಂಧವು ಎಷ್ಟೇ ಗಟ್ಟಿಯಾಗಿದ್ದರೂ, ಇತಿಮಿತಿಗಳಿರುತ್ತದೆ. ಆದ್ದರಿಂದ ಇಬ್ಬರೂ ಆ ಗಡಿಗಳನ್ನು ದಾಟಬಾರದು ಮತ್ತು ಇಬ್ಬರು ಪರಸ್ಪರ ನೋವು ಉಂಟು ಮಾಡುವಂತೆ ಮಾತನಾಡುವುದಿಲ್ಲ ಎಂಬ ಭರವಸೆ ನೀಡಬಹುದು.

ಹಿಂದಿನದನ್ನು ಮಾತನಾಡಿ ನೋಯಿಸಬೇಡಿ: ಪ್ರತಿಯೊಬ್ಬರಿಗೂ ಹಿಂದೆ ಕಹಿ ಅನುಭವ ಇರುತ್ತದೆ. ಆದರೆ ಹಿಂದಿ ಇದ್ದಂತೆ ವ್ಯಕ್ತಿ ಈಗ ಇರುವುದಿಲ್ಲ. ಅನುಭವ ಮತ್ತು ಸಮಯ ವ್ಯಕ್ತಿಯನ್ನು ಬದಲಾಯಿಸಿರುತ್ತದೆ. ಆದ್ದರಿಂದ ಇಬ್ಬರೂ ಹಿಂದೆ ತೆಗೆದುಕೊಂಡ ತಪ್ಪು ನಿರ್ಧಾರಗಳನ್ನು ಈಗ ಮತ್ತು ಭವಿಷ್ಯದಲ್ಲಿ ಮಾತನಾಡುವುದಿಲ್ಲ ಎಂದು ಪ್ರತಿಜ್ಞೆ ಮಾಡಬೇಕು.

ಸಂಗಾತಿಯ ಕುಟುಂಬವು ಸಹ ಮುಖ್ಯವಾಗಿದೆ : ಪ್ರೀತಿ ಅಥವಾ ಗೆಳತಿ, ಪತಿ ಅಥವಾ ಪತ್ನಿ ತನ್ನ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಬೆರೆಯಲು ಪ್ರಯತ್ನಿಸುವುದಾಗಿ ಭರವಸೆ ನೀಡಬೇಕು. ಇದು ಕೇವಲ ನಿರ್ದಿಷ್ಟ ಸಂಬಂಧಕ್ಕಾಗಿ ಅಲ್ಲ.

ರಾಜಿ ಮಾಡಿಕೊಳ್ಳುವ ಬಗ್ಗೆ ಬೇಸರ ಬೇಡ: ಸಂಬಂಧದಲ್ಲಿ ರಾಜಿ ಮಾಡಿಕೊಳ್ಳಬೇಕಾದ ಸಂದರ್ಭ ಬಂದಾಗ ಬಿಟ್ಟುಕೊಡುವುದರಿಂದ ಸಂಬಂಧ ಸುಂದರವಾಗುತ್ತದೆ. ಇಬ್ಬರು ಒಂದೊಂದು ಸಮಯದಲ್ಲಿ ರಾಜಿ ಮಾಡಿಕೊಳ್ಳಬೇಕಾದ ಸಮಯ ಬರುತ್ತದೆ. ಈ ವೇಳೆ ಅಸಮಾಧಾನಗೊಳ್ಳುವ ಅಗತ್ಯವಿಲ್ಲ. ಬಿಟ್ಟುಕೊಡುವುದರಿಂದ ಸಂಬಂಧ ಹೆಚ್ಚು ಕಾಲ ಉಳಿಯುತ್ತದೆ ಎಂದು ಅರ್ಥ ಮಾಡಿಕೊಳ್ಳಬೇಕು.

ಪ್ರತಿದಿನ ನಾನು ನಿನ್ನನ್ನು ಪ್ರೀತಿಸುತ್ತೇನೆ ಎಂದು ಹೇಳಿ: ಇದು ಸ್ವಲ್ಪ ನಾಟಕೀಯವಾಗಿ ಕಾಣಿಸಿದರೂ, ಆದರೆ ರೋಮ್ಯಾಂಟಿಕ್ ಆಗಿ ಇರುತ್ತದೆ. ಪ್ರತಿದಿನ ನಾನು ನಿನ್ನನ್ನು ಹೆಚ್ಚು ಪ್ರೀತಿಸುತ್ತೇನೆ ಎಂದು ಹೇಳುವ ಮೂಲಕ ಪ್ರತಿದಿನ ನಿಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಿ.

ಸಮಯ ಮಾಡಿಕೊಳ್ಳಿ : ಎಷ್ಟೇ ಬ್ಯುಸಿ ಇದ್ದರೂ ಪತಿ ಅಥವಾ ಪತ್ನಿಗಾಗಿ ಸಮಯ ಮೀಸಲಿಡಬೇಕು.

ನಿಮ್ಮ ಸಂಗಾತಿ ಇಷ್ಟಪಡುವುದನ್ನು ಇಷ್ಟಪಡಿ: ಇಷ್ಟಗಳು ಮತ್ತು ಇಷ್ಟಪಡದಿರುವಿಕೆಗಳು ವಿಭಿನ್ನವಾಗಿದ್ದರೂ ಅಥವಾ ವ್ಯಕ್ತಿಯು ನಕಾರಾತ್ಮಕ ಗುಣಗಳನ್ನು ಹೊಂದಿದ್ದರೂ ಸಹ, ಪ್ರೀತಿಯ ಸಲುವಾಗಿ ನೀವು ಒಟ್ಟಿಗೆ ಏನನ್ನಾದರೂ ಮಾಡಲು ಭರವಸೆ ನೀಡಬಹುದು.