Pregnancy Tips: ಈ ಮನೆಮದ್ದು ಟ್ರೈ ಮಾಡಿದ್ರೆ ಗರ್ಭಿಣಿಯರ ವಾಂತಿ ಸಮಸ್ಯೆ ಕಡಿಮೆಯಾಗುತ್ತೆ

Pregnancy Tips: ತಾಯ್ತನ ಎಂಬುದು ಪ್ರತಿಯೊಂದು ಹೆಣ್ಣಿಗೂ ದೇವರು ಕೊಟ್ಟಿರುವ ವರ ಅಂತಲೇ ಹೇಳಬಹುದು. ತನ್ನೊಡಲಿನಲ್ಲಿ ಮುದ್ದು ಮಗುವೊಂದು ಚಿಗುರೊಡೆಯುತ್ತಿದೆ ಎಂದು ತಿಳಿದಾಕ್ಷಣ ಆ ತಾಯಿಯ ಸಂತೋಷಕ್ಕೆ ಪಾರವೇ ಇರುವುದಿಲ್ಲ. ಆದರೆ ಆ ಖುಷಿಯ ನಡುವೆಯೇ ಗರ್ಭಾವಸ್ಥೆಯಲ್ಲಿ ಹಾರ್ಮೋನ್ ಬದಲಾವಣೆಗಳಿಂದಾಗಿ ತಾಯಿಯಲ್ಲಿ ಕೆಲವು ದೈಹಿಕ ಮತ್ತು ಮಾನಸಿಕ ಬದಲಾವಣೆಗಳು ಆಗುತ್ತವೆ. ಗರ್ಭ ಧರಿಸಿದ ಮೊದಲ ಮೂರು ತಿಂಗಳು ವಾಕರಿಕೆ, ವಾಂತಿ, ಸುಸ್ತು ಆಗುವುದು ಸರ್ವೇ ಸಾಮಾನ್ಯ. ಕೆಲವರಿಗಂತೂ ಯಾವ ವಾಸನೆಯನ್ನು ಸಹಿಸಲು ಆಗುವುದೇ ಇಲ್ಲ. ಊಟವೂ ಸೇರುವುದಿಲ್ಲ. ವಿಪರೀತ ವಾಂತಿಯಾಗುತ್ತಿರುತ್ತದೆ. ಅಂತಹವರಿಗೆ ಸುಲಭವಾದ ಮನೆ ಮದ್ದುಗಳು ಇಲ್ಲಿವೆ.

ಕೆಲವರಿಗೆ ಗರ್ಭಾವಸ್ಥೆಯಲ್ಲಿ ಮೊದಲ ತ್ರೈಮಾಸಿಕದಲ್ಲಿ ವಾಂತಿ, ಸುಸ್ತು ಆಗುತ್ತದೆ. ಇನ್ನೂ ಕೆಲವರಿಗೆ ಇಂತಹ ಅನುಭವ ಆಗುವುದಿಲ್ಲ. ಆದರೆ ಅತಿಯಾಗಿ ವಾಮಿಟ್ ಆಗುವವರು ಆತಂಕ ಪಡಬೇಕಿಲ್ಲ. ಡಾಕ್ಟರ್ ಬಳಿ ಹೋಗಿ ಮಾತ್ರೆಗಳನ್ನು ತೆಗೆದುಕೊಳ್ಳುವ ಬದಲು, ಕೆಲವು ಮನೆ ಮದ್ದು ಟ್ರೈ ಮಾಡಿ. ವಾಂತಿ ನಿಲ್ಲುತ್ತದೆ.

ನಾವು ಸೇವಿಸುವ ಆಹಾರದಲ್ಲಿ ಸಣ್ಣ ಕಾಳಜಿ ವಹಿಸಿದರೆ ಗರ್ಭಾವಸ್ಥೆಯ ಈ ವಾಂತಿ ಸಮಸ್ಯೆಗೆ ಗುಡ್​​ಬೈ ಹೇಳಬಹುದು. ಆದರೆ ಎಲ್ಲಾ ಗರ್ಭಿಣಿಯರಿಗೂ ವಾಂತಿಯಾಗಲೇಬೇಕು ಅಂತಿಲ್ಲ. ಕೆಲವರಿಗೆ ಈ ಯಾವುದೇ ಲಕ್ಷಣಗಳು ಕಾಣಿಸಿಕೊಳ್ಳವುದಿಲ್ಲ. ಅಂತಹವರು ಭಯ ಪಡುವ ಅಗತ್ಯವಿಲ್ಲ.

ಗರ್ಭಧಾರಣೆಯ ಆರಂಭಿಕ ದಿನಗಳಲ್ಲಿ ಕೆಲವರಿಗೆ ಇಂಪ್ಲಾಂಟೇಶನ್ ಬ್ಲೀಡಿಂಗ್ ಆಗುತ್ತದೆ. ಇದು ತಿಳಿ ಗುಲಾಬಿ ಅಥವಾ ಕಂದು ಬಣ್ಣದಲ್ಲಿ ಇರುತ್ತದೆ. ಇದೂ ಸಹ ಗರ್ಭಾವಸ್ಥೆಯ ಒಂದು ಲಕ್ಷಣವಾಗಿದೆ. ಹೆದರುವ ಅಗತ್ಯತೆ ಇಲ್ಲ. ರಕ್ತಸ್ರಾವ ಅತಿಯಾದರೆ ವೈದ್ಯರನ್ನು ಭೇಟಿಯಾಗಿ.

ಗರ್ಭಾವಸ್ಥೆಯಲ್ಲಿ ಜೀರ್ಣಕ್ರಿಯೆ ನಿಧಾನವಾಗುತ್ತದೆ. ಅದಕ್ಕಾಗಿಯೇ ನೀವು ಒಂದೇ ಬಾರಿಗೆ ಹೆಚ್ಚು ತಿನ್ನುವ ಬದಲು ಕಡಿಮೆ ಪ್ರಮಾಣದ ಆಹಾರವನ್ನು ಸೇವಿಸಬೇಕು. ಒಂದೇ ಬಾರಿಗೆ ಹೆಚ್ಚು ನೀರು ಮತ್ತು ಜ್ಯೂಸ್ ಕುಡಿಯಬೇಡಿ. ಬದಲಿಗೆ ಅರ್ಧ ಗ್ಲಾಸ್​ ಕುಡಿಯಿರಿ.

ಮಲಗುವ ಮುನ್ನ ಅಥವಾ ಮಧ್ಯ ರಾತ್ರಿ ನಿಮಗೆ ಹಸಿವು ಅನಿಸಿದರೆ, ಹೆಚ್ಚಿನ ಪ್ರೋಟೀನ್ ತಿಂಡಿಗಳನ್ನು ಮಾತ್ರ ಸೇವಿಸಿ. ಹಾಗೆ, ಡ್ರೈ ಫ್ರೂಟ್ಸ್​, ಬೇಯಿಸಿದ ದಾಲ್ ಅಥವಾ ಕಡಲೆ, ಸಲಾಡ್ ರೂಪದಲ್ಲಿ ಹಸಿ ತರಕಾರಿಗಳು, ಸಾದಾ ಪನೀರ್ ತಿನ್ನಿರಿ. ಅಲ್ಲದೆ, ಈ ಆಹಾರಗಳನ್ನು ಮಧ್ಯಾಹ್ನದ ವೇಳೆಯೂ ಸೇವಿಸಿ.

ನಿಮಗೆ ತುಂಬಾ ಆಲಸ್ಯ ಆದಾಗ, ವಾಂತಿ ಬರಬಹುದು ಅನಿಸಿದಾಗ, ನಿಂಬೆ ಹಣ್ಣಿನ ಜ್ಯೂಸ್ ಕುಡಿಯಿರಿ. ಅಥವಾ ಕಿತ್ತಳೆ ಹಣ್ಣು ತಿನ್ನಿ. ಇದರಿಂದ ವಾಂತಿ ನಿಲ್ಲುತ್ತದೆ.

ಚಳಿಗಾಲದಲ್ಲಿ ಸಂಜೆಯ ವೇಳೆ ನಿಂಬೆ ಜ್ಯೂಸ್ ಕುಡಿಯುವುದು ಒಳ್ಳೆಯದಲ್ಲ. ಮಲಬದ್ಧತೆಯ ಸಮಸ್ಯೆ ಇದ್ದರೆ ಬೆಳಗ್ಗೆ ಅಥವಾ ಸಂಜೆ ಶುಂಠಿ ಟೀ ಕುಡಿಯಬಹುದು. ಇನ್ನು, ನಾಲ್ಕೈದು ಪುದೀನಾ ಎಲೆಗಳನ್ನು ತಿಂದರೆ ವಾಂತಿಯಾಗುವುದು ನಿಲ್ಲುತ್ತದೆ. (ಹಕ್ಕು ನಿರಾಕರಣೆ : ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಪರಿಶೀಲಿಸಿಲ್ಲ. ಯಾವುದೇ ಪುರಾವೆಗಳಿಲ್ಲ.)