Pregnancy Tips: ಗರ್ಭಿಣಿಯರು ಹುಳಿ ಯಾಕೆ ತಿಂತಾರೆ ಗೊತ್ತಾ? ನಿಮಗೆ ಗೊತ್ತಿಲ್ಲದ ಇಂಟ್ರೆಸ್ಟಿಂಗ್ ಸ್ಟೋರಿ

ತಾಯ್ತನ ಎಂಬುವುದು ದೇವರು ಮಹಿಳೆಯರಿಗೆ ಕೊಟ್ಟ ವರ. ತಾಯ್ತನ ಎಂಬ ಪದ ಕೇಳುವುದೇ ಸಾಕಷ್ಟು ಹಿತವನ್ನುಂಟು ಮಾಡುತ್ತದೆ. ಪ್ರತಿಯೊಬ್ಬ ಮಗುವಿನ ಜನ್ಮ ನೀಡಿದ ನಂತರವೇ ಮಹಿಳೆಯ ಬದುಕು ಒಂದು ರೀತಿ ಸಾರ್ಥಕವಾದಂತೆ ಅಂತ ಹೇಳಬಹುದು.

ಮೊದಲ ಬಾರಿಗೆ ತಾಯಿ ಆಗುವ ಅನುಭವವೇ ಸುಂದರ. ಇದು ಖುಷಿ, ಸಂಭ್ರಮವನ್ನಷ್ಟೇ ಆಕೆಗೆ ಪುನರ್ ಜನ್ಮ ಕೂಡ ಎಂದರೆ ತಪ್ಪಾಗಲಾರದು. ಪ್ರತಿ ಹೆಣ್ಣು ಕೂಡ ತನ್ನ ಮಗುವಿನ ಬಗ್ಗೆ ನೂರಾರು ಕನಸು, ಆಸೆ, ಆಕಾಂಕ್ಷೆಗಳನ್ನು ಹೊಂದಿರುತ್ತಾರೆ. ಮಗುವಿಗೆ ಜನ್ಮ ನೀಡುವ ಮೂಲಕ ಸಂತೋಷ ಕಾಣುತ್ತಾರೆ.

ಆದರೆ ಗರ್ಭಾವಸ್ಥೆಯಲ್ಲಿ ಮಹಿಳೆ ಪಡುವ ಪಾಡು ನಿಜಕ್ಕೂ ಅಷ್ಟಿಷ್ಟಲ್ಲ. ಈ ವೇಳೆ ಆಕೆಯ ಆರೋಗ್ಯದ ಮೇಲೆ ಹೆಚ್ಚು ಜಾಗ್ರತೆ ವಹಿಸಬೇಕಾಗಿರುತ್ತದೆ. ಇವುಗಳ ನಡುವೆ ಗರ್ಭಿಣಿ ಮಹಿಳೆಯರಿಗೆ ಹಲವು ಬಯಕೆಗಳು ಮೂಡುವುದು ಸಾಮಾನ್ಯ.

ತಾವು ದಿನ ಇಷ್ಟಪಟ್ಟು ತಿನ್ನುತ್ತಿದ್ದ ಆಹಾರಗಳು ಬೇಡವೆನಿಸುತ್ತವೆ. ಯಾವುದೋ ವಿಚಿತ್ರ ವಸ್ತುಗಳು ಇಷ್ಟವಾಗತೊಡಗುತ್ತವೆ. ಕೆಲವರಿಗೆ ಹುಣಸೆ ಹುಳಿ, ಮಾವಿನ ಕಾಯಿ, ಜೊತೆಗೆ ಉಪ್ಪು ಸೇರಿಸಿ ತಿನ್ನುವ ಬಯಕೆ ಆದರೆ, ಮತ್ತೆ ಕೆಲವರಿಗೆ ಸಿಹಿ ತಿಂಡಿ ತಿನ್ನುವ ಬಯಕೆ, ಇನ್ನೂ ಕೆಲವರಿಗೆ ಹೊರಗೆಲ್ಲೊ ಹೋಗಿ ಮಣ್ಣು ತಿನ್ನುವಾಸೆ. ಇದು ಒಬ್ಬರಿಗೆ ಮಾತ್ರವಲ್ಲ ಹೆಚ್ಚಿನ ಗರ್ಭಿಣಿ ಮಹಿಳೆಯರ ಬಯಕೆಯಾಗಿದೆ.

ಗರ್ಭಾವಸ್ಥೆ ಸಮಯವು ಹೆಣ್ಣಿನ ಜೀವನದ ಅತ್ಯಂತ ಅದ್ಭುತವಾದಂತಹ ಸಮಯ. ಹೊಸ ಮಗುವಿನ ಆಗಮನಕ್ಕೆ ಮನಸ್ಸು ನಿಧಾನವಾಗಿ ಸಿದ್ಧಗೊಳ್ಳುತ್ತದೆ. ಆದರೆ ಕೆಲವೊಮ್ಮೆ ಕೆಲವು ಸಮಸ್ಯೆಗಳು ಉಂಟಾಗುತ್ತದೆ. ಉದಾಹರಣೆಗೆ ಕಾಲಿನ ಊತ, ಬೆಳಗಿನ ಬೇನೆ, ಮೂಡ್ ಸ್ವಿಂಗ್ಸ್ ಇತ್ಯಾದಿ.

ಈ ಸಮಯದಲ್ಲಿ ಮಹಿಳೆಯರಲ್ಲಿ ಮತ್ತೊಂದು ಪ್ರವೃತ್ತಿ ಹೊರಹೊಮ್ಮುತ್ತದೆ. ಹೆಚ್ಚಾಗಿ ಮಹಿಳೆಯರು ತುಂಬಾ ಹುಳಿ ತಿನ್ನುವ ಆಸೆ ಹೊಂದಿರುತ್ತಾರೆ. ಆದರೆ ವಿಚಾರದ ಹಿಂದೆ ಹಲವಾರು ವೈಜ್ಞಾನಿಕ ಕಾರಣವಿದೆ. ಗರ್ಭಾವಸ್ಥೆಯಲ್ಲಿ ಮಹಿಳೆಯರಿಗೆ ಹುಳಿ ಆಹಾರಗಳ ಬಗ್ಗೆ ವಿಶೇಷ ಆಕರ್ಷಣೆ ಇರುತ್ತದೆ.

ಉಪ್ಪಿನಕಾಯಿಯಲ್ಲಿ ಬಹಳಷ್ಟು ಸೋಡಿಯಂ ಮತ್ತು ಆಮ್ಲವಿದೆ, ಆದ್ದರಿಂದ ನೀವು ಹುಳಿ ತಿನ್ನಲು ಬಯಸುತ್ತೀರಿ. ಈ ಸಮಯದಲ್ಲಿ ದೇಹದಲ್ಲಿ ಸೋಡಿಯಂ ಮತ್ತು ಆಮ್ಲದ ಬೇಡಿಕೆಯೂ ಹೆಚ್ಚಾಗುತ್ತದೆ. ಹುಳಿ ಮಾತ್ರವಲ್ಲ, ಗರ್ಭಾವಸ್ಥೆಯಲ್ಲಿ ಸಿಹಿ ತಿನ್ನಲು ಬಯಸುತ್ತಾರೆ. (Disclaimer:ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾಯಲ್ಲ)