Meditation Day: ಧ್ಯಾನ ದೈಹಿಕ, ಮಾನಸಿಕ ಆರೋಗ್ಯಕ್ಕಷ್ಟೇ ಅಲ್ಲ; ಇನ್ನೂ ಹಲವು ಪ್ರಯೋಜನಗಳಿವೆ

ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಧ್ಯಾನ ಮಾಡುವುದು ತುಂಬಾ ಅವಶ್ಯಕ. ಧ್ಯಾನವು ಮಾನವನ ಆರೋಗ್ಯಕ್ಕೆ ವರದಾನವಿದ್ದಂತೆ. ಮಾನಸಿಕ ಆರೋಗ್ಯಕ್ಕೆ ದಿನವೂ ನಿಯಮಿತವಾಗಿ ಅರ್ಧ ಗಂಟೆ ಧ್ಯಾನ ಮಾಡುವುದು ಉತ್ತಮ ಅಂತಾರೆ ತಜ್ಞರು. ಧ್ಯಾನವು ಒತ್ತಡ, ಮಾನಸಿಕ ಕಿರಿಕಿರಿ, ಆತಂಕ, ನಿದ್ರಾಹೀನತೆ ಹಾಗೂ ಮಾನಸಿಕ ಅಸ್ವಸ್ಥತೆ ಕಡಿಮೆ ಮಾಡಲು ಸಹಕಾರಿ.

ನಿಯಮಿತವಾಗಿ ಧ್ಯಾನ ಮಾಡುವುದು ಆರೋಗ್ಯಕ್ಕೆ ಉತ್ತಮ. ಧ್ಯಾನವು ಒತ್ತಡ ಮತ್ತು ಆತಂಕ ಕಡಿಮೆ ಮಾಡುತ್ತದೆ. ಧ್ಯಾನ ಮಾಡಿದರೆ ಅನೇಕ ರೀತಿಯ ದೈಹಿಕ ಆರೋಗ್ಯ ಪ್ರಯೋಜನ ಪಡೆಯಬಹುದು. ಮನಸ್ಥಿತಿ ಚೆನ್ನಾಗಿಟ್ಟುಕೊಳ್ಳಲು ಧ್ಯಾನ ಮಾಡುವುದು ಸಹಾಯ ಮಾಡುತ್ತದೆ.

ನೀವು ದೈನಂದಿನ ಅಭ್ಯಾಸಗಳ ಜೊತೆಗೆ ದಿನವೂ ಅರ್ಧ ಗಂಟೆ ಧ್ಯಾನ ಮಾಡಲು ತೆಗೆದಿರಿಸಿ. ಇದು ನಿಮ್ಮನ್ನು ಶಾಂತಗೊಳಿಸುತ್ತದೆ, ವಿಶ್ರಾಂತಿ ಸಿಗುತ್ತದೆ. ಆರೋಗ್ಯಕರ ನಿದ್ರೆ ಸಿಗುತ್ತದೆ. ಜೊತೆಗೆ ಧ್ಯಾನ ಮಾಡಿದರೆ ಅರಿವಿನ ಕೌಶಲ್ಯಗಳ ಸುಧಾರಣೆಗೆ ಇದು ಪರಿಣಾಮಕಾರಿಯಾಗಿದೆ.

ಧ್ಯಾನದ ಪ್ರಯೋಜನಗಳ ಬಗ್ಗೆ ಜನರಿಗೆ ಅರಿವು ಮೂಡಿಸಲು ಮತ್ತು ಧ್ಯಾನದ ಅಭ್ಯಾಸವನ್ನು ಪ್ರೇರೇಪಿಸುವ ಉದ್ದೇಶದಿಂದ ಪ್ರತಿ ವರ್ಷ ಮೇ 21 ರಂದು ವಿಶ್ವ ಧ್ಯಾನ ದಿನವನ್ನು ಆಚರಣೆ ಮಾಡಲಾಗುತ್ತದೆ. ಧ್ಯಾನ ಮುದ್ರೆ ಸಾಕಷ್ಟು ಜನಪ್ರಿಯವಾಗಿದೆ. ಇದು ಅನೇಕ ಆರೋಗ್ಯ ಪ್ರಯೋಜನ ನೀಡುತ್ತದೆ.

ಧ್ಯಾನವು ಮಾನಸಿಕ ಆರೋಗ್ಯ ಉತ್ತೇಜಿಸುತ್ತದೆ. ಒತ್ತಡ ನಿವಾರಕ ವ್ಯಾಯಾಮವಾಗಿದೆ. ಧ್ಯಾನ ಭಂಗಿಗಳ ಅಭ್ಯಾಸವು ಒತ್ತಡ ಕಡಿಮೆ ಮಾಡಲು ಪ್ರಯೋಜನಕಾರಿಯಾಗಿದೆ. ಒತ್ತಡದ ಹಾರ್ಮೋನ್ ಕಾರ್ಟಿಸೋಲ್ನ ಮಟ್ಟ ಹೆಚ್ಚಿಸುತ್ತದೆ.

ಒತ್ತಡವು ಹೆಚ್ಚಾದಂತೆ ಖಿನ್ನತೆ ಮತ್ತು ಆತಂಕದ ಅಪಾಯ ಮತ್ತು ಆಯಾಸ ಮತ್ತು ನಡವಳಿಕೆ ಬದಲಾವಣೆ, ರಕ್ತದೊತ್ತಡ ಸಂಬಂಧಿ ಸಮಸ್ಯೆಗಳ ಅಪಾಯ ಹೆಚ್ಚಾಗುತ್ತದೆ. ಧ್ಯಾನವು ಈ ಸಮಸ್ಯೆಗಳ ಅಪಾಯ ಕಡಿಮೆ ಮಾಡುತ್ತದೆ. ವಯಸ್ಸಿಗೆ ಸಂಬಂಧಿಸಿದ ಬುದ್ಧಿಮಾಂದ್ಯತೆ ಕಾಯಿಲೆ ತಡೆಯುತ್ತದೆ.

ಏಕಾಗ್ರತೆ ಮತ್ತು ಆಲೋಚನೆಯ ಸ್ಪಷ್ಟತೆ ಸುಧಾರಿಸುತ್ತದೆ. ನರಮಾನಸಿಕ ಸಮಸ್ಯೆಗಳನ್ನು ಸುಧಾರಿಸುತ್ತದೆ. ಧ್ಯಾನ ಭಂಗಿಯ ನಿಯಮಿತ ಅಭ್ಯಾಸವು ಆಲ್ಝೈಮರ್ಸ್ ಡಿಮೆನ್ಶಿಯಾ ಕಾಯಿಲೆಗಳ ಅಪಾಯ ಕಡಿಮೆ ಮಾಡುತ್ತದೆ. ಕಾರ್ಯದ ಮೇಲೆ ನಿಮ್ಮ ಗಮನ ಕೇಂದ್ರೀಕರಿಸಲು ಸಹಾಯ ಮಾಡುತ್ತದೆ.

ಧ್ಯಾನ ಅಭ್ಯಾಸ ಮಾಡಿದರೆ ನಿದ್ರೆಯ ಗುಣಮಟ್ಟ ಸುಧಾರಿಸುತ್ತದೆ. ದೀರ್ಘಕಾಲದ ನೋವಿಗೆ ಪೂರಕ ಚಿಕಿತ್ಸೆಯಾಗಿ ಧ್ಯಾನ ಸಹಕಾರಿ. ನಿಯಮಿತವಾಗಿ ಧ್ಯಾನ ಮಾಡಿದರೆ ರಕ್ತದೊತ್ತಡ ಸಮಸ್ಯೆಗಳ ಅಪಾಯ ಕಡಿಮೆಯಾಗುತ್ತದೆ. ಹೃದಯ ಮತ್ತು ರಕ್ತನಾಳಗಳ ಒತ್ತಡ ಕಡಿಮೆ ಮಾಡುತ್ತದೆ.