Marriage Tips: ಮದುವೆ ಆಗಲು ಪರ್ಫೆಕ್ಟ್ ವಯಸ್ಸು ಯಾವುದು? ನೀವು ಈ ಏಜಲ್ಲಿ ವಿವಾಹ ಆದ್ರೆ ಖುಷಿಯಾಗಿರುತ್ತೀರಂತೆ!

ಮದುವೆ ಒಂದು ಅದ್ಭುತವಾದ ಬಂಧ. ಈ ಸಂಬಂಧವು ಎರಡು ಜೀವಗಳನ್ನು ಒಟ್ಟಿಗೆ ಬೇಸೆಯುತ್ತದೆ. ಇದು ಜೀವನದ ಅತ್ಯಂತ ಮಹತ್ವದ ನಿರ್ಧಾರ ಕೂಡ ಹೌದು. ಏಕೆಂದರೆ, ನಮ್ಮ ಜೀವನದಲ್ಲಿ ಮೊದಲ ಬಾರಿಗೆ, ಮದುವೆಯಂತಹ ಸಾಮಾಜಿಕ ಬಂಧದ ಮೂಲಕ ಮಾತ್ರ ನಾವು ಜೀವನಪರ್ಯಂತ ವ್ಯಕ್ತಿಯೊಂದಿಗೆ ಇರಲು ಬದ್ಧರಾಗಿದ್ದೇವೆ.

ಆದ್ದರಿಂದ ಆ ನಿರ್ಧಾರವು ಎಷ್ಟು ಮುಖ್ಯವೋ ಅಷ್ಟೇ ಆಳವಾದದ್ದು. ಈ ವೇಳೆ ವ್ಯಕ್ತಿ ತನ್ನ ಸಂಗಾತಿಯಾಗುವವರು ಪರ್ಫೆಕ್ಟ್ ಮ್ಯಾಚ್ ಆಗುತ್ತಾರಾ? ಇಲ್ಲವಾ ಎಂದು ತಿಳಿದುಕೊಳ್ಳಲು ಬಹಳ ಸಮಯ ಬೇಕಾಗುತ್ತದೆ. ಆದರೆ ಯಾವ ವಯಸ್ಸಿನಲ್ಲಿ ಮದುವೆಯಾದರೆ ಸಂತೋಷದಿಂದ ಬದುಕಬಹುದು ಎಂಬ ಬಗ್ಗೆ ನಿಮಗೆ ತಿಳಿದಿದ್ಯಾ?

ಹುಟ್ಟು, ಸಾವು, ಮದುವೆ, ಮೂರು ದೇವರ ಇಚ್ಛೆ ಎಂಬ ಮಾತಿದೆ. ಆದ್ದರಿಂದ ಮದುವೆಯು ಬಹುಮಟ್ಟಿಗೆ ಪೂರ್ವನಿರ್ಧರಿತವಾದ ಸಂಬಂಧವಾಗಿದೆ ಎಂದು ಭಾವಿಸಲಾಗಿದೆ. ಆದರೆ ಮದುವೆಯ ನಿರ್ಧಾರವನ್ನು ತೆಗೆದುಕೊಳ್ಳುವಲ್ಲಿ ಆತುರಪಡಬಾರದು ಎಂದು ಎಲ್ಲರೂ ಹೇಳುತ್ತಾರೆ. ಹೀಗಿದ್ದರೂ ಮಕ್ಕಳು ಒಂದು ವಯಸ್ಸಿಗೆ ಬಂದಾಗ ಪೋಷಕರು ಮದುವೆಯಾಗುವಂತೆ ಒತ್ತಾಯಿಸುತ್ತಾರೆ. ಹುಡುಗರ ವಿಷಯದಲ್ಲಿ ಈ ಒತ್ತಡ ಸ್ವಲ್ಪ ಕಡಿಮೆ. ಆದರೆ ಹುಡುಗಿಯರ ವಿಚಾರದಲ್ಲಿ ಸಾಮಾನ್ಯವಾಗಿ ಒತ್ತಡ ಹಾಕುವುದು ಸ್ವಲ್ಪ ಹೆಚ್ಚಾಗಿಯೇ ಇರುತ್ತದೆ.

25 ದಾಟಿದ ಮೇಲೆ ಮದುವೆಯ ಒತ್ತಡ ಬರಲು ಶುರುವಾಗುತ್ತದೆ. ಹೆತ್ತವರು, ಸ್ನೇಹಿತರು ಮಾತ್ರವಲ್ಲ, ನೆರೆಹೊರೆಯವರು ಕೂಡ ಮದುವೆಯ ಬಗ್ಗೆ ಕೇಳುತ್ತಾರೆ. ಆದರೆ ಮದುವೆಯ ನಿರ್ಧಾರವು ತುಂಬಾ ವೈಯಕ್ತಿಕವಾಗಿದೆ. ನೌಕರಿ ಪಡೆದು ನೆಲೆಯೂರಿದ ನಂತರವೇ ಮದುವೆಯಾಗಲು ನಿರ್ಧರಿಸಬಹುದು. 30 ವರ್ಷವಾದರೆ ಮದುವೆಯಾಗಲು ನಿರ್ಧರಿಸಬಹುದು. ಕೆಲವರು ಜೀವನಪರ್ಯಂತ ಮದುವೆಯಾಗದೇ ಇರಬಹುದು. ಆದರೆ ಭಾರತದಲ್ಲಿ ಮದುವೆಗೆ ಸರಿಯಾದ ವಯಸ್ಸು ಎಷ್ಟು? ಈ ಬಗ್ಗೆ ಮಾಹಿತಿ ಈ ಕೆಳಗಿನಂತಿದೆ ನೋಡಿ.

ವಾಸ್ತವವಾಗಿ ಮದುವೆಗೆ ಸರಿಯಾದ ವಯಸ್ಸು ಇಲ್ಲ. ಅದು ಗಂಡಾಗಿರಲಿ ಅಥವಾ ಹೆಣ್ಣಿರಲಿ. ಅವರೇ ಮಾನಸಿಕವಾಗಿ ಸಿದ್ಧರಾಗಿದ್ದರೆ ಮಾತ್ರ ಮದುವೆ ಮಾಡಬೇಕು ಮತ್ತು ಈ ಸಿದ್ಧ ವಯಸ್ಸು ಎಲ್ಲರಿಗೂ ವಿಭಿನ್ನವಾಗಿದೆ. ಒಬ್ಬರು 30 ವರ್ಷಗಳ ನಂತರ ಮದುವೆ ಆದರೆ, ಮತ್ತೆ ಕೆಲವರು ಅದಕ್ಕಿಂತ ಮುಂಚೆಯೇ ಮದುವೆಯಾಗಬಹುದು.

ಆದರೆ ಭಾರತದಲ್ಲಿ ಹಾಗಲ್ಲ. ಒಂದು ನಿರ್ದಿಷ್ಟ ವಯಸ್ಸಿನಲ್ಲಿ ಮದುವೆ ಆಗುತ್ತಾರೆ. ಹಾಗಾಗಿ ಪ್ರತಿಯೊಬ್ಬರೂ ವಯಸ್ಸಿಗೆ ತಕ್ಕಂತೆ ಮದುವೆಯ ಬಗ್ಗೆ ಯೋಚಿಸಲು ಪ್ರಾರಂಭಿಸುತ್ತಾರೆ. ನೀವು ಮಾನಸಿಕವಾಗಿ ಸಿದ್ಧರಾಗಿದ್ದರೆ ಮತ್ತು ಕುಟುಂಬದ ಜವಾಬ್ದಾರಿಯನ್ನು ನೀವು ತೆಗೆದುಕೊಳ್ಳಬಹುದೆಂದು ತಿಳಿದಿದ್ದರೆ, ನೀವು ಮಾತ್ರ ಮದುವೆಯಾಗಬೇಕು. ಆ ಪ್ರೌಢಿಮೆಗೂ ವಯಸ್ಸಿಗೂ ಸಂಬಂಧವಿಲ್ಲ.

ವಯಸ್ಸಾದ ಮೇಲೆ ಮದುವೆಯಾಗುವುದು ತುಂಬಾ ಉಪಯುಕ್ತವಲ್ಲ ಎಂದು ಅನೇಕ ಜನರು ಸಾಮಾನ್ಯವಾಗಿ ವಾದಿಸುತ್ತಾರೆ. 30 ಅಥವಾ 30 ರ ನಂತರ ವೈವಾಹಿಕ ಜೀವನದಲ್ಲಿ ನಿಜವಾಗಿಯೂ ತೊಂದರೆಗಳಿವೆಯೇ? ಈ ವಯಸ್ಸಿನಲ್ಲಿ ಸರಿಯಾದ ಜೀವನ ಸಂಗಾತಿಯನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತದೆಯೇ?. 30 ನೇ ವಯಸ್ಸಿಗೆ, ಒಬ್ಬ ವ್ಯಕ್ತಿಯು ತನಗೆ ಯಾವ ರೀತಿಯ ಜೀವನ ಸಂಗಾತಿ ಬೇಕು ಎಂಬ ಕಲ್ಪನೆಯನ್ನು ಸಹ ಹೊಂದಿರುತ್ತಾನೆ. ಈ ವಯಸ್ಸಿನಲ್ಲಿ ಸರಿಯಾದ ಜೀವನ ಸಂಗಾತಿಯನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತಾ ಎಂಬ ಪ್ರಶ್ನೆ ನಿಮ್ಮಲ್ಲಿ ಗೊಂದಲವನ್ನುಂಟು ಮಾಡಬಹುದು.

ಸುಮಾರು 25 ವರ್ಷ ವಯಸ್ಸಿನಲ್ಲಿ ಒಬ್ಬ ವ್ಯಕ್ತಿಯು ತನ್ನ ಅಧ್ಯಯನವನ್ನು ಪೂರ್ಣಗೊಳಿಸುತ್ತಾನೆ ಮತ್ತು ಕೆಲಸ ಮಾಡಲು ಪ್ರಾರಂಭಿಸುತ್ತಾನೆ. ಉದ್ಯೋಗದ ನಂತರ ವ್ಯಕ್ತಿಯಲ್ಲಿ ಸ್ವಾವಲಂಬನೆ ಬರುತ್ತದೆ ಮತ್ತು ಅವನ ಆತ್ಮವಿಶ್ವಾಸವೂ ಹೆಚ್ಚುತ್ತದೆ. ಈ ವೇಳೆ ಮದುವೆ ಆದರೆ ಆತನಿಗೆ ಪ್ರಯೋಜನಕಾರಿ ಎಂದು ಭಾವಿಸಲಾಗಿದೆ.

ನೀವು ಮದುವೆಯಾದರೆ, ನೀವು ಸಾಕಷ್ಟು ಜವಾಬ್ದಾರಿಯನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಮದುವೆಯಾಗಿದ್ದರೂ ಹೆಂಡತಿ ಮತ್ತು ಕುಟುಂಬದ ಜವಾಬ್ದಾರಿಯನ್ನು ತೆಗೆದುಕೊಳ್ಳಲು ಕಲಿಯಬೇಕಾಗುತ್ತದೆ. ಆದರೆ 22 ಅಥವಾ 23 ವರ್ಷ ವಯಸ್ಸಿನವರಾಗಿದ್ದರೆ, ಆ ವಯಸ್ಸಿನಲ್ಲಿ ಜವಾಬ್ದಾರಿಯನ್ನು ತೆಗೆದುಕೊಳ್ಳುವ ಸಾಮರ್ಥ್ಯ ಕಡಿಮೆ ಎಂದು ಅನೇಕ ಜನರು ಭಾವಿಸುತ್ತಾರೆ. ಹಾಗಾಗಿ ಅನೇಕ ಮಂದಿ 40 ವರ್ಷ ದಾಟಿದ ನಂತರ ತಾವು ಮದುವೆ ಆಗಬೇಕೆಂದು ಭಾವಿಸುತ್ತಾರೆ. ಆದರೆ ನೀವು ಮಾನಸಿಕವಾಗಿ ಸಿದ್ಧರಿದ್ದು, ಜವಾಬ್ದಾರಿ ಹೊರಲು ಸಿದ್ದರಿದ್ದರೆ ಮಾತ್ರ ಈ ನಿರ್ಧಾರ ಕೈಗೊಳ್ಳಬೇಕು.