Shaking Legs: ಕೂತಲ್ಲೇ ಕಾಲು ಅಲುಗಿಸೋ ಅಭ್ಯಾಸ ನಿಮಗಿದ್ಯಾ? ಹಾಗಾದ್ರೆ ಇದು ಗಂಭೀರ ಸಮಸ್ಯೆ ಇರಬಹುದು ಹುಷಾರ್​!

ಕೆಲವರಿಗೆ ಕಾಲು ಅಲುಗಾಡಿಸುವ ಅಭ್ಯಾಸವಿರುತ್ತದೆ. ಅದು ಒಳ್ಳೆಯದಲ್ಲ ಎಂದು ತಿಳಿದಿದ್ದರೂ, ಈ ಅಭ್ಯಾಸ ಬಿಡಲು ಯಾರಿಗೂ ಸಾಧ್ಯವಾಗುವುದಿಲ್ಲ. ಹಾಗೆಯೇ ಕುಳಿತಲ್ಲಿ ಕಾಲನ್ನು ಅಲುಗಾಡಿಸುತ್ತಿರುತ್ತಾರೆ. (ಸಾಂದರ್ಭಿಕ ಚಿತ್ರ)

ಸ್ನೇಹಿತರೊಂದಿಗೆ ಮಾತನಾಡುವಾಗ, ಪುಸ್ತಕಗಳನ್ನು ಓದುವಾಗ, ಮೊಬೈಲ್ ಬಳಸುವಾಗ, ಕೆಲವರು ಕಾಲುಗಳನ್ನು ಅಲುಗಾಡಿಸುತ್ತಲೇ ಇರುತ್ತಾರೆ. ಯಾರಾದರೂ ದೊಡ್ಡವರು ನೀವು ಕಾಲು ಅಲುಗಾಡಿಸುತ್ತಿರುವುದನ್ನು ನೋಡಿದಾಗ ಹಾಗೇ ಮಾಡಬೇಡಿ ಎಂದು ಹೇಳುತ್ತಾರೆ. ಆದರೆ ಅನೇಕ ಮಂದಿ ಈ ಮಾತಿಗೆ ಕಿವಿ ಕೊಡುವುದಿಲ್ಲ. (ಸಾಂದರ್ಭಿಕ ಚಿತ್ರ)

ಆದರೆ ಕುಳಿತಲ್ಲೇ ಕಾಲುಗಳನ್ನು ಅಲುಗಾಡಿಸುವುದು ಒಳ್ಳೆಯ ಅಭ್ಯಾಸವಲ್ಲ ಎಂದು ತಜ್ಞರು ಹೇಳುತ್ತಾರೆ. ಇದು ಕಳವಳಕಾರಿ ಸಂಗತಿ ಆಗಿದೆ ಎಂದು ತಿಳಿಸಿದ್ದಾರೆ. (ಸಾಂಕೇತಿಕ ಚಿತ್ರ)

ಆದರೆ ಕಾಲುಗಳನ್ನು ಅಲುಗಾಡಿಸುವುದರಿಂದ ಉಂಟಾಗುವ ಕೆಲವು ಪರಿಣಾಮ ಕುರಿತಂತೆ ಕಾರಣಗಳಿವೆ ಎಂದು ತಜ್ಞರು ಹೇಳುತ್ತಾರೆ. ಅದೇನಂದರೆ ಒತ್ತಡ, ಆತಂಕದಿಂದ ಕಾಲುಗಳು ಅಲುಗಾಡಲು ಕಾರಣಗಳಾಗಿದೆ ಎನ್ನಲಾಗಿದೆ. (ಸಾಂಕೇತಿಕ ಚಿತ್ರ)

ಇದಲ್ಲದೇ, ಸರಿಯಾದ ನಿದ್ರೆಯ ಕೊರತೆ ಮತ್ತು ಹಾರ್ಮೋನ್ ಅಸಮತೋಲನವು ಕೆಲವು ಜನ ಕಾಲುಗಳನ್ನು ಅಲುಗಾಡಿಸಲು ಕಾರಣವಾಗಿದೆ. ಅನೇಕ ಬಾರಿ ನಿದ್ರಾಹೀನತೆಯಿಂದ ಕಾಲುಗಳನ್ನು ಅಲುಗಾಡಿಸುವುದನ್ನು ಕಾಣಬಹುದಾಗಿದೆ. (ಸಾಂಕೇತಿಕ ಚಿತ್ರ)

ಅಲ್ಲದೇ ಈ ಅಭ್ಯಾಸವನ್ನು ಹೇಗೆ ನಿಯಂತ್ರಿಸುವುದು ಎಂಬ ಪ್ರಶ್ನೆ ಅನೇಕರನ್ನು ಕಾಡುತ್ತದೆ. ಆದರೆ ಕಬ್ಬಿಣಾಂಶದ ಮಾತ್ರೆಗಳನ್ನು ಸರಿಯಾಗಿ ಸೇವಿಸುವುದರಿಂದ ಈ ಸಮಸ್ಯೆಯನ್ನು ಕಡಿಮೆ ಮಾಡಬಹುದು. ಕಬ್ಬಿಣಾಂಶದ ಮಾತ್ರೆಗಳೊಂದಿಗೆ ಬಾಳೆಹಣ್ಣು ಮತ್ತು ಬೀಟ್ರೂಟ್ ಅನ್ನು ಸಹ ಸೇವಿಸಬೇಕು. (ಸಾಂಕೇತಿಕ ಚಿತ್ರ)

ಇದಲ್ಲದೇ ಟೀ, ಕಾಫಿ ಕುಡಿಯುವ ಅಭ್ಯಾಸವನ್ನು ರೂಢಿಸಿಕೊಳ್ಳುವುದು ಒಳ್ಳೆಯದು. ಅಲ್ಲದೇ ರಾತ್ರಿ ಹೊತ್ತು ಹೆಚ್ಚು ಹೊತ್ತು ಮೊಬೈಲ್ ಫೋನ್ ಬಳಕೆ, ಟಿವಿ ನೋಡುವಂತಹ ಅಭ್ಯಾಸಗಳಿಂದ ದೂರವಿರಬೇಕು. ಇದರಿಂದ ಕಾಲು ಅಲುಗಾಡಿಸುವಿಕೆಯನ್ನು ಕಡಿಮೆ ಮಾಡಲು ಸಾಧ್ಯವಾಗುತ್ತದೆ. (ಸಾಂಕೇತಿಕ ಚಿತ್ರ)