Parenting Tips: ಏನೇ ಮಾಡಿದ್ರೂ ನಿಮ್ಮ ಮಗು ಬೆರಳು ಚೀಪೋ ಅಭ್ಯಾಸ ಬಿಡ್ತಿಲ್ವಾ? ಚಿಂತಸಬೇಡಿ ಈ ಟ್ರಿಕ್ಸ್ ಟ್ರೈ ಮಾಡಿ!

ಸಾಮಾನ್ಯವಾಗಿ ಅನೇಕ ಮಕ್ಕಳಿಗೆ ಬೆರಳು ಚೀಪುವ ಅಭ್ಯಾಸವಿರುತ್ತದೆ. ಆದರೆ ಕೆಲ ಮಕ್ಕಳು ಈ ಅಭ್ಯಾಸವನ್ನು ತಾವಾಗಿಯೇ ಬಿಟ್ಟುಬಿಡುತ್ತಾರೆ. ಮತ್ತೆ ಕೆಲವರಿಗೆ ಬಿಡಲು ಸಾಧ್ಯವಾಗುವುದಿಲ್ಲ. ನಿಮ್ಮ ಮಗು ಕೂಡ ಹೆಬ್ಬೆರಳು ಚೀಪುವ ಅಭ್ಯಾಸ ಬಿಡಲು ಹೆಣಗಾಡುತ್ತಿದ್ದರೆ, ಚಿಂತಿಸಬೇಡಿ, ಈ ಕೆಳಗಿರುವ ಒಂದಷ್ಟು ಟಿಪ್ಸ್​ಗಳನ್ನು ಫಾಲೋ ಮಾಡಿ.

ಮಕ್ಕಳ ಹೆಬ್ಬೆರಳಿಗೆ ಹುಳಿ ಏನಾದರೂ ಉಜ್ಜಿ: ನಿಮ್ಮ ಮಗುವಿಗೆ ಹೆಬ್ಬೆರಳಿನ್ನು ಚೀಪುವ ಅಭ್ಯಾಸವಿದ್ದರೆ, ಅದನ್ನು ಬಿಡಿಸಲು ಒಂದು ಉತ್ತಮ ಮಾರ್ಗವೆಂದರೆ ಅವರ ಹೆಬ್ಬೆರಳಿಗೆ ನಿಂಬೆ ರಸದಂತಹ ಹುಳಿಯನ್ನು ಉಜ್ಜುವುದು. ಇದರಿಂದ ಅವರು ಬಾಯಿಗೆ ಬೆರಳಿಟ್ಟುಕೊಂಡಾಗ ಹುಳಿ ರುಚಿಯನ್ನು ಹೊಂದುತ್ತಾರೆ. ನಂತರ ಮತ್ತೆ ತಮ್ಮ ಬೆರಳನ್ನು ಬಾಯಿಗೆ ಇಟ್ಟುಕೊಳ್ಳುವುದಿಲ್ಲ.

ಮಗುವಿನೊಂದಿಗೆ ಮಾತನಾಡಿ: ಹೆಬ್ಬೆರಳು ಹೀರುವುದು ಕೆಟ್ಟ ಅಭ್ಯಾಸ ಎಂದು ಕೆಲವು ಮಕ್ಕಳಿಗೆ ತಿಳಿದಿದೆ. ಆದ್ದರಿಂದ, ನೀವು ಅದರ ಬಗ್ಗೆ ನಿಮ್ಮ ಮಗುವಿನೊಂದಿಗೆ ಮಾತನಾಡಬಹುದು. ನೀನು ಯಾಕೆ ಕೈ ಬೆರಳು ಚೀಪುತ್ತೀಯಾ ಎಂದು ಹೆದರಿಸಿ ಕೇಳಿ. ಹೀಗೆ ಮಾಡುವುದು ತಪ್ಪು ಎಂದು ತಿಳಿಸಿ ಹೇಳಿ. ಆಗ ಮಕ್ಕಳಿ ಅಂತಹ ಚಟುವಟಿಕೆಗಳಲ್ಲಿ ತೊಡಗಿಸದಂತೆ ಅವರನ್ನು ಪ್ರೋತ್ಸಾಹಿಸಬಹುದು.

ಅವರ ಗಮನವನ್ನು ಬೇರೆಡೆಗೆ ತಿರುಗಿಸಿ: ನಿಮ್ಮ ಮಗುವಿಗೆ ಕೈ ಬೆರಳು ಚೀಪುವ ಅಭ್ಯಾಸವಿದ್ದರೆ, ಅವರ ಗಮನವನ್ನು ಬೆರೆಡೆಗೆ ಸೆಳೆಯಲು ಪ್ರಯತ್ನಿಸಬೇಕು. ಮಕ್ಕಳು ಆನಂದಿಸುವ ಇತರ ಚಟುವಟಿಕೆಗಳಲ್ಲಿ ಅವರನ್ನು ತೊಡಗಿಸಿಕೊಳ್ಳುವಂತೆ ಮಾಡಿ, ಈ ಅಭ್ಯಾಸವನ್ನು ಬಿಡಿಸಲು ಪ್ರಯತ್ನಿಸಬೇಕು. ಡ್ರಾಯಿಂಗ್, ಕ್ರಾಫ್ಟ್ಸ್, ಗೇಮ್ಗಳಂತಹ ಹ್ಯಾಂಡ್ಸ್-ಆನ್ ಚಟುವಟಿಕೆಗಳನ್ನು ಮಾಡಿಸುವ ಮೂಲಕ ಅವರಿಗೆ ಬಿಡುವು ಸಿಗದಂತೆ ಮಾಡಬೇಕು. ಇದು ಅವರ ಜ್ಞಾನವನ್ನು ಅಭಿವೃದ್ಧಿಪಡಿಸುವುದರ ಜೊತೆಗೆ ಬೆರಳು ಚೀಪುವ ಅಭ್ಯಾಸ ಬಿಡಿಸಲು ಸಹಾಯಕವಾಗಿದೆ.

ಆಹಾರ ನೀಡುವ ಕಡೆ ಗಮನ ಕೊಡಿ: ಸಾಮಾನ್ಯವಾಗಿ ಕೆಲವು ಮಕ್ಕಳು ಹಸಿವಾದಾಗ ಬೆರಳನ್ನು ಚೀಪುತ್ತಾರೆ. ಆದ್ದರಿಂದ, ನೀವು ಅವರ ದೈನಂದಿನ ಆಹಾರಕ್ರಮದ ಕಡೆಗೆ ಗಮನ ನೀಡಬೇಕು. ಹಸಿವಾದಾಗ, ಅವರು ಬೆರಳು ಬಾಯಿಗೆ ಹಾಕಿಕೊಳ್ಳುವ ಮುನ್ನವೇ ಪೌಷ್ಟಿಕ ಮತ್ತು ಆರೋಗ್ಯಕರ ಊಟವನ್ನು ಮಕ್ಕಳಿಗೆ ನೀಡಿ.

ಬೆರಳು ಚೀಪುವ ಸಮಯವನ್ನು ಗಮನಿಸಿ: ನಿಮ್ಮ ಮಗು ಯಾವ ಸಮಯದಲ್ಲಿ ಬೆರಳು ಹೀರುತ್ತಿದೆ ಎಂಬುದನ್ನು ಗಮನಿಸಿ. ಮಲಗುವಾಗ ಮಕ್ಕಳು ಬೆರಳು ಚೀಪುವ ಅಭ್ಯಾಸ ಹೊಂದಿದ್ದರೆ ನೀವು ಅವರನ್ನು ಬೇರೆ ರೀತಿಯಲ್ಲಿ ಸಮಾಧಾನಪಡಿಸಲು ಪ್ರಯತ್ನಿಸುತ್ತೀರಿ. ರಾತ್ರಿ ಹೊತ್ತು ಹಲ್ಲುಜ್ಜುವ ಮುನ್ನ ಒಂದು ಕಪ್ ಬೆಚ್ಚಗಿನ ಹಾಲು ಅಥವಾ ಗಿಡಮೂಲಿಕೆ ಚಹಾವನ್ನು ಕುಡಿಸಿ. ನಿಮ್ಮ ಮಗು ಅತ್ತಾಗ ಅದು ಏಕೆ ಅಳುತ್ತಿದೆ ಎಂದು ಕಾರಣ ತಿಳಿದುಕೊಳ್ಳುವ ಮೂಲಕ ಆತಂಕವನ್ನು ಹೇಗೆ ಎದುರಿಸಬೇಕೆಂದು ಅವರಿಗೆ ಕಲಿಸಿ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)