Oats Side Effects: ಓಟ್ಸ್​ ಒಳ್ಳೆಯದು ಅಂತ ಅತಿಯಾಗಿ ತಿನ್ಬೇಡಿ, ಈ ಸಮಸ್ಯೆಗಳು ಶುರುವಾಗ್ಬಹುದು

ಆರೋಗ್ಯಕರ ಉಪಹಾರಕ್ಕಾಗಿ ಓಟ್ ಮೀಲ್ ನಮ್ಮ ಅತ್ಯುತ್ತಮ ಮತ್ತು ಸುಲಭವಾದ ಆಯ್ಕೆಯಾಗಿದೆ. ಇದರಲ್ಲಿ ನಾರಿನಂಶ ಹೇರಳವಾಗಿರುವುದರಿಂದ ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಮತ್ತು ಮಧುಮೇಹಿಗಳಿಗೆ ಇದು ಅತ್ಯುತ್ತಮ ಆಹಾರವಾಗಿದೆ. ಆದರೆ ಇದನ್ನು ಅತಿಯಾಗಿ ಸೇವನೆ ಮಾಡುವುದು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.

ಇದು ಆರೋಗ್ಯ ಪ್ರಯೋಜನಗಳಿಂದ ಕೂಡಿದೆಯಾದರೂ, ಇದನ್ನು ಅತಿಯಾಗಿ ಸೇವಿಸುವುದು ಅಪಾಯಕಾರಿ. ಅದು ಹೇಗೆ ಮತ್ತು ಯಾವ ರೀತಿಯ ಅಡ್ಡ ಪರಿಣಾಮಗಳನ್ನು ಉಂಟುಮಾಡುತ್ತದೆ. ದಿನಕ್ಕೆ ಓಟ್ ಮೀಲ್ ಎಷ್ಟು ಸೇವನೆ ಮಾಡಬೇಕು ಎನ್ನುವ ಮಾಹಿತಿ ಇಲ್ಲಿದೆ.

ನೀವು ಪ್ರತಿದಿನ ಬೆಳಗ್ಗೆ ಓಟ್ ಮೀಲ್ ಅನ್ನು ಮಾತ್ರ ಸೇವಿಸಿದರೆ, ನೀವು ಇತರ ಆಹಾರಗಳ ಪೋಷಕಾಂಶಗಳನ್ನು ಕಳೆದುಕೊಳ್ಳುತ್ತೀರಿ. ಇದರಿಂದ ಇತರ ಆಹಾರಗಳಿಂದ ಸಿಗುವ ಪೋಷಕಾಂಶಗಳು ಸಿಗದೇ, ಆರೋಗ್ಯ ಸಮಸ್ಯೆಗಳು ಬರುತ್ತದೆ.

ಆದ್ದರಿಂದ ನೀವು ತಿಂಡಿಗಾಗಿ ವಾರಕ್ಕೆ ಎರಡು ಬಾರಿ ಓಟ್ ಮೀಲ್ ಅನ್ನು ಸೇವಿಸಬಹುದು. ಇತರ ದಿನಗಳಲ್ಲಿ ನೀವು ಪೌಷ್ಟಿಕ ಉಪಹಾರಗಳನ್ನು ಆಯ್ಕೆ ಮಾಡಬಹುದು. ಓಟ್ಸ್ ತಿನ್ನುವುದು ನಿಮ್ಮ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ, ಆದರೆ ಹೆಚ್ಚು ತಿನ್ನುವುದರಿಂದ ನಿಮ್ಮ ಸ್ನಾಯುಗಳಿಗೆ ಹಾನಿಯಾಗುತ್ತದೆ.

ಇದರರ್ಥ ಓಟ್ಸ್ ಫೈಬರ್ನಲ್ಲಿ ಸಮೃದ್ಧವಾಗಿದೆ, ಆದ್ದರಿಂದ ಹೆಚ್ಚಿನ ಫೈಬರ್ ದೇಹಕ್ಕೆ ಸೇರಿಕೊಳ್ಳುತ್ತದೆ. ಇದು ನಿಮಗೆ ಹಸಿವಾಗದಂತೆ ತಡೆಯುತ್ತದೆ. ಇದರಿಂದ ಇತರ ಪೋಷಕಾಂಶಗಳನ್ನು ಹೀರಿಕೊಳ್ಳಲು ಸಾಧ್ಯವಾಗದೆ ದೇಹದ ಶಕ್ತಿ ಕಡಿಮೆಯಾಗುತ್ತದೆ. ಇದರ ನಂತರ, ಇತರ ಪರಿಣಾಮಗಳನ್ನು ಸಹ ಎದುರಿಸಬಹುದು.

ಅಜೀರ್ಣ
ಮೊದಲೇ ಹೇಳಿದಂತೆ ನಾರಿನಂಶ ಹೆಚ್ಚಾದರೆ ಜೀರ್ಣ ಶಕ್ತಿ ಕಡಿಮೆಯಾಗುತ್ತದೆ. ಇದರಿಂದ ಹೊಟ್ಟೆಯು ಜಡವಾಗಿ ಕಾಣುತ್ತದೆ. ಪರಿಣಾಮವಾಗಿ, ನೀವು ಯಾವುದೇ ಆಹಾರವನ್ನು ತಿನ್ನಲು ಇಷ್ಟಪಡುವುದಿಲ್ಲ. ನೀವು ಈಗಾಗಲೇ ಅಸಿಡಿಟಿ ಸಮಸ್ಯೆ ಹೊಂದಿದ್ದರೆ, ಪರಿಸ್ಥಿತಿಯು ಹದಗೆಡುತ್ತದೆ.

ತೂಕ ಇಳಿಸಿಕೊಳ್ಳಲು ಓಟ್ಸ್ ತಿನ್ನುವವರು ಆರೋಗ್ಯಕರವಾಗಿ ತಿನ್ನುವಂತೆ ತಿನ್ನುತ್ತಾರೆ ಮತ್ತು ಬೀಜಗಳು, ಹಣ್ಣುಗಳು, ಸಿರಪ್, ಇತ್ಯಾದಿ ಅನೇಕ ರೀತಿಯ ಆಹಾರ ಪದಾರ್ಥಗಳಿಂದ ಅಲಂಕರಿಸುತ್ತಾರೆ. ಹೀಗೆ ತಿನ್ನುವುದರಿಂದ ದೇಹದ ತೂಕ ಕಡಿಮೆಯಾಗುವ ಬದಲು ತೂಕ ಹೆಚ್ಚುತ್ತದೆ. ಆದ್ದರಿಂದ ಎಚ್ಚರಿಕೆಯಿಂದಿರಿ

ಹಾಗಾಗಿ ಈ ಓಟ್ಸ್​ ತಿನ್ನುವಾಗ ಸ್ವಲ್ಪ ಎಚ್ಚರದಿಂದ ಇರಿ. ತಜ್ಞರ ಸಲಹೆಯಂತೆ ನೀವು ಓಟ್ಸ್​ ಸೇವನೆ ಮಾಡುವುದು ಆರೋಗ್ಕ್ಕೆ ಲಾಭ ನೀಡುತ್ತದೆ.