Pregnancy Symptoms: ಪಿರಿಯಡ್ಸ್​ ಮಿಸ್ ಮಾತ್ರವಲ್ಲ, ಈ ಲಕ್ಷಣಗಳು ಕಂಡು ಬಂದ್ರೂ ನೀವು ಗರ್ಭಿಣಿ ಎಂದರ್ಥ!

ಒಂದು ತಿಂಗಳು ಮುಟ್ಟು ಆಗಲಿಲ್ಲ ಅಂದರೆ, ಅನೇಕ ಮಂದಿ ಅದನ್ನು ಗರ್ಭಧಾರಣೆಯ ಸಂಕೇತವೆಂದು ಪರಿಗಣಿಸುತ್ತಾರೆ. ಆದರೆ ಇದು ಮಾತ್ರ ಗರ್ಭಧಾರಣೆಯ ಏಕೈಕ ಸೂಚನೆ ಅಲ್ಲ. ನೀವು ಗರ್ಭಿಣಿಯಾಗಿದ್ದೀರಾ ಎಂಬುವುದಕ್ಕೆ ಅನೇಕ ಸೂಚನೆಗಳಿವೆ ಎಂದೇ ಹೇಳಬಹುದು

ಬೆಳಗ್ಗೆ ಎದ್ದ ನಂತರ ಆಯಾಸ ಉಂಟಾಗುವುದು ಪ್ರಮುಖ ಗರ್ಭಧಾರಣೆಯ ಲಕ್ಷಣವೆಂದು ಪರಿಗಣಿಸಲಾಗಿದೆ. ಇದು ಯಾವುದೇ ಸಮಯದಲ್ಲಿ ಸಂಭವಿಸಬಹುದು - ಹಗಲು ಅಥವಾ ರಾತ್ರಿ. ಸಾಮಾನ್ಯವಾಗಿ ಈ ಸಮಸ್ಯೆಯು ಗರ್ಭಧಾರಣೆಯ ಒಂದು ತಿಂಗಳ ನಂತರ ಕಾಣಿಸಿಕೊಳ್ಳಬಹುದು.

ಸ್ತನ ನೋವು ಅಥವಾ ಊತವು ಗರ್ಭಧಾರಣೆಯ ಸಂಕೇತವಾಗಿರಬಹುದು. ಯೋನಿ ಡಿಸ್ಚಾರ್ಜ್ ಗರ್ಭಧಾರಣೆಯ ಸಂಕೇತವಾಗಿದೆ ಇದು ಸಂಭವಿಸಿದಲ್ಲಿ, ನೀವು ವೈದ್ಯರನ್ನು ಸಂಪರ್ಕಿಸಬಹುದು.

ವಾಕರಿಕೆ, ತಲೆತಿರುಗುವಿಕೆ ಅಥವಾ ತಿನ್ನಲು ಇಷ್ಟವಿಲ್ಲದಿರುವಂತಹ ಸಮಸ್ಯೆಗಳನ್ನು ಅನೇಕರು ಅನುಭವಿಸುತ್ತಾರೆ. ಅತಿಯಾದ ಆಯಾಸ, ತಲೆ ತಿರುಗುವುದು ಹಾಗೂ ಯಾವುದೇ ಕೆಲಸ ಮಾಡಲು ಮನಸ್ಸು ಇಲ್ಲದಂತಾಗುವುದು ಸಾಮಾನ್ಯವಾದ ಆರಂಭಿಕ ಚಿಹ್ನೆ ಎನ್ನಲಾಗುವುದು. ಆರಂಭಿಕ ಗರ್ಭಧಾರಣೆಯಲ್ಲಿ ಧಣಿವಿನ ಭಾವನೆ ಸಾಮಾನ್ಯವಾಗಿರುತ್ತದೆ.

ಗರ್ಭಧಾರಣೆಯ ಪೂರ್ವದಲ್ಲಿಯೇ ಆಗಾಗ ಮೂತ್ರವಿಸರ್ಜನೆಯು ಪ್ರಾರಂಭವಾಗುತ್ತದೆ. ಇದು ಬೆಳೆಯುತ್ತಿರುವ ಗರ್ಭಾಶಯದಿಂದ ಉಂಟಾಗುವುದು. ಮೂತ್ರ ವಿಸರ್ಜನೆ ನೋವಿನಿಂದ ಕೂಡಿದ್ದರೆ ವೈದ್ಯರನ್ನು ಸಂಪರ್ಕಿಸಬೇಕು. ಅದು ಸೋಂಕನ್ನು ಸೂಚಿಸುತ್ತದೆ.

ಮುಟ್ಟಿನ ಸಮಯದಲ್ಲಿ ಉಂಟಾಗುವಂತೆ ಸೆಳೆತವು ಉಂಟಾಗುತ್ತದೆ. ರಕ್ತಸ್ರಾವ ಇಲ್ಲದ ಸೌಮ್ಯವಾದ ಗರ್ಭಧಾರಣೆಯು ಸೆಳೆತದ ಸೂಚನೆಯನ್ನು ನೀಡುತ್ತದೆ. ಇದು ಮೊದಲ ತ್ರೈಮಾಸಿಕದಲ್ಲಿ ಸಾಮಾನ್ಯವಾಗಿ ಇರುತ್ತದೆ.

ಕೆಲವರಿಗೆ ಗರ್ಭಾವಸ್ಥೆಯ ಪೂರ್ವದಿಂದ ಗರ್ಭಾವಸ್ಥೆಯ ಅಂತ್ಯದ ವರೆಗೂ ಆಗಾಗ ತೀವ್ರವಾದ ತಲೆನೋವನ್ನು ಅನುಭವಿಸುತ್ತಲೇ ಇರುತ್ತಾರೆ. ಇದಕ್ಕೆ ಕಾರಣ ಹಾರ್ಮೋನ್ ಗಳ ಬದಲಾವಣೆ ಮತ್ತು ರಕ್ತದ ಒತ್ತಡ ಎನ್ನಲಾಗುವುದು. ಹಕ್ಕು ನಿರಾಕರಣೆ: ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ಹೆಚ್ಚಿನ ವಿವರಗಳಿಗಾಗಿ ಯಾವುದಾದರೂ ತಜ್ಞರ ಸಲಹೆಯನ್ನು ಪಡೆಯಿರಿ.