New Year Party Makeup Tips: ನ್ಯೂ ಇಯರ್​ ಪಾರ್ಟಿಗೆ ಈ ರೀತಿ ಮೇಕಪ್​ ಮಾಡಿದ್ರೆ ಸೆಂಟರ್​ ಆಫ್​ ಅಟ್ರ್ಯಾಕ್ಷನ್​ ಆಗ್ತೀರಾ​!

ನೀವು ನ್ಯೂಯಿರ್​ ಪಾರ್ಟಿಯಲ್ಲಿ ನೀವು ಸುಂದರವಾಗಿ ಕಾಣಲು ಬಯಸಿದರೆ ನೀವು ಇಲ್ಲಿರುವ ಸಲಹೆಯನ್ನು ಪಾಲಿಸಿ. ಹೊಸ ಲುಕ್​ನೊಂದಿಗೆ ಎಲ್ಲರ ಮನಸೆಳೆಯಿರಿ. ಹೊಸ ವರ್ಷದ ಪಾರ್ಟಿಗಳಲ್ಲಿ ಈ ರೀತಿ ಮೇಕಪ್​ ಮಾಡಿಕೊಳ್ಳಿ.

ಹೊಸ ವರ್ಷದ ಪಾರ್ಟಿಗಳಲ್ಲಿ ಮ್ಯಾಟ್ ಲುಕ್ ಯಾವಾಗಲೂ ಟ್ರೆಂಡಿಯಾಗಿದೆ. ನೀವೂ ಕೂಡ ಮ್ಯಾಟ್ ಲುಕ್ ಮೇಕಪ್​ ಮಾಡಿ. ಹೊಸ ವರ್ಷವನ್ನು ಪ್ರತಿಯೊಬ್ಬರು ಸಂತೋಷದಲ್ಲಿ ಆಚರಿಸಲು ಬಯಸುತ್ತಾರೆ. ಪಾರ್ಟಿ ಎಂದಾಕ್ಷಣ ಮೊದಲು ನೆನಪಾಗುವುದು ಮೇಕಪ್ ಅದರಲ್ಲೂ ಹುಡುಗಿಯರು ನ್ಯೂಯಿರ್​ ತಯಾರಿ ಬಗ್ಗೆ ಮತ್ತು ಮೇಕಪ್​ ಬಗ್ಗೆ ತುಂಬಾ ಗಮನ ಕೊಡ್ತಾರೆ.

ಡ್ರೆಸ್ ಜೊತೆಗೆ ಸರಿಯಾದ ಮೇಕಪ್ ಕೂಡ ಬಹಳ ಮುಖ್ಯ. ಸರಿಯಾದ ಮೇಕಪ್ ಮಾಡಿಕೊಂಡರೆ ನೀವು ಎಲ್ಲರ ಗಮನಸೆಳೆಯಲು ಸಾಧ್ಯವಾಗುತ್ತದೆ. ಸೌಂದರ್ಯವರ್ಧಕಗಳ ಬಗ್ಗೆ ಸ್ವಲ್ಪ ಗಮನ ಕೊಡಿ ಮತ್ತು ಅವುಗಳನ್ನು ಸರಿಯಾಗಿ ಬಳಸುವುದು ಹೇಗೆ ಎಂದು ತಿಳಿಯಿರಿ ಆಗ ನೀವು ಸುಂದರವಾಗಿ ಕಾಣಿಸುವುದು ಸುಲಭ.

ನೀವು ಮಾಡಿರುವ ಮೇಕಪ್​ ಹೆಚ್ಚು ಸಮಯದ ವರೆಗೆ ಉಳಿಯಬೇಕು ಎಂದರೆ ನೀವು ಇದಕ್ಕೆ ಮೊದಲಿನಿಂದಲೇ ತಯಾರಿಸನಡೆಸ ಬೇಕಾಗುತ್ತದೆ. ಮೇಕಪ್ ಮಾಡುವ ಮೊದಲು ಮುಖವನ್ನು ಸ್ವಚ್ಛವಾಗಿ ತೊಳೆಯಿರಿ. ಆಗ ನಿಮ್ಮ ಮುಖದ ಮೇಲಿನ ದೂಳಿನ ಕಣಗಳು ಮಾಯವಾಗಿ ಮೇಕಪ್​ ಹೆಚ್ಚು ಸಮಯ ಉಳಿಯುತ್ತದೆ.

ಮುಖ ತೊಳೆದ ನಂತರ ಮಾಯ್ಚಿರೈಸ್​ ಅನ್ನು ಅನ್ವಯಿಸಿ. ಚರ್ಮದ ಪ್ರಕಾರವನ್ನು ಆಧರಿಸಿ ಆಯ್ಕೆ ಮಾಡಿ. ಈಗ ತೇವಗೊಂಡ ಚರ್ಮದ ಮೇಲೆ ಮೇಕಪ್​ ಮಾಡಲು ಆರಂಭಿಸಿ.

ನೀವು ಕಪ್ಪು ಡ್ರೆಸ್​ ಮತ್ತು ಕೆಂಪು ಲಿಪ್ಸ್​​​ಟಿಕ್ ಹಾಕಿದರೆ ಬಹಳ ಸುಂದರವಾಗಿ ಕಾಣುತ್ತೀರಿ. ಹೆಚ್ಚು ಆಭರಣ ಧರಿಸಬೇಡಿ. ಬೋಲ್ಡ್​ ಮೇಕಪ್​ ಮಾಡಿ. ಮೇಕಪ್​ ಎಷ್ಟು ಕಾಲ ಉಳಿಯುತ್ತದೆ ಎಂಬುದನ್ನು ನೀವು ಹಚ್ಚಿದ ಪ್ರೈಮರ್​ ನಿರ್ಧರಿಸುತ್ತದೆ.

ಮೇಕಪ್​ ಆದ ನಂತರ ಅಂತಿಮವಾಗಿ ಸೆಟ್ಟಿಂಗ್ ಸ್ಪ್ರೇ ಅನ್ನು ಅನ್ವಯಿಸಿ. ಅದು ಕೂಡ ನಿಮ್ಮ ಮೇಕಪ್​ ಹೆಚ್ಚಿನ ಸಮಯ ನಿಮ್ಮ ಮುಖದ ಮೇಲೆ ಉಳಿಯಲು ಸಹಾಯ ಮಾಡುತ್ತದೆ.