Travel Tips: ಟ್ರಿಪ್​ ಹೋದಾಗ ಈ ಮಾರ್ಕೆಟ್​ಗಳಿಗೆ ವಿಸಿಟ್​ ಮಾಡೋದು ಮಿಸ್​ ಮಾಡ್ಬೇಡಿ

ಕನೌಜ್‌ನ ಅತ್ತರ್ ಮಾರುಕಟ್ಟೆ, ಬಹಳ ಪ್ರಸಿದ್ದವಾದ ಮಾರುಕಟ್ಟೆಯಾಗಿದ್ದು, ಇಲ್ಲಿ ನಿಮಗೆ ಸುಗಂಧ ಭರಿತ ವಿಭಿನ್ನ ರೀತಿಯ ಅತ್ತರ್​ಗಳು ಸಿಗುತ್ತದೆ.

ಇತಿಹಾಸದ ಪ್ರಕಾರ ರಾಜ ಹರ್ಷವರ್ಧನನ ಕಾಲದಿಂದಲೂ ಇಲ್ಲಿ ಅತ್ತರ್ ಮಾರುಕಟ್ಟೆ ನಡೆಯುತ್ತಿದೆ. ಅಲ್ಲದೇ ಇಲ್ಲಿ ನಿಮಗೆ ಸಿಗದ ಅತ್ತರ್​ ಇಲ್ಲ ಎನ್ನಲಾಗುತ್ತದೆ.

ಕಾಶ್ಮೀರದ ದಾಲ್ ಲೇಕ್ ಮಾರುಕಟ್ಟೆ , ಇದು ತೇಲುವ ಮಾರುಕಟ್ಟೆ ಎಂದೇ ಪ್ರಸಿದ್ದವಾಗಿದ್ದು, ಕಾಶ್ಮೀರಕ್ಕೆ ಪ್ರವಾಸ ಹೋಗುವ ಪ್ರತಿಯೊಬ್ಬರೂ ಇಲ್ಲಿಗೆ ಹೋಗಬೇಕು.

ಇದರ ವಿಶೇಷತೆ ಎಂದರೆ ಈ ತರಕಾರಿ ಮಾರುಕಟ್ಟೆ ಇರುವುದು ದಾಲ್ ಸರೋವರದಲ್ಲಿದೆ. ಇಲ್ಲಿ ಜನರು ದೋಣಿಗಳಲ್ಲಿ ತರಕಾರಿಗಳನ್ನು ಮಾರಾಟ ಮಾಡುತ್ತಾರೆ ಹಾಗೂ ಖರೀದಿ ಕೂಡ ಹಾಗೆಯೇ ದೋಣಿಯಿಂದಲೇ ಮಾಡುತ್ತಾರೆ.

ಮಣಿಪುರದ ಇಮಾ ಕೀತೆಲ್ ಮಾರುಕಟ್ಟೆ , ಸಾಮಾನ್ಯವಾಗಿ ಮಣಿಪುರಕ್ಕೆ ಹೋದರೆ ನಮಗೆ ಎಲ್ಲವೂ ವಿಭಿನ್ನ ಎನಿಸುತ್ತದೆ. ಆದರೆ ಈ ಮಾರುಕಟ್ಟೆ ಎಲ್ಲದಕ್ಕಿಂತ ವಿಭಿನ್ನ . ಏಕೆಂದರೆ ಇಲ್ಲಿ ಬರೀ ಮಹಿಳೆಯರು ವ್ಯಾಪಾರ ಮಾಡುತ್ತಾರೆ.

ಹೌದು, ಮಣಿಪುರದ ರಾಜಧಾನಿ ಇಂಫಾಲ್‌ನಲ್ಲಿರುವ ಇಮಾ ಕೀತೆಲ್​ನಲ್ಲಿ ಎಲ್ಲ ಅಂಗಡಿಯಲ್ಲಿ ಮಹಿಳೆಯರು ಮಾತ್ರ ಇದ್ದು,ಇದು ವಿಶ್ವದ ಅತಿ ದೊಡ್ಡ ಮಹಿಳಾ ಮಾರುಕಟ್ಟೆಯಂತೆ.

ಅಸ್ಸಾಂನ ಜೊನ್‌ಬೀಲ್ ಮಾರುಕಟ್ಟೆ , ಇದು ನಿಜಕ್ಕೂ ಹೆಚ್ಚು ವಿಶೇಷ, ಯಾಕೆಂದರೆ ಅನಾದಿ ಕಾಲದ ವ್ಯಾಪಾರದ ಸಂಪ್ರದಾಯವನ್ನು ಈಗಲೂ ಇಲ್ಲಿ ಪಾಲಿಸಲಾಗುತ್ತದೆ. ಇಲ್ಲಿ ವಸ್ತುಗಳ ವಿನಿಮಯ ಮಾಡಲಾಗುತ್ತದೆ.

ನೋಟು ಅಥವಾ ನಾಣ್ಯ ಜಾರಿಗೆ ಬರದೇ ಇದ್ದ ಸಮಯದಲ್ಲಿ ಹೇಗೆ ವಸ್ತುಗಳನ್ನು ವನಿಮಯ ಮಾಡಲಾಗುತ್ತಿತ್ತೋ ಅದೇ ರೀತಿಯ ಮಾರುಕಟ್ಟೆ ಇದಾಗಿದ್ದು, 15ನೇ ಶತಮಾನದಲ್ಲಿ ಪ್ರಾರಂಭವಾದ ಈ ಮಾರುಕಟ್ಟೆ ಇಂದಿಗೂ ಹಾಗೆಯೇ ಇದೆ.