Christmas Markets: ಭಾರತದ ಸುಂದರ ಕ್ರಿಸ್​ಮಸ್​ ಮಾರ್ಕೆಟ್​ಗಳಿಗೆ ಒಮ್ಮೆ ವಿಸಿಟ್ ಮಾಡಿ

ಈ ಕ್ರಿಸ್ಮಸ್ ಮಾರ್ಕೆಟ್ ಅನ್ನು ಮೊದಲು ಮಧ್ಯಯುಗದ ಉತ್ತರಾರ್ಧದಲ್ಲಿ ಜರ್ಮನಿಯಲ್ಲಿ ಆರಂಭವಾಯಿತು. ನಂತರ ಇತರ ರಾಷ್ಟ್ರಗಳಲ್ಲಿ ಸಹ ಇದನ್ನು ಆಯೋಜಿಸಲಾಗುತ್ತದೆ. ಇಲ್ಲಿ ಸುಂದರ ಗಿಫ್ಟ್ಗಳು, ಕರಕುಶಲ ವಸ್ತುಗಳು ಸೇರಿದಂತೆ ಅನೇಕ ವಸ್ತುಗಳು ಇಲ್ಲಿ ಸಿಗುತ್ತದೆ.

ಪಾರ್ಕ್ ಸ್ಟ್ರೀಟ್ ಫೆಸ್ಟಿವಲ್, ಕೋಲ್ಕತ್ತಾ
ಕೋಲ್ಕತ್ತಾದ ಕ್ರಿಸ್ಮಸ್ ಹಬ್ಬ ಡಿಸೆಂಬರ್ 26 ರಿಂದ 30ರ ವರೆಗೆ ಪಾರ್ಕ್ ಸ್ಟ್ರೀಟ್ ನಲ್ಲಿ ನಡೆಸಲಾಗುತ್ತದೆ. ಪಾರ್ಕ್ ಸ್ಟ್ರೀಟ್ ಫೆಸ್ಟಿವಲ್ ನಲ್ಲಿ ಆಹಾರ, ಶಾಪಿಂಗ್ , ಮನರಂಜನಾ ಚಟುವಟಿಕೆಗಳು ಸಹ ಇರುತ್ತದೆ. ಈಗಾಗಲೇ ಇಲ್ಲಿ ತಯಾರಿ ಆರಂಭವಾಗಿದೆ.

ಸಂಡೇ ಸೌಲ್ ಸಂತೆ, ಬೆಂಗಳೂರು
ಬೆಂಗಳೂರಿನಲ್ಲಿ ಕ್ರಿಸ್ಮಸ್ ಹತ್ತಿರವಿದ್ದಾಗ ಸಂಡೇ ಸೌಲ್ ಸಂತೆ ನಡೆಯುತ್ತದೆ. ಈ ಕ್ರಿಸ್ಮಸ್ ಮಾರುಕಟ್ಟೆಯು ವಿನ್ಯಾಸ, ಕಲೆ, ಕರಕುಶಲ ಮತ್ತು ಮನರಂಜನೆಯನ್ನು ನೀಡುತ್ತದೆ. ಕೇರಳದ ಜನಪ್ರಿಯ ಬ್ಯಾಂಡ್ ದಿ ಥೈಕ್ಕುಡಂ ಬ್ರಿಡ್ಜ್ ಸಹ ಈ ಮಾರ್ಕೆಟ್​ನಲ್ಲಿ ಜನರನ್ನು ರಂಜಿಸುತ್ತದೆ. ಡಿಸೆಂಬರ್ 18ರಂದು ಈ ಮಾರ್ಕೆಟ್​ ಆಯೋಜಿಸಲಾಗಿದೆ.

ಪೊಲೀಸ್ ಬಜಾರ್, ಶಿಲ್ಲಾಂಗ್
ಶಿಲ್ಲಾಂಗ್​ನ ಪೊಲೀಸ್ ಬಜಾರ್ ನಲ್ಲಿ ಮರಂಜನೆಗೆ ಯಾವುದೇ ಕೊರತೆ ಇರುವುದಿಲ್ಲ. ಶಾಪಿಂಗ್ ಜೊತೆಗೆ, ಪ್ರತಿಯೊಬ್ಬರೂ ಈ ಸ್ಥಳದಲ್ಲಿ ಬಾಯಲ್ಲಿ ನೀರೂರಿಸುವ ಆಹಾರವನ್ನು ಸವಿಯಬಹುದು. ಇಲ್ಲಿ ಕ್ರಿಸ್ಮಸ್ ಮಾರ್ಕೆಟ್ ಡಿಸೆಂಬರ್ 1ರಿಂದ ಜನವರಿ 1ರವರೆಗೆ ಇರುತ್ತದೆ.

ಅರ್ಪೋರಾ ರಾತ್ರಿ ಮಾರುಕಟ್ಟೆ, ಗೋವಾ
ಭಾರತದಲ್ಲಿ ಕ್ರಿಸ್ಮಸ್ ಹಬ್ಬಕ್ಕೆ ಹೆಚ್ಚು ಪ್ರಸಿದ್ಧವಾದ ಸ್ಥಳ ಎಂದರೆ ಗೋವಾ. ಇಲ್ಲಿನ ಅರ್ಪೋರಾ ನೈಟ್ ಮಾರ್ಕೆಟ್ ಗೋವಾದ ಅತ್ಯಂತ ಜನಪ್ರಿಯ ಕ್ರಿಸ್ಮಸ್ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ಶನಿವಾರದಂದು ಮಾತ್ರ ಈ ಮಾರ್ಕೆಟ್ ಇರುತ್ತದೆ.

ಕೊಚ್ಚಿನ್ ಕಾರ್ನಿವಲ್
ಕೊಚ್ಚಿಯಲ್ಲಿ ಅದ್ಧೂರಿಯಾಗಿ ಆಚರಿಸುವ ಈ ಕೊಚ್ಚಿನ್ ಕಾರ್ನಿವಲ್ ಹತ್ತು ದಿನಗಳವರೆಗೆ ಇರುತ್ತದೆ ಮತ್ತು ಬೀಚ್ ಫುಟ್ಬಾಲ್, ಬಾಕ್ಸಿಂಗ್, ಕುಸ್ತಿ, ಸೈಕ್ಲಿಂಗ್ ಮತ್ತು ಮ್ಯಾರಥಾನ್ಗಳಂತಹ ಮನರಂಜನೆ ಇಲ್ಲಿ ಸಿಗುತ್ತದೆ. ಡೆಸೆಂಬರ್ 25 ರಿಂದ ಜನವರಿ 1ರ ವರೆಗೆ ಈ ಮಾರ್ಕೆಟ್ ಇರುತ್ತದೆ.

ಜರ್ಮನ್ ಕ್ರಿಸ್ಮಸ್ ಮಾರುಕಟ್ಟೆ, ದೆಹಲಿ
ಜರ್ಮನ್ ಕ್ರಿಸ್ಮಸ್ ಮಾರುಕಟ್ಟೆ ಭಾರತದ ಬಹಳ ಫೇಮಸ್ ಆಗಿದ್ದು, ಜರ್ಮನಿಯಲ್ಲಿ ಕ್ರಿಸ್ಮಸ್ ಆಚರಿಸುವ ರೀತಿಯಲ್ಲಿ ಇಲ್ಲಿ ಸಹ ಹಬ್ಬವನ್ನು ಆಚರಣೆ ಮಾಡಲಾಗುತ್ತದೆ. ನವ ದೆಹಲಿಯ ಹುಮಾಯೂನ್ ಸಮಾಧಿಯ ಬಳಿ ಈ ಮಾರುಕಟ್ಟೆ ಆಯೋಜಿಸಲಾಗಿರುತ್ತದೆ.

ಮಾರ್ಚೆ ಡಿ ನೋಯೆಲ್, ಪಾಂಡಿಚೇರಿ
ಗೋವಾದ ನಂತರ ಕ್ರಿಸ್ಮಸ್ ಹಬ್ಬಕ್ಕೆ ಹಾಗೂ ಪ್ರವಾಸಕ್ಕೆ ಫೇಮಸ್ ಸ್ಥಳ ಎಂದರೆ ಈ ಪಾಂಡಿಚೇರಿ. ಇಲ್ಲಿನ ಚರ್ಚುಗಳು ಮತ್ತು ಬೀದಿಗಳ ಅಲಂಕಾರವನ್ನು ಆನಂದಿಸುವುದನ್ನ ಮಿಸ್ ಮಾಡಲೇಬಾರದು. ಶಾಪಿಂಗ್ ಮಾಡಲು ಇದು ಸೂಕ್ತವಾದ ಸ್ಥಳ ಎನ್ನಬಹುದು.