Must Questions Before Marriage: ಮದ್ವೆಗೂ ಮೊದ್ಲೇ ಹೆಂಡ್ತಿಯರ ಈ 5 ಸೀಕ್ರೆಟ್ಸ್ ಹೀಗೆ ತಿಳ್ಕೊಳ್ಳಿ!

ಮದುವೆ ಎಂಬುವುದು ಜೀವನದ ಅತ್ಯಂತ ದೊಡ್ಡ ನಿರ್ಧಾರಗಳಲ್ಲಿ ಒಂದಾಗಿದೆ. ಈ ನಿರ್ಧಾರವು ಒಬ್ಬ ವ್ಯಕ್ತಿಯ ಜೀವನ ಮತ್ತು ಭವಿಷ್ಯ ಇನ್ನೊಬ್ಬ ವ್ಯಕ್ತಿಯ ಮೇಲೆ ಅವಲಂಬಿತವಾಗಿರುತ್ತದೆ.

ಆದ್ದರಿಂದ ನೀವು ಮದುವೆಯಾಗಲು ನಿರ್ಧರಿಸಿದಾಗ ಜೀವನ ಸಂಗಾತಿಯ ಸಾಧಕ-ಬಾಧಕಗಳ ಬಗ್ಗೆ ಸ್ಪಷ್ಟವಾದ ಕಲ್ಪನೆಯನ್ನು ಹೊಂದಿರುವುದು ಕಡ್ಡಾಯವಾಗಿದೆ.

ಆರೇಂಜ್ ಮ್ಯಾರೇಜ್ ಆಗಿದ್ದರೆ, ಮದುವೆಗೂ ಮುನ್ನ ಮಾತನಾಡಲು ಅವಕಾಶಗಳು ಕಡಿಮೆ ಇರುತ್ತದೆ. ಆದರೆ, ಮದುವೆ ಬಳಿಕ ಅಭಿಪ್ರಾಯಗಳು ಬದಲಾಗುತ್ತದೆ. ಹಾಗಾಗಿ ವಿವಾಹ ಮುನ್ನ ಡೇಟಿಂಗ್ ಮಾಡುವುದನ್ನು ಮರೆಯಬೇಡಿ.

ಯಾರನ್ನಾದರೂ ಭೇಟಿಯಾಗುವುದಕ್ಕೂ ಒಂದೇ ಮನೆಯಲ್ಲಿ ದಿನ ಕಳೆಯುವುದಕ್ಕೂ ಬಹಳ ವ್ಯತ್ಯಾಸವಿದೆ! ಹಾಗಾಗಿ ಮದುವೆಗೆ ಮುನ್ನ ಒಬ್ಬರನ್ನೊಬ್ಬರು ಚೆನ್ನಾಗಿ ತಿಳಿದುಕೊಳ್ಳಲು ಕೆಲವು ಸಂಭಾಷಣೆ ಅಗತ್ಯ. ಈ ಹಿನ್ನೆಲೆ ಮದುವೆಗೂ ಮುನ್ನ ನಿಮ್ಮ ಸಂಗಾತಿಗೆ ಕೇಳಬೇಕಾದ ಪ್ರಶ್ನೆಗಳು ಯಾವುವು ಗೊತ್ತಾ?

1) ಮದುವೆಯಾದ ತಕ್ಷಣ ಮಕ್ಕಳನ್ನು ಹೊಂದುವ ಪರಿಕಲ್ಪನೆಯು ತುಂಬಾ ಹಳೆಯ ಶೈಲಿಯಾಗಿದೆ. ಆದ್ದರಿಂದ, ಮಕ್ಕಳನ್ನು ಹೊಂದುವ ಬಗ್ಗೆ ನಿಮ್ಮ ಸಂಗಾತಿಯ ಅಭಿಪ್ರಾಯವನ್ನು ಮೊದಲೇ ತಿಳಿದುಕೊಳ್ಳಿ. ಭಿನ್ನಾಭಿಪ್ರಾಯವಿದ್ದರೆ ಚರ್ಚಿಸಿ. ಮಿಲನಕ್ಕೂ ಮುನ್ನ ನಿಮ್ಮ ಸಂಗಾತಿ ಲೈಂಗಿಕವಾಗಿ ಹರಡುವ ರೋಗಗಳ ಪರೀಕ್ಷೆಗೆ ಒಳಗಾಗಲು ಬಯಸುತ್ತಾರೆಯೇ ಅಥವಾ ಇಲ್ಲವೇ ಎಂಬುದರ ಕುರಿತು ಮುಕ್ತವಾಗಿ ಮಾತನಾಡಿ ತಿಳಿದುಕೊಳ್ಳಿ.

2) ಮದುವೆಗೆ ಮೊದಲು ನಿಮ್ಮ ಲೈಫ್ ಪಾರ್ಟನರ್ ಜೊತೆಗೆ ಆರ್ಥಿಕ ಅಂಶಗಳನ್ನು ಚರ್ಚಿಸಿ. ಈಗ ಗಂಡು-ಹೆಣ್ಣು ಮಕ್ಕಳಿಬ್ಬರೂ ಮನೆಯ ಖರ್ಚಿನ ಹೊಣೆಯನ್ನು ಸಮಾನವಾಗಿ ಹೊರುತ್ತಾರೆ. ವೈವಾಹಿಕ ಜೀವನದಲ್ಲಿ ಪರಸ್ಪರರ ಆರ್ಥಿಕ ಸ್ಥಿತಿಗತಿಗಳ ಬಗ್ಗೆ ಅರಿವು ಮೂಡಿಸುವುದು ಬಹಳ ಮುಖ್ಯ.

3) ಆರೋಗ್ಯಕರ ಲೈಂಗಿಕ ಜೀವನವು ಆರೋಗ್ಯಕರ ದಾಂಪತ್ಯದ ಕೀಲಿಯಾಗಿದೆ. ಆದ್ದರಿಂದ ಅದರ ಬಗ್ಗೆ ಮಾತನಾಡಲು ನಾಚಿಕೆಪಡಬೇಡಿ. ಮದುವೆ ಎಂದರೆ ಲೈಂಗಿಕತೆಗೆ ಒಪ್ಪಿಗೆ ಎಂದಲ್ಲ. ಆದ್ದರಿಂದ ಲೈಂಗಿಕ ಜೀವನವನ್ನು ಮುಂಚಿತವಾಗಿ ಚರ್ಚಿಸಬೇಕು. ಮದುವೆಗೆ ಮೊದಲು ಲೈಂಗಿಕತೆಯ ಅನುಭವವಿಲ್ಲದಿದ್ದರೆ, ಈ ಚರ್ಚೆ ಖಂಡಿತವಾಗಿಯೂ ಅಗತ್ಯ.

4) ನಿಮ್ಮ ಕುಟುಂಬಕ್ಕೆ ನಿಮ್ಮ ಕೆಲವು ಅಗತ್ಯಗಳಿವೆ ಎಂದು ಮೊದಲೇ ನಿಮ್ಮ ಸಂಗಾತಿಗೆ ತಿಳಿಸಿ. ಮದುವೆಯಲ್ಲಿ ಕೇವಲ ಇಬ್ಬರಷ್ಟೇ ಅಲ್ಲ, ಎರಡು ಕುಟುಂಬಗಳು ಭಾಗಿಯಾಗುತ್ತವೆ. ಇಬ್ಬರ ನಡುವಿನ ಕೆಮಿಸ್ಟ್ರಿ ಇಬ್ಬರ ಫ್ಯಾಮಿಲಿ ಜೊತೆ ಹೇಗಿದೆ ಎಂಬುದನ್ನು ಮೊದಲೇ ತಿಳಿದುಕೊಳ್ಳುವುದು ಕೂಡ ಒಳ್ಳೆಯದು.

5) ವೃತ್ತಿ ಜೀವನ ಮತ್ತು ವೈಯಕ್ತಿಕ ಜೀವನದ ನಡುವಿನ ಸಮತೋಲನವನ್ನು ನೀವು ಹೇಗೆ ಕಾಪಾಡಿಕೊಳ್ಳುತ್ತೀರಿ ಎಂದು ನಿಮ್ಮ ಸಂಗಾತಿಯೊಂದಿಗೆ ಚರ್ಚಿಸಿ. ಅನೇಕ ಬಾರಿ ಕೆಲಸದಲ್ಲಿ ಹೆಚ್ಚು ಸಮಯ ಕಳೆಯಬೇಕಾಗುತ್ತದೆ, ಕುಟುಂಬ ಜೀವನಕ್ಕೆ ಹೆಚ್ಚು ಸಮಯವನ್ನು ನೀಡಲು ಸಾಧ್ಯವಾಗುವುದಿಲ್ಲ. ನಿಮ್ಮ ವಿಷಯದಲ್ಲಿ ಹೀಗಿದ್ದರೆ, ಮೊದಲೇ ಹೇಳಿಕೊಳ್ಳಿ. ಸಂಗಾತಿಯ ಬಗ್ಗೆಯೂ ತಿಳಿಯಿರಿ. ಇದರಿಂದ ತಪ್ಪು ತಿಳುವಳಿಕೆಗಳು ಮೂಡುವುದಿಲ್ಲ.