ಪೋರ್ನ್ ವಿಡಿಯೋ​ ವೀಕ್ಷಣೆಯಲ್ಲಿ ಅಮೆರಿಕದೊಂದಿಗೆ ಭಾರತ ಪೈಪೋಟಿ..!

827 ಅಶ್ಲೀಲ​ ವೆಬ್​ಸೈಟ್​ಗಳನ್ನು ಬ್ಲಾಕ್​ ಮಾಡುವಂತೆ ಇಂಟರ್​ನೆಟ್​ ಸರ್ವಿಸ್​ ಪ್ರೊವೈಡರ್ಸ್​ಗೆ ಕೇಂದ್ರ ಸರ್ಕಾರ ಸೂಚನೆ ನೀಡಿದೆ. ಈ ಉತ್ತರಾಖಂಡ ಹೈಕೋರ್ಟ್​ ತೀರ್ಪಿನ ಹಿನ್ನಲೆಯಲ್ಲಿ ಈ ಸೂಚನೆ ಹೊರಡಿಸಲಾಗಿದ್ದರೂ,ಮ ಅನೇಕ ಕಂಪನಿಗಳು ಇನ್ನೂ ಕೂಡ ವೆಬ್​ಸೈಟ್​ಗಳನ್ನು ಬ್ಯಾನ್ ಮಾಡಿರಲಿಲ್ಲ. ಈ ಬಗ್ಗೆ ಸುಪ್ರೀಂ ಕೋರ್ಟ್​ ಕಾರಣವನ್ನು ತಿಳಿಸುವಂತೆ ಕಂಪನಿಗಳಿಗೆ ಹೇಳಿದೆ.

ಸೆಪ್ಟೆಂಬರ್ 27, 2018 ರಂದು ಉತ್ತರಾಖಂಡದ ಹೈಕೋರ್ಟ್​ ಈ ಮಹತ್ವದ ಆದೇಶವನ್ನು ಹೊರಡಿಸಿತು. ಈ ತೀರ್ಪನ್ನು ಗೌರವಿ ರಿಲಯನ್ಸ್​ ಟೆಲಿಕಾಂ ಸಂಸ್ಥೆ ಪೋರ್ನ್​ ವೆಬ್​ಸೈಟ್​ನ್ನು ಬ್ಯಾನ್ ಮಾಡಿದ್ದರು. ಆದರೆ ಉಳಿದ ಕಂಪನಿಗಳು ಶೀಘ್ರದಲ್ಲೇ ನಿರ್ಬಂಧಿಸುವುದಾಗಿ ತಿಳಿಸಿದರೂ ಯಾವುದೇ ಕ್ರಮ ಕೈಗೊಂಡಿರಲಿಲ್ಲ.

ಅಮೆರಿಕವನ್ನು ಹೊರತುಪಡಿಸಿದರೆ ಅತಿ ಹೆಚ್ಚು ಇಂಟರ್​ನೆಟ್​ ಬಳಕೆದಾರರು ಇರುವ ದೇಶ ಭಾರತ. ಹೀಗಾಗಿ ಪೋರ್ನ್​ ವಿಡಿಯೋ ಮಾರುಕಟ್ಟೆಯ ವೀಕ್ಷಕರು ಬಹುಪಾಲು ಮಂದಿ ಭಾರತೀಯರೆ ಆಗಿದ್ದಾರೆ. ಒಂದು ವರ್ಷದ ಹಿಂದಿನ ಅಂಕಿ ಅಂಶಗಳನ್ನು ಗಮನಿಸಿದರೆ ವಿಶ್ವದಲ್ಲಿ ಅತಿ ಹೆಚ್ಚು ಪೋರ್ನ್​ ವಿಡಿಯೋ ನೋಡುವವರ ಪಟ್ಟಿಯಲ್ಲಿ ಭಾರತ ಮೂರನೇ ಸ್ಥಾನ ಪಡೆದುಕೊಂಡಿದೆ.

2015 ರಲ್ಲಿ ಭಾರತವು 6ನೇ ಸ್ಥಾನದಲ್ಲಿತ್ತು. ಆದರೆ ಇಂಡಿಯಾದಲ್ಲಿಇಂಟರ್​ನೆಟ್​ ಸೇವೆಯುವ ಅಗ್ಗವಾಗುತ್ತಿದ್ದಂತೆ ಪೋರ್ನ್​ ವೀಕ್ಷಕರ ಸಂಖ್ಯೆ ಕೂಡ ಅಧಿಕವಾಗಿದೆ.

ಈ ಪಟ್ಟಿಯಲ್ಲಿ ಅಗ್ರಗಣ್ಯನಾಗಿರುವ ಅಮೆರಿಕದಲ್ಲಿ ಅತಿ ಹೆಚ್ಚು ಪೋರ್ನ್​ ವಿಡಿಯೋ ವೀಕ್ಷಕರಿದ್ದಾರೆ. ಆದರೆ ಭಾರತದಲ್ಲಿ ನೀಡಲಾಗುತ್ತಿರುವ ಕಡಿಮೆ ದರದ ಇಂಟರ್​ನೆಟ್​ ಸೇವೆಯಿಂದ ಕೆಲವೇ ವರ್ಷಗಳಲ್ಲಿ ಭಾರತವು ಪೋರ್ನ್​ ವಿಡಿಯೋ ವೀಕ್ಷಣೆಯಲ್ಲಿ ಮೊದಲಿಗರಾಗಲಿದ್ದಾರೆ ಎಂದು ಹೇಳಲಾಗಿದೆ.

ಎರಡನೇ ಸ್ಥಾನವನ್ನು ಯುನೈಟೆಡ್ ಕಿಂಗ್​ಡಮ್(ಇಂಗ್ಲೆಂಡ್) ಪಡೆದುಕೊಂಡರೆ, ನಾಲ್ಕನೇ ಸ್ಥಾನದಲ್ಲಿ ಕೆನಡಾ ದೇಶದವರಿದ್ದಾರೆ.

ಈ ಪಟ್ಟಿಯಲ್ಲಿ 5 ಸ್ಥಾನವನ್ನು ಜರ್ಮನಿ ಹಾಗೂ 6 ನೇ ಸ್ಥಾನವನ್ನು ಫ್ರಾನ್ಸ್​ ಅಲಂಕರಿಸಿದೆ.

ಈ ವೆಬ್​ಸೈಟ್ ನೀಡಿರುವ ವರದಿ ಪ್ರಕಾರ ಹೆಣ್ಣು ಮಕ್ಕಳ ಸಲಿಂಗ ಸಂಬಂಧಗಳ ವಿಡಿಯೋಗಳನ್ನು ಅತಿ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ಅಲ್ಲದೆ ಭಾರತೀಯರು ದೇಶಿಯರ ಪೋರ್ನ್​ ವಿಡಿಯೋಗಳನ್ನು ವೀಕ್ಷಿಸಲು ಹೆಚ್ಚಾಗಿ ಸರ್ಚ್ ಮಾಡುತ್ತಾರೆ ಎಂದು ಅಂಕಿ ಅಂಶದಿಂದ ಬೆಳಕಿಗೆ ಬಂದಿದೆ.

ಸದ್ಯ ಭಾರತದಲ್ಲಿ ಪೋರ್ನ್​ಸೈಟ್​ಗಳ ಬ್ಯಾನ್ ವಿಚಾರವಾಗಿ ಪರ ವಿರೋಧದ ವಾದಗಳು ಸಾಮಾಜಿಕ ಜಾಲತಾಣದಲ್ಲಿ ಹುಟ್ಟಿಕೊಂಡಿದೆ. ವಿಶ್ವ ಪೋರ್ನ್ ವಿಡಿಯೋಗಳ ​ ಮಾರುಕಟ್ಟೆ ಎಂದೆನಿಸಿಕೊಂಡಿರುವ ಭಾರತದಲ್ಲಿ ಸಂಪೂರ್ಣ ಅಶ್ಲೀಲ ವಿಡಿಯೋ ಸೈಟ್​ಗಳ ಮೇಲೆ ನಿಷೇಧ ಹೇರುವಲ್ಲಿ ಕೇಂದ್ರ ಸರ್ಕಾರ ಯಶಸ್ವಿಯಾಗುತ್ತಾ ಎಂಬುದನ್ನು ಕಾದು ನೋಡಬೇಕಿದೆ.