Weight Loss: ನೀವು ಸಿಕ್ಕ ಸಿಕ್ಕಾಗೆಲ್ಲಾ ಕಾಫಿ ಕುಡಿತೀರಾ? ಅದರಿಂದಾಗುವ ದುಷ್ಪರಿಣಾಮಗಳನ್ನು ತಿಳಿದುಕೊಳ್ಳಿ

ನೀವು ಸೇವಿಸುವ ಕಾಫಿ ನಿಮ್ಮ ಸ್ಟ್ರೆಸ್ ನಿವಾರಣೆಗೆ ಸಹಾಯ ಮಾಡುತ್ತದೆ. ಜೊತೆಗೆ ಒಂದು ಕಪ್ ಕಾಫಿ ಕುಡಿದರೆ ಇದು ಮೂಡ್ ಬೂಸ್ಟರ್ ಆಗಿ ಕಾರ್ಯ ನಿರ್ವಹಿಸುತ್ತದೆ. ದೇಹವನ್ನು ದಿನವಿಡೀ ಕ್ರಿಯಾಶೀಲವಾಗಿ ಇರಿಸಲು ಸಹಾಯ ಮಾಡುತ್ತದೆ. ಚಯಾಪಚಯ ಹೆಚ್ಚಿಸಲು ಕಾಫಿ ಸೇವನೆ ಸಹಾಯ ಮಾಡುತ್ತದೆ. ಇದು ತೂಕ ಇಳಿಕೆಗೂ ನಿಮಗೆ ಸಾಕಷ್ಟು ಸಹಾಯ ಮಾಡುತ್ತದೆ.

ಆದರೆ ನೀವು ಕುಡಿಯುವ ಕಾಫಿ ಕಪ್ ಸಂಖ್ಯೆ ಅತಿಯಾದರೆ ಅಂದರೆ ಅತಿಯಾಗಿ ಕಾಫಿ ಕುಡಿದರೆ ಇದು ಆರೋಗ್ಯಕ್ಕೆ ಹಾನಿ ಸಹ ಉಂಟು ಮಾಡುತ್ತದೆ. ಅತಿಯಾದ ಕಾಫಿ ಸೇವನೆಯು ದೇಹದಲ್ಲಿ ಆತಂಕ, ಆಯಾಸ ಮತ್ತು ಹೆಚ್ಚಿದ ಹೃದಯ ಬಡಿತ ಸಮಸ್ಯೆ ಉಂಟು ಮಾಡುತ್ತದೆ ಅಂತಾರೆ ತಜ್ಞರು. ಹಾಗಾಗಿ ನೀವು ದಿನಕ್ಕೆ 2 ರಿಂದ 4 ಕಪ್ ಕಾಫಿ ಕುಡಿಯಬಹುದು.

ಅತಿಯಾದ ಕಾಫಿ ಸೇವನೆ ಮಾಡದಂತೆ ತಜ್ಞರು ಸೂಚಿಸುತ್ತಾರೆ. ಇನ್ನು ಕೆಫೀನ್ ಸೇವಿಸಲು ಉತ್ತಮ ಸಮಯ ಅಂದ್ರೆ ವ್ಯಾಯಾಮದ 60 ನಿಮಿಷಗಳ ಮೊದಲು. ಕೆಫೀನ್ ಕ್ಯಾಪ್ಸುಲ್‌ ಗಳಿಗಿಂತ ಕೆಫೀನ್ ಚೂಯಿಂಗ್ ಗಮ್ ಅನ್ನು ಸೇವಿಸುವ ಮೂಲಕ ನೀವು ಒಂದು ಗಂಟೆ ಮುಂಚಿತವಾಗಿ ವ್ಯಾಯಾಮ ಪ್ರಾರಂಭಿಸಬಹುದು.

ಕಾಫಿಯು ಯಾಮದ ಸಮಯದಲ್ಲಿ ನಮ್ಮ ದೈಹಿಕ ಕಾರ್ಯಕ್ಷಮತೆ ಸುಧಾರಿಸುತ್ತದೆ. ಕಾಫಿ ದೇಹದಲ್ಲಿ ಚಯಾಪಚಯ ಹೆಚ್ಚಿಸಲು ಕೆಲಸ ಮಾಡುತ್ತದೆ. ಕೆಲವು ಆರೋಗ್ಯಕರ ಕ್ಯಾಲೋರಿ ಕೊರತೆಯಿರುವ ಆಹಾರದ ಜೊತೆ ಕಾಫಿ ಸೇವಿಸಿದರೆ ಇದು ತೂಕ ನಷ್ಟಕ್ಕೆ ಸಹಕಾರಿ. ಕೆಲವು ವಿಧದ ಕಾಫಿ ಸೇವನೆಯು ತೂಕ ಇಳಿಸುವ ಪ್ರಯಾಣವನ್ನು ವೇಗಗೊಳಿಸಲು ಸಹಕಾರಿ.

ಕಪ್ಪು ಕಾಫಿ. ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿರುವ ಕಪ್ಪು ಕಾಫಿ, ಕ್ಯಾಲೋರಿ ಜೀರೋ. ಇದು ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ. ಕಾಫಿಗೆ ಸಕ್ಕರೆ, ಕ್ರೀಮರ್ ಮತ್ತು ಇತರ ವಸ್ತುಗಳನ್ನು ಸೇರಿಸಿದರೆ ಕ್ಯಾಲೋರಿ ಹೆಚ್ಚುತ್ತದೆ. ಇದು ತೂಕ ಇಳಿಸುವ ಪ್ರಯಾಣಕ್ಕೆ ಹೊಡೆತ ಕೊಡುತ್ತದೆ. ರಕ್ತದೊತ್ತಡದ ರೋಗಿಗಳು ವೈದ್ಯರನ್ನು ಸಂಪರ್ಕಿಸಿ ನಂತರ ಕಾಫಿ ಸೇವಿಸಿ.

ಪ್ರೋಟೀನ್ ಕಾಫಿ. ಕಾಫಿಯನ್ನು ಇಷ್ಟಪಡುವ ಹೆಚ್ಚಿನ ಜನರು ಅದರ ರುಚಿಯನ್ನು ಸೇರಿಸಲು ಪ್ರೋಟೀನ್ ಪುಡಿ ಬಳಸುತ್ತಾರೆ. ಕಾಫಿಗೆ ಪ್ರೋಟೀನ್ ಪೌಡರ್ ಸೇರಿಸಿದರೆ ರುಚಿ ಹೆಚ್ಚುತ್ತದೆ. ತೂಕ ನಷ್ಟಕ್ಕೆ ಸಹಕಾರಿ. ದೇಹವು ದಿನವಿಡೀ ಸಕ್ರಿಯವಾಗಿರುತ್ತದೆ. ಸ್ನಾಯುಗಳು ನಿರ್ಮಿಸಲು, ಕೊಬ್ಬನ್ನು ಕಡಿಮೆ ಮಾಡುತ್ತದೆ. ದಾಲ್ಚಿನ್ನಿ ಕಾಫಿ. ಇದು ಚಯಾಪಚಯ ಹೆಚ್ಚಿಸುತ್ತದೆ. ದೇಹದ ಕೊಬ್ಬನ್ನು ಸುಡಲು ಸಹಾಯ ಮಾಡುತ್ತದೆ.

ಅರಿಶಿನ ಕಾಫಿ. ನೀವು ಒಂದು ಕಪ್ ಕಾಫಿಗೆ ಅರ್ಧ ಟೀಚಮಚ ಹಸಿ ಅರಿಶಿನ ಬೆರೆಸಿದರೆ ಅದು ಕಾಫಿಯ ಪೌಷ್ಟಿಕಾಂಶದ ಮಟ್ಟ ಹೆಚ್ಚಿಸುತ್ತದೆ. ಇದರಲ್ಲಿ ಕಂಡು ಬರುವ ಕರ್ಕ್ಯುಮಿನ್ ಅಂಶವು ನಿಮ್ಮ ತೂಕ ನಷ್ಟಕ್ಕೆ ಸಹಕಾರಿ. ಅರಿಶಿನವು ದೇಹದಲ್ಲಿನ ಉರಿಯೂತ ತೆಗೆದು ಹಾಕಲು ಸಹ ಕೆಲಸ ಮಾಡುತ್ತದೆ.

ಕೋಕೋ ಕಾಫಿ. ಒಂದು ಸ್ಕೂಪ್ ಕೋಕೋ ಪೌಡರ್ ಅನ್ನು ಕಾಫಿಗೆ ಸೇರಿಸಿ. ಇದು ಕಾಫಿಯ ಪರಿಮಳ ಹೆಚ್ಚು ಉತ್ಕೃಷ್ಟ ಮತ್ತು ಉತ್ತಮಗೊಳಿಸುತ್ತದೆ. ಸಾಕಷ್ಟು ಆಂಟಿ-ಆಕ್ಸಿಡೆಂಟ್‌ಗಳಿಂದ ಸಮೃದ್ಧ ಕೊಕೋ ಕಾಫಿ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಡಾರ್ಕ್ ಚಾಕೊಲೇಟ್ ಸ್ಥೂಲಕಾಯತೆಯಿಂದ ಬಳಲುತ್ತಿರುವ ಜನರಿಗೆ ಪ್ರಯೋಜನಕಾರಿ. ದೀರ್ಘಕಾಲದ ಕಾಯಿಲೆಗಳಿಂದ ದೇಹವನ್ನು ರಕ್ಷಿಸುತ್ತದೆ.