Morning Breakfast: ಮೂಳೆಗಳಲ್ಲಿ ದೌರ್ಬಲ್ಯವೇ? ಬೆಳಗಿನ ತಿಂಡಿಗೆ ತಿನ್ನಿ ಮಶ್ರೂಮ್ ಕ್ಯಾಪ್ಸಿಕಂ ಮಸಾಲಾ ಖಾದ್ಯ!

ಆಸ್ಟಿಯೊಪೊರೋಸಿಸ್ ಅಂದ್ರೆ ಇದೊಂದು ಮೂಳೆ ರೋಗ. ಇದನ್ನು ಸಮಯಕ್ಕೆ ಸರಿಯಾಗಿ ನಿಯಂತ್ರಿಸುವುದು ತುಂಬಾ ಮುಖ್ಯ. ಆಸ್ಟಿಯೊಪೊರೋಸಿಸ್ ಕಾಯಿಲೆಯ ಜಾಗೃತಿ ಮೂಡಿಸಲು ಮೇ ತಿಂಗಳನ್ನು ಆಸ್ಟಿಯೊಪೊರೋಸಿಸ್ ತಿಂಗಳು ಎಂದು ಆಚರಿಸುತ್ತಾರೆ. ಮೂಳೆಯ ಆರೋಗ್ಯದ ಬಗ್ಗೆ ಅರಿವು ಮೂಡಿಸಲಾಗುತ್ತದೆ.

ಮೂಳೆ ರೋಗವನ್ನು ತಡೆಗಟ್ಟುವುದು ತುಂಬಾ ಮುಖ್ಯ. ಇದಕ್ಕಾಗಿ ಉತ್ತಮ ಮತ್ತು ಪೋಷಕಾಂಶ ಭರಿತ ಆಹಾರ ಸೇವಿಸುವುದು ತುಂಬಾ ಮುಖ್ಯ. ಆಸ್ಟಿಯೊಪೊರೋಸಿಸ್ ಇದ್ದಾಗ ಮೂಳೆಯಲ್ಲಿ ಮಿನರಲ್ ಡೆನ್ಸಿಟಿ ಮತ್ತು ಬೋನ್ ಮಾಸ್ ಕಡಿಮೆಯಾಗುತ್ತದೆ. ಇದು ಮೂಳೆಯ ರಚನೆ ಮತ್ತು ಬಲವನ್ನು ಕಡಿಮೆ ಮಾಡುತ್ತದೆ.

ಇದು ಮೂಳೆಗಳ ದೌರ್ಬಲ್ಯಕ್ಕೆ ಕಾರಣವಾಗುತ್ತದೆ. ಇದು ಮೂಳೆ ಮುರಿತದ ಅಪಾಯ ಹೆಚ್ಚಿಸುತ್ತದೆ. ಇದಕ್ಕಾಗಿ ಕ್ಯಾಲ್ಸಿಯಂ, ವಿಟಮಿನ್ ಡಿ ಮತ್ತು ಪ್ರೋಟೀನ್ ಸಮೃದ್ಧ ಆಹಾರ ಸೇವಿಸುವುದು ಮುಖ್ಯ. ಬೆಳಗಿನ ತಿಂಡಿಗೆ ಪೋಷಕಾಂಶ ಸಮೃದ್ಧ ಮಶ್ರೂಮ್ ಮಸಾಲಾ ಖಾದ್ಯ ತಯಾರಿಸಿ ಸೇವಿಸಿ.

ಆಸ್ಟಿಯೊಪೊರೋಸಿಸ್‌ ಕಾಯಿಲೆ ತಡೆಗೆ ಮೂಳೆಗಳನ್ನು ಬಲಪಡಿಸುವುದು ಅವಶ್ಯಕ. ಇದಕ್ಕಾಗಿ ಕ್ಯಾಲ್ಸಿಯಂ, ವಿಟಮಿನ್ ಡಿ, ವಿಟಮಿನ್ ಸಿ, ಮೆಗ್ನೀಸಿಯಮ್ ಮತ್ತು ಪ್ರೋಟೀನ್ ಸಮೃದ್ಧ ಪದಾರ್ಥ ಸೇವಿಸಬೇಕು. ಆಸ್ಟಿಯೊಪೊರೋಸಿಸ್ ತಡೆಗಟ್ಟಲು ಮಶ್ರೂಮ್ ಸಹಕಾರಿ. ಪಾಕವಿಧಾನ ಹೀಗಿದೆ.

ಮಶ್ರೂಮ್ ಕ್ಯಾಪ್ಸಿಕಂ ಮಸಾಲಾ ರೆಸಿಪಿಗೆ ಬೇಕಾಗುವ ಪದಾರ್ಥಗಳು ಇಲ್ಲಿವೆ. ಅಣಬೆ - 1 ಕಪ್, ಕತ್ತರಿಸಿದ ಕ್ಯಾಪ್ಸಿಕಂ - 1/2 ಕಪ್, ಈರುಳ್ಳಿ - 1, ಟೊಮೆಟೊ - 2, ಬೆಳ್ಳುಳ್ಳಿ – 5 ಎಸಳು, ಜೀರಿಗೆ - 1/4 ಟೀಸ್ಪೂನ್, ಸೋಂಪು ಕಾಳು - 1/4 ಟೀಸ್ಪೂನ್, ಸಾಸಿವೆ ಎಣ್ಣೆ - 2 ಮತ್ತು ಅರ್ಧ ಚಮಚ ಬೇಕು.

ದಾಲ್ಚಿನ್ನಿ, ಲವಂಗ, ಏಲಕ್ಕಿ, ಅರಿಶಿನ ಪುಡಿ, ಕೆಂಪು ಮೆಣಸಿನ ಪುಡಿ, ಕೊತ್ತಂಬರಿ ಪುಡಿ, ಗರಂ ಮಸಾಲಾ, ಕೊತ್ತಂಬರಿ ಸೊಪ್ಪು , ಉಪ್ಪು ಬೇಕು. ತಯಾರಿಸುವ ವಿಧಾನ ಹೀಗಿದೆ. ಬಾಣಲೆಗೆ ಎಣ್ಣೆ ಹಾಕಿ, ಬಿಸಿಯಾದ ನಂತರ ಅಣಬೆ, ಕ್ಯಾಪ್ಸಿಕಂ, ಉಪ್ಪು ಹಾಕಿ ಮಿಕ್ಸ್ ಮಾಡಿ. ಬೇಯಿಸಿ. ಇನ್ನೊಂದೆಡೆ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ.

ಅದಕ್ಕೆ ಜೀರಿಗೆ, ಕತ್ತರಿಸಿದ ಈರುಳ್ಳಿ, ಬೆಳ್ಳುಳ್ಳಿ, ಟೊಮೆಟೊ, ಸೊಪ್ಪು, ಉಪ್ಪು ಸೇರಿಸಿ ಫ್ರೈ ಮಾಡಿ. ನಂತರ ಮಿಕ್ಸಿಯಲ್ಲಿ ರುಬ್ಬಿರಿ. ಪೇಸ್ಟ್ ನ್ನು ಅಣಬೆ, ಕ್ಯಾಪ್ಸಿಕಂ ಇದ್ದ ಪಾತ್ರೆಗೆ ಹಾಕಿ ಫ್ರೈ ಮಾಡಿ. ನಂತರ ಮಸಾಲೆ ಪೇಸ್ಟ್, ಅರಿಶಿನ, ಕೊತ್ತಂಬರಿ ಪುಡಿ, ಕೆಂಪು ಮೆಣಸಿನ ಪುಡಿ ಮತ್ತು ಉಪ್ಪು ಹಾಕಿ, ಬೇಯಿಸಿ, ಚಪಾತಿ ಜೊತೆ ಸರ್ವ್ ಮಾಡಿ.