Morning Breakfast: ಮಕ್ಕಳಲ್ಲಿ ಪೋಷಕಾಂಶ ಕೊರತೆ ಆಗಿದ್ಯಾ? ಹಾಗಿದ್ರೆ ಮಾಡಿ ಹೆಲ್ದೀ ಮಖಾನಾ ಚಾಟ್ಸ್, ಪಾಲಕ್ ಖಾದ್ಯ

ಸಾಕಷ್ಟು ಜನರು ಸ್ಮೂಥಿ ಮತ್ತು ಸಲಾಡ್ ನಲ್ಲಿ ಬೀಜಗಳನ್ನು ಸೇರಿಸಿ ತಿನ್ನುತ್ತಾರೆ. ಬೆಳಗಿನ ತಿಂಡಿಗೆ ಬೀಜಗಳ ಖಾದ್ಯಗಳ ಆಯ್ಕೆಯು ಉತ್ತಮವಾಗಿದೆ. ಇದು ದೇಹಕ್ಕೆ ಬೇಕಾದ ಪೋಷಕಾಂಶ ಮತ್ತು ಶಕ್ತಿ ನೀಡುತ್ತದೆ. ಬೀಜಗಳ ಖಾದ್ಯವು ದೇಹದ ಆರೋಗ್ಯಕ್ಕೆ ಮತ್ತು ಬೆಳವಣಿಗೆಗೆ ಉತ್ತಮ. ಇಲ್ಲಿ ನಾವು ಪೋಷಕಾಂಶ ಭರಿತ ಮಖಾನಾ ರೆಸಿಪಿ ಬಗ್ಗೆ ತಿಳಿಯೋಣ.

ಮಖಾನಾ ಪೌಷ್ಟಿಕಾಂಶದಿಂದ ಸಮೃದ್ಧವಾಗಿದೆ. ಲೋಟಸ್ ಸೀಡ್ಸ್ ಎಂದೂ ಕರೆಯಲ್ಪಡುವ ಮಖಾನ ಆಯುರ್ವೇದ ಔಷಧವಾಗಿ ಬಳಕೆಯಾಗುತ್ತದೆ. ಇದರಲ್ಲಿ ಪ್ರೋಟೀನ್, ಕಾರ್ಬೋಹೈಡ್ರೇಟ್, ಕ್ಯಾಲ್ಸಿಯಂ, ರಂಜಕ ಮತ್ತು ಉತ್ಕರ್ಷಣ ನಿರೋಧಕಗಳು ಸಮೃದ್ಧವಾಗಿವೆ. ಇದು ಹೃದಯ ಸಂಬಂಧಿ ಕಾಯಿಲೆ, ರಕ್ತದೊತ್ತಡ ಮತ್ತು ಮಧುಮೇಹ ನಿಯಂತ್ರಿಸುತ್ತದೆ.

ಮಖಾನಾ ಒಂದು ಆರೋಗ್ಯಕರ ಸೂಪರ್‌ಫುಡ್‌ ಆಗಿದೆ. ಇದರ ವಿಶೇಷ ಪಾಕವಿಧಾನಗಳ ಬಗ್ಗೆ ತಿಳಿಯೋಣ. ಮಖಾನಾ ಚಾಟ್ ರೆಸಿಪಿ. ಬೇಕಾಗುವ ಪದಾರ್ಥಗಳು ಹೀಗಿವೆ. ಮಖಾನಾ 1 ಬೌಲ್, ಕಡಲೆಕಾಯಿ 2 ಚಮಚ, ಕತ್ತರಿಸಿದ ಗೋಡಂಬಿ 1 ಚಮಚ, ಒಣದ್ರಾಕ್ಷಿ 1 ಟೀಸ್ಪೂನ್, ಬಾದಾಮಿ 1 ಚಮಚ , ಹಸಿರು ಮೆಣಸಿನಕಾಯಿ 2, ಆಲಿವ್ ಎಣ್ಣೆ 1 ಟೀಸ್ಪೂನ್,

ಸಣ್ಣದಾಗಿ ಕೊಚ್ಚಿದ 2 ಈರುಳ್ಳಿ ಟೀಸ್ಪೂನ್, ಸಣ್ಣದಾಗಿ ಕೊಚ್ಚಿದ 2 ಟೊಮ್ಯಾಟೊ, ಕರಿಮೆಣಸು ಒಂದು ಟೀಚಮಚ, ರುಚಿಗೆ ಉಪ್ಪು ಬೇಕು. ಮಾಡುವ ವಿಧಾನ ಹೀಗಿದೆ. ಮೊದಲು ಬಾಣಲೆಗೆ ಚಮಚ ಎಣ್ಣೆ ಹಾಕಿ. ನಂತರ 1 ಬೌಲ್ ಮಖಾನ ಹಾಕಿ. ಗರಿ ಗರಿಯಾಗುವಂತೆ ಫ್ರೈ ಮಾಡಿ. ಬಾದಾಮಿ, ಒಣದ್ರಾಕ್ಷಿ, ಗೋಡಂಬಿ ಮತ್ತು ಕಡಲೆಕಾಯಿ ಫ್ರೈ ಮಾಡಿ.

ನಂತರ ಬೆಣ್ಣೆ ಜೊತೆ ಒಣ ಹಣ್ಣುಗಳನ್ನು ಮಿಕ್ಸ್ ಮಾಡಿ. ಇದಕ್ಕೆ ಹಸಿರು ಮೆಣಸಿನಕಾಯಿ, ಈರುಳ್ಳಿ, ಟೊಮ್ಯಾಟೊ, ಚಿಟಿಕೆ ಕರಿಮೆಣಸು ಮತ್ತು ಚಿಟಿಕೆ ಉಪ್ಪು ಸೇರಿಸಿ ಮಿಕ್ಸ್ ಮಾಡಿ ಸವಿಯಿರಿ. ಪಾಲಕ್ ಮಖಾನಾ ರೆಸಿಪಿ. ಬೇಕಾಗುವ ಪದಾರ್ಥಗಳು ಹೀಗಿವೆ. ಪಾಲಕ 250 ಗ್ರಾಂ, ಟೊಮೆಟೊ ಪ್ಯೂರಿ ಎರಡು ಟೀಸ್ಪೂನ್, ಕತ್ತರಿಸಿದ ಈರುಳ್ಳಿ 3 ಕಪ್, ಮಖಾನಾ 1 ಕಪ್, ಶುಂಠಿ ಪೇಸ್ಟ್ 1 ಟೀಸ್ಪೂನ್,

ಬೆಳ್ಳುಳ್ಳಿ ಪೇಸ್ಟ್ 1 ಟೀಸ್ಪೂನ್, ಹಾಲು 1/2 ಕಪ್, ಅರಿಶಿನ ಪುಡಿ, ಕೆಂಪು ಮೆಣಸಿನಕಾಯಿ ಒಂದು ಟೀಚಮಚ, ಗರಂ ಮಸಾಲಾ, ಉಪ್ಪು ಬೇಕು., ತಯಾರಿಸುವ ವಿಧಾನ. ಪಾಲಕ್ ಜೊತೆಗೆ ಒಂದು ಕಪ್ ನೀರನ್ನು ಹಾಕಿ, ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಸೇರಿಸಿ, ಬೇಯಿಸಿ. ನಂತರ ಬಾಣಲೆಗೆ ಚಮಚ ಎಣ್ಣೆ ಸೇರಿಸಿ. ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಹಾಕಿ ಫ್ರೈ ಮಾಡಿ. ಈರುಳ್ಳಿ ಹಾಕಿ ಫ್ರೈ ಮಾಡಿ.

ಅದಕ್ಕೆ ಟೊಮೆಟೊ ಪ್ಯೂರಿ ಸೇರಿಸಿ. ಕರಿಮೆಣಸು, ಕೆಂಪು ಮೆಣಸಿನಕಾಯಿ, ಉಪ್ಪನ್ನು ಹಾಕಿ ಫ್ರೈ ಮಾಡಿ. ನಂತರ ಬೇಯಿಸಿದ ಪಾಲಕ್ ಸೊಪ್ಪನ್ನು ಹಾಕಿ. ಮಸಾಲೆ ಹಾಕಿ. ಕುದಿಸಿದ ನಂತರ, ಲೋಟ ಹಾಲು ಹಾಕಿ. ಮಖಾನ ಹುರಿದುಕೊಳ್ಳಿ. ಕೊನೆಗೆ ಪಾಲಕ್ ಮಸಾಲೆಗೆ ಹುರಿದ ಮಖಾನಾ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ, ಸರ್ವ್ ಮಾಡಿ.