Morning Breakfast: ಬೆಳಗ್ಗಿನ ತಿಂಡಿಗೆ ಗುಜರಾತಿ ಶೈಲಿಯ ಘುಘ್ರಾ ಸ್ಯಾಂಡ್ವಿಚ್ ಹೀಗೆ ಮಾಡಿ ಸವಿಯಿರಿ!

ಗುಜರಾತಿ ಶೈಲಿಯ ಘುಘ್ರಾ ಸ್ಯಾಂಡ್ವಿಚ್ ತುಂಬಾ ಜನರ ಇಷ್ಟದ ತಿಂಡಿ ಆಗಿದೆ. ಘುಘ್ರಾ ಸ್ಯಾಂಡ್ವಿಚ್ ಗುಜರಾತ್‌ ನಲ್ಲಿ ಸಿಗುವ ಪ್ರಸಿದ್ಧ ಬೀದಿ ಬದಿಯ ಆಹಾರವಾಗಿದೆ. ಈ ಸ್ಯಾಂಡ್ವಿಚ್ ಈಗ ಭಾರತದ ತುಂಬಾ ಜನಪ್ರಿಯವಾಗುತ್ತಿದೆ. ಇಂದಿನ ದಿನಗಳಲ್ಲಿ ಘುಘ್ರಾ ಸ್ಯಾಂಡ್ವಿಚ್ ಬಹುತೇಕರ ನೆಚ್ಚಿನ ತಿಂಡಿ ಆಯ್ಕೆಯಾಗಿದೆ.

ಘುಘ್ರಾ ಸ್ಯಾಂಡ್ವಿಚ್ ನ್ನು ಸ್ಟಫಿಂಗ್ ಜೊತೆ ತಯಾರಿಸುವ ತ್ವರಿತ ಪಾಕವಿಧಾನವಾಗಿದೆ. ಘುಘ್ರಾ ಸ್ಯಾಂಡ್ವಿಚ್ ಅಂದ್ರೆ ಸಾಕು ಎಲ್ಲರೂ ಬೇಕು ಅನ್ನುವವರೇ. ವೃದ್ಧರು, ಮಕ್ಕಳು, ವಯಸ್ಕರರು ಹೀಗೆ ಎಲ್ಲಾ ವಯೋಮಾನದವರು ಘುಘ್ರಾ ಸ್ಯಾಂಡ್ವಿಚ್ ನ್ನು ಇಷ್ಟ ಪಟ್ಟು ತಿನ್ನುತ್ತಾರೆ.

ಘುಘ್ರಾ ಸ್ಯಾಂಡ್ವಿಚ್ ನ್ನು ಹಲವು ವಿಧಗಳಲ್ಲಿ ತಯಾರಿಸಬಹುದು. ಇನ್ನು ಇಂದಿನ ದಿನಗಳಲ್ಲಿ ಹಲವು ರೀತಿಯ ಸ್ಯಾಂಡ್ವಿಚ್ ಗಳಿವೆ. ಅವುಗಳಲ್ಲಿ ಗುಜರಾತಿ ಘುಘ್ರಾ ಸ್ಯಾಂಡ್ವಿಚ್ ಕೂಡ ಒಂದು. ಇದರಲ್ಲಿ ಸಾಂಪ್ರದಾಯಿಕ ತರಕಾರಿ ಸ್ಯಾಂಡ್ವಿಚ್‌ನಂತೆ ತರಕಾರಿ ಈರುಳ್ಳಿ, ಕ್ಯಾಪ್ಸಿಕಂ ಮತ್ತು ಇತರ ಮಸಾಲೆ ಬೆರೆಸಿ ಮಿಶ್ರಣ ತಯಾರಿಸಿ ಮಾಡಲಾಗುತ್ತದೆ.

ನೀವು ಬೆಳಗಿನ ತಿಂಡಿಗೆ ಮನೆಯಲ್ಲಿ ಘುಘ್ರಾ ಸ್ಯಾಂಡ್ವಿಚ್ ಮಾಡಲು ಪ್ರಯತ್ನಿಸಬಹುದು. ಇದರ ರುಚಿ ನಿಮಗೆ ತುಂಬಾ ಇಷ್ಟವಾಗುತ್ತದೆ. ಘುಘ್ರಾ ಸ್ಯಾಂಡ್ವಿಚ್ ತಯಾರಿಸುವುದು ತುಂಬಾ ಸುಲಭ, ಇದು ಬೆಳಗಿನ ಉಪಾಹಾರಕ್ಕೆ ಪರಿಪೂರ್ಣ ತಿಂಡಿ ಆಗಿದೆ.

ಘುಘ್ರಾ ಸ್ಯಾಂಡ್ವಿಚ್ ತಯಾರಿಸಲು ಬೇಕಾಗುವ ಸಾಮಗ್ರಿಗಳು ಹೀಗಿವೆ. ಬ್ರೆಡ್ ಚೂರುಗಳು, ಕತ್ತರಿಸಿದ ಕ್ಯಾಪ್ಸಿಕಂ, ಸಣ್ಣಗೆ ಹೆಚ್ಚಿದ ಈರುಳ್ಳಿ, ಹಸಿರು ಮೆಣಸಿನಕಾಯಿ, ಚೀಸ್, ಶುಂಠಿ, ಕರಿಮೆಣಸು ಪುಡಿ, ಜೀರಿಗೆ ಪುಡಿ, ಚಿಲಿ ಫ್ಲೇಕ್ಸ್, ಚಾಟ್ ಮಸಾಲಾ, ಬೆಣ್ಣೆ, ಹಸಿರು ಚಟ್ನಿ, ಹಸಿರು ಕೊತ್ತಂಬರಿ ಸೊಪ್ಪು, ಉಪ್ಪು ಬೇಕು.

ಘುಗ್ರಾ ಸ್ಯಾಂಡ್ವಿಚ್ ತಯಾರಿಸಲು ಮೊದಲು ಕ್ಯಾಪ್ಸಿಕಂ, ಈರುಳ್ಳಿ, ಶುಂಠಿ ಮತ್ತು ಹಸಿರು ಮೆಣಸಿನಕಾಯಿ ನುಣ್ಣಗೆ ಕತ್ತರಿಸಿ. ದೊಡ್ಡ ಪಾತ್ರೆಯಲ್ಲಿ ಹಾಕಿ ಮಿಕ್ಸ್ ಮಾಡಿ. ಜೀರಿಗೆ ಪುಡಿ, ಚಾಟ್ ಮಸಾಲಾ, ಚಿಲ್ಲಿ ಫ್ಲೇಕ್ಸ್ ಮತ್ತು ಕರಿಮೆಣಸಿನ ಪುಡಿ, ಹಸಿರು ಕೊತ್ತಂಬರಿ ಸೊಪ್ಪು, ಉಪ್ಪು ಹಾಕಿ. ಸ್ಟಫಿಂಗ್ ರೆಡಿ ಮಾಡಿ.

2 ಬ್ರೆಡ್ ಸ್ಲೈಸ್‌ಗಳನ್ನು ತೆಗೆದುಕೊಂಡು ಬದಿ ಕತ್ತರಿಸಿ, ಬೆಣ್ಣೆ ಹಚ್ಚಿ. ಹಸಿರು ಚಟ್ನಿ ಹರಡಿ, ಸ್ಟಫಿಂಗ್ ಮಾಡಿ. ಒಂದರ ಮೇಲೊಂದು ಪದರ ಮಾಡಿ, ಬ್ರೆಡ್ ಸ್ಲೈಸ್ ಹಾಕಿ ಮುಚ್ಚಿ. ಮತ್ತೆ ಮೇಲೆ ಬೆಣ್ಣೆ ಮತ್ತು ಹಸಿರು ಚಟ್ನಿ ಹಚ್ಚಿರಿ. ಸ್ಯಾಂಡ್ವಿಚ್ ಮೇಕರ್ ನಲ್ಲಿ ಗ್ರಿಲ್ ಮಾಡಿ. ಗೋಲ್ಡನ್ ಬ್ರೌನ್ ಆದ ನಂತರ ತೆಗೆದು ಕಟ್ ಮಾಡಿ, ಸರ್ವ ಮಾಡಿ.