Mood Off: ನಿಮ್ಮ ಮೂಡ್ ಯಾವಾಗ್ಲೂ ಆಫ್ ಆಗುತ್ತಾ? ಸಿಟ್ಟನ್ನು ಕಡಿಮೆ ಮಾಡಿಕೊಳ್ಳಲು ಇಲ್ಲಿದೆ ಸುಲಭ ಟಿಪ್ಸ್

ಯಾವುದೇ ದೈಹಿಕ ಅಥವಾ ಮಾನಸಿಕ ಕಾರಣದಿಂದ ನಮ್ಮ ಮೂಡ್ ಆಫ್ ಆಗಿರಬಹುದು. ನಗುತ್ತಾ ಇದ್ದವರ ಮೂಡ್ ಒಮ್ಮೊಮ್ಮೆ ಇದ್ದಕ್ಕಿದ್ದಂತೆ ಆಫ್ ಆಗಬಹುದು. ಮೂಡ್ ಆಫ್ನಿಂದ ಕೆಲವೊಮ್ಮೆ ನಮ್ಮ ಮನಸ್ಥಿತಿಗೆ ತೊಂದರೆಯಾಗಬಹುದು. ಆದರೆ ಅದೇ ಸ್ವಭಾವವಾಗಿ ಬಿಟ್ಟರೆ, ಮುಂದೊಂದು ದಿನ ಸಮಸ್ಯೆ ಆಗಿ ಪರಿಣಮಿಸಬಹುದು. ಇದಕ್ಕೆ ನೀವು ಮನೋವೈದ್ಯರ ಸಹಾಯವನ್ನು ತೆಗೆದುಕೊಳ್ಳಬಹುದು. ಹಾಗೆಯೇ ಕೆಲವು ಸಲಹೆಗಳನ್ನು ಅನುಸರಿಸಿ. ಮೂಡ್ ಆಫ್ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು.

ಕಷ್ಟವಾದರೂ ನಿಗದಿತ ಸಮಯಕ್ಕಿಂತ ಮೊದಲೇ ಏಳಲು ಪ್ರಯತ್ನಿಸಿ. ಕನಿಷ್ಠ 15 ನಿಮಿಷಗಳ ಕಾಲ ಧ್ಯಾನ ಮಾಡಿ. ಇದಕ್ಕಾಗಿಯೇ ಸಮಯವನ್ನು ಮೀಸಲಿಡಿ.

ದಿನವಿಡೀ ಒಬ್ಬ ವ್ಯಕ್ತಿಯ ಮುಖದಲ್ಲಿ ನಗುವನ್ನು ಇಟ್ಟುಕೊಂಡೇ ಮಾತನಾಡಲು ಸಾಧ್ಯವಿಲ್ಲ. ಹಾಗಾಗಿ ಆಗಾಗ ತಮಾಷೆಯಾಗಿ ಸಂದೇಶಗಳನ್ನು ಕಳುಹಿಸಬಹುದು. ನೀವು ವೈಯಕ್ತಿಕವಾಗಿ ಅಲ್ಲದಿದ್ದರೂ, WhatsApp ನಲ್ಲಿ ಫ್ರೆಂಡ್ಸ್ ಗ್ರೂಪ್ನಲ್ಲಿ ಸ್ಮೈಲ್ ಅನ್ನು ಕಳುಹಿಸಬಹುದು. ಅದನ್ನು ನೋಡಿ ನಿಮಗೂ ಇಷ್ಟವಾಗುತ್ತದೆ.

ನಿಮ್ಮ ತಪ್ಪುಗಳ ಬಗ್ಗೆ ಯಾವಾಗಲೂ ಯೋಚಿಸಬೇಡಿ. ಈ ಜಗತ್ತಿನಲ್ಲಿ ಯಾರೂ ಪರಿಪೂರ್ಣರಲ್ಲ. ಆದ್ದರಿಂದ ಕೆಲವೊಮ್ಮೆ ನಿಮ್ಮನ್ನು ನೀವೇ ಸಮಾಧಾನ ಪಡಿಸಿಕೊಳ್ಳಿ. ಪಾಸಿಟಿವ್ ಆಲೋಚನೆಗಳನ್ನು ಮಾಡಿ. ನಿಮಗೆ ನೆಗೆಟಿವ್ ಆಲೋಚನೆ ಬರಲು ಬಿಡಬೇಡಿ.

ಕೃತಜ್ಞರಾಗಿರಿ ಮತ್ತು ಕೃತಜ್ಞತೆಯನ್ನು ವ್ಯಕ್ತಪಡಿಸಿ. ಕೃತಜ್ಞತೆಯ ಪದವು ತುಂಬಾ ದೊಡ್ಡದಾಗಿ ಕಾಣಿಸುತ್ತಿದ್ದರೆ, ಧನ್ಯವಾದ ಹೇಳಿ. ದಿನಚರಿಯನ್ನು ನಿರ್ವಹಿಸಿ. ನೀವು ಯಾರಿಗೆ ಧನ್ಯವಾದ ತಿಳಿಸಲು ಇಷ್ಟಪಡುತ್ತೀರಾ ಮತ್ತು ಏಕೆ ಎಂಬುವುದನ್ನು ಬರೆಯಿರಿ.

ನಿಮ್ಮ ಮನೆ ಅಥವಾ ಕಛೇರಿಯ ಹೊರಗೆ ಸ್ವಲ್ಪ ವಾಕಿಂಗ್ ಮಾಡಿ. ನೀವು ಏಕಾಂಗಿಯಾಗಿ ವಾಕ್ ಮಾಡಬಹುದು. ಇದರಿಂದ ಆತಂಕವನ್ನು ದೂರ ಮಾಡಬಹುದು ಮತ್ತು ನಿಮ್ಮ ಮನಸ್ಥಿತಿಯು ಹಗುರವಾಗಿರುವುದನ್ನು ಫೀಲ್ ಮಾಡುತ್ತೀರಾ. ನೆಚ್ಚಿನ ಹಾಡುಗಳನ್ನು ಕೇಳಿ, ಇದರಿಂದ ಲವಲವಿಕೆ ಭಾವನೆ ಬರಲಿದೆ.

ನಿಮ್ಮ ಮನೆ ಅಥವಾ ಕಚೇರಿಯ ಡೆಸ್ಕ್ ಅನ್ನು 5 ನಿಮಿಷಗಳ ಕಾಲ ಅಚ್ಚುಕಟ್ಟಾಗಿ ಸ್ವಚ್ಛಗೊಳಿಸಿ. ಕನಿಷ್ಠ ಹಳೆಯ ವಸ್ತುಗಳನ್ನು ತ್ಯಜಿಸಿ. ಇದರಿಂದ ಮನಸ್ಸಿನ ಭಾರ ಕಡಿಮೆಯಾಗುವುದನ್ನು ನೀವು ಕಾಣಬಹುದು.

ನೀವು ಇಡೀ ದಿನ ಎಚ್ಚರವಾಗಿರಲು ಬಯಸಿದರೆ, ರಾತ್ರಿಯಲ್ಲಿ ಚೆನ್ನಾಗಿ ನಿದ್ರೆ ಮಾಡಿ. ಆದರೆ ದಿನವಿಡೀ ಎಚ್ಚರವಾಗಿರಲು ನಾವು ರಾತ್ರಿ 8 ಗಂಟೆಗೆ ನಿದ್ರೆ ಮಾಡಬೇಕು.

Disclaimer: ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ಹೆಚ್ಚಿನ ವಿವರಗಳಿಗಾಗಿ ಯಾವುದಾದರೂ ತಜ್ಞರ ಸಲಹೆಯನ್ನು ಪಡೆಯಿರಿ.