Memory Boost Foods: ನಿಮ್ಮ ಮೆಮೋರಿ ಪವರ್ ಜಾಸ್ತಿ ಆಗ್ಬೇಕು ಅಂದ್ರೆ ಈ ಆಹಾರಗಳನ್ನು ಸೇವಿಸಿ

ಬದಲಾಗುತ್ತಿರುವ ಹವಾಮಾನ ಪರಿಸ್ಥಿತಿಗಳು ಜೊತೆಗೆ ಆರೋಗ್ಯ ಸಮಸ್ಯೆಗಳು ಹಾಗೂ ಅಸಮರ್ಪಕ ನಿದ್ದೆಯಿಂದಾಗಿ ನಿಮ್ಮ ಆಹಾರ ಪದ್ಧತಿ ಮತ್ತು ವರ್ಕೌಟ್​ ವಿಷಯಗಳ ಮೇಲೆ ಹೆಚ್ಚಿನ ಗಮನ ಹರಿಸಬೇಕಾಗುತ್ತದೆ. ದೈಹಿಕ ಆರೋಗ್ಯದ ಜೊತೆಗೆ ಮಾನಸಿಕ ಆರೋಗ್ಯಕ್ಕೂ ಹೆಚ್ಚಿನ ಗಮನ ಕೊಡುವುದು ಮುಖ್ಯ. ಪ್ರಮುಖವಾಗಿ ನಿಮ್ಮ ಮೆದುಳಿನ ಬೆಳವಣಿಗೆಯನ್ನು ಹೆಚ್ಚಿಸಿಕೊಳ್ಳಬೇಕು. ಇಲ್ಲವಾದಲ್ಲಿ ಇದು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಆಹ್ವಾನ ನೀಡುತ್ತದೆ.

ನಿಮ್ಮ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸಲು ಹಾಗೂ ಮಾನಸಿಕ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಕೆಲವು ಆರೋಗ್ಯಕರ ಆಹಾರಗಳನ್ನು ಸೇವಿಸುವುದು ಉತ್ತಮ. ಹಾಗಿದ್ರೆ ಯಾವ್ಯಾವ ಆಹಾರಗಗಳು ನಿಮ್ಮ ಮೆಮೋರಿ ಪವರ್​ನ್ನು ಬೂಸ್ಟ್​ ಮಾಡುತ್ತವೆ? ಇಲ್ಲಿದೆ ಮಾಹಿತಿ.

ಬ್ಯೂಬೆರ್ರೀಸ್ : ಬ್ಲೂಬೆರ್ರೀಸ್ ಹಣ್ಣುಗಳು ಅತ್ಯಧಿಕ ಫೈಬರ್ ಅಂಶವನ್ನು ಹೊಂದಿವೆ. ಇವು ಇಮ್ಯುನಿಟಿ ಬೂಸ್ಟ್​ ಮಾಡುವುದರಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಬೆರಿ ಹಣ್ಣುಗಳನ್ನು ತಿನ್ನುವುದರಿಂದ ನಿಮ್ಮ ಜ್ಞಾಪಕ ಶಕ್ತಿ ಹೆಚ್ಚಾಗುತ್ತದೆ. ಇವು ಗ್ಲುಟನ್ ಮುಕ್ತವಾಗಿರುತ್ತವೆ ಹಾಗೂ ಮೆದುಳಿನಲ್ಲಿ ಸಿಗ್ನಲಿಂಗ್​ನ್ನು ಹೆಚ್ಚಿಸುತ್ತವೆ.

ಕುಂಬಳಕಾಯಿ ಬೀಜಗಳು: ಕುಂಬಳಕಾಯಿ ಬೀಜಗಳು: ನಿಮ್ಮ ಮೆಮೋರಿ ಪವರ್ ಹೆಚ್ಚಿಸುವ ಸೂಪರ್​ಫುಡ್ ಆಗಿದೆ. ಇದರಲ್ಲಿ ಅತ್ಯಧಿಕ ಪ್ರೋಟೀನ್​ಗಳು ಹಾಗೂ ಫೈಬರ್​ಗಳು ಸಮೃದ್ಧವಾಗಿವೆ. ಈ ಕುಂಬಳಕಾಯಿ ಬೀಜಗಳು ಮಾನವನ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ ಜೊತೆಗೆ ಒತ್ತಡವನ್ನು ನಿವಾರಿಸುತ್ತವೆ.

ಡಾರ್ಕ್​ ಚಾಕೊಲೇಟ್: ಡಾರ್ಕ್​ ಚಾಕೊಲೇಟ್ : ಜ್ಞಾಪಕ ಶಕ್ತಿ ಹೆಚ್ಚಿಸುವ ಒಂದು ಅದ್ಬುತ ಆಹಾರವಾಗಿದೆ. ಇದು ಒತ್ತಡವನ್ನು ಕಡಿಮೆ ಮಾಡುವುದರ ಜೊತೆಗೆ ಖಿನ್ನತೆಯನ್ನು ಹೊರಹಾಕುತ್ತದೆ.

ಕಾಫಿ ಕಾಫಿಯು ದೀರ್ಘಾವಧಿಯ ಸ್ಮರಣೆಯನ್ನು ಹೆಚ್ಚಿಸುವಂತಹ ಪಾನೀಯವಾಗಿದೆ. ಇದು ಮೆದುಳಿನ ಕಾರ್ಯ ನಿರ್ವಹಣೆಯ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ. ಕೆಫೇನ್​ ಒಂದಲ್ಲ, ಎರಡಲ್ಲ, ಅಸಂಖ್ಯಾತ ಆರೋಗ್ಯಕರ ಪ್ರಯೋಜನಗಳನ್ನು ಹೊಂದಿದೆ.

ವಾಲ್​ನಟ್ಸ್​: ವಾಲ್​​ನಟ್​ಗಳನ್ನು ತಿನ್ನುವುದರಿಂದ ನಿಮ್ಮ ಏಕಾಗ್ರತೆಯ ಮಟ್ಟ ಸುಧಾರಿಸುತ್ತದೆ. ಇದೊಂದು ಬಗೆಯ ಡ್ರೈ ಫ್ರೂಟ್ ಆಗಿದ್ದು, ಪ್ರತಿದಿನ ಸೇವಿಸುವುದರಿಂದ ಆರೋಗ್ಯಕರ ಲಾಭಗಳನ್ನು ಪಡೆಯಬಹುದು. ನಿಮ್ಮ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುವಲ್ಲಿ ವಾನ್​ನಟ್​ಗಳು ತುಂಬಾ ಸಹಕಾರಿಯಾಗಿವೆ.