Health Tips: ಬೇಸಿಗೆಯಲ್ಲಿ ಕರ್ಬೂಜ ಹಣ್ಣು ತಿನ್ನುವುದರಿಂದ ಎಷ್ಟೆಲ್ಲಾ ಪ್ರಯೋಜನಗಳಿದೆ ತಿಳಿದಿದ್ಯಾ?

ಬೇಸಿಗೆ ಬರುತ್ತಿದೆ. ರಾತ್ರಿ ಹೊತ್ತು ಚಳಿ ಆದರೂ ಹಗಲು ಹೊತ್ತಿನಲ್ಲಿ ಸುಡು ಬಿಸಿಲು ಶುರುವಾಗಿದೆ. ಈ ಸಮಯದಲ್ಲಿ ಕರ್ಬೂಜ ಹಣ್ಣು ಕಂಪ್ಲೀಟ್ ಹಣ್ಣಾಗಿದೆ. ಇದರಲ್ಲಿ ಶೇ.95 ರಷ್ಟು ನೀರಿನಂಶವಿದ್ದು, ವಿವಿಧ ವಿಟಮಿನ್ ಮತ್ತು ನಾರಿನಂಶ ಹೇರಳವಾಗಿರುವುದರಿಂದ ದೇಹದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದು ವಿಟಮಿನ್ ಎ, ಬಿ ಮತ್ತು ಸಿ ಯಂತಹ ನೈಸರ್ಗಿಕ ಪೋಷಕಾಂಶಗಳನ್ನು ಸಹ ಒಳಗೊಂಡಿದೆ. ಇದು ನಿಮ್ಮ ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ. ಬೇಸಿಗೆಯಲ್ಲಿ ದೇಹವನ್ನು ತಂಪಾಗಿಸಲು ಇದು ಅತ್ಯುತ್ತಮ ಹಣ್ಣಾಗಿದೆ. ಜೊತೆಗೆ ಕರ್ಬೂಜ ಹಣ್ಣು ಎದೆಯುರಿ ಕಡಿಮೆ ಮಾಡಲು ಮತ್ತು ಮೂತ್ರಪಿಂಡಗಳನ್ನು ಶುದ್ಧೀಕರಿಸಲು ಸಹಾಯ ಮಾಡುತ್ತಾರೆ.

ಕರ್ಬೂಜ ಹಣ್ಣಿನಲ್ಲಿ ಸಕ್ಕರೆ ಅಂಶ ಮತ್ತು ಕ್ಯಾಲೋರಿಗಳು ಕಡಿಮೆ. ಆದ್ದರಿಂದ, ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಮುಲಾಮ್ ಹಣ್ಣು ಬೆಸ್ಟ್ ಹಣ್ಣು ಎಂದೇ ಹೇಳಬಹುದು. ಚರ್ಮದ ಉರಿಯೂತವನ್ನು ಶಮನಗೊಳಿಸಲು ಈ ಹಣ್ಣಿನ ಸಾರಗಳು ವಿಶೇಷವಾಗಿ ಉಪಯುಕ್ತವಾಗಿವೆ. ಇದರಲ್ಲಿ ವಿಟಮಿನ್ ಇ ಹೇರಳವಾಗಿದ್ದು ನಿಮ್ಮ ಚರ್ಮವನ್ನು ಪುನರ್ ಯೌವನಗೊಳಿಸುತ್ತದೆ.

ಕರ್ಬೂಜ ಇನೋಸಿಟಾಲ್ ಅನ್ನು ಹೊಂದಿರುತ್ತದೆ, ಆದ್ದರಿಂದ ನೀವು ಕರ್ಬೂಜದ ತಿರುಳನ್ನು ನಿಮ್ಮ ಕೂದಲಿಗೆ ಹಚ್ಚಿ ನಂತರ ಅದನ್ನು ತೊಳೆಯುವ ಮೂಲಕ ಕೂದಲು ಉದುರುವಿಕೆಯನ್ನು ತಡೆಗಟ್ಟಬಹುದು. ಕರ್ಬೂಜ ಹಣ್ಣಿನ ಜ್ಯೂಸ್ ಅನ್ನು ಕುಡಿಯುವ ಮೂಲಕ ನೀವು ವಯಸ್ಸಾದ ಸುಕ್ಕುಗಟ್ಟಿದ ಚರ್ಮವನ್ನು ಹೋಗಲಾಡಿಸಬಹುದು ಮತ್ತು ನೀವು ಕಪ್ಪು ತುಟಿಗಳನ್ನು ಹೊಂದಿದ್ದರೆ, ವ್ಯತ್ಯಾಸವನ್ನು ನೋಡಲು ಬಯಸಿದರೆ ಕರ್ಬೂಜ ಹಣ್ಣಿನಿಂದ ಮಸಾಜ್ ಮಾಡಿ.

ದೇಹವನ್ನು ತಂಪಾಗಿಸುತ್ತದೆ: ಬೇಸಿಗೆಯಲ್ಲಿ ಬಿಸಿಲಿನ ಕಾರಣ, ಶಾಖದಿಂದ ದೇಹದಲ್ಲಿರುವ ನೀರು ಹೊರಹೋಗುತ್ತದೆ ಮತ್ತು ದೇಹವು ಸುಲಭವಾಗಿ ಬಿಸಿಯಾಗುತ್ತದೆ. ಇದರಿಂದ ನಾವು ಬೇಗನೆ ಸುಸ್ತಾಗುತ್ತೇವೆ ಮತ್ತು ದೇಹದಲ್ಲಿ ಅಗತ್ಯವಾದ ಲವಣಗಳನ್ನು ಕಳೆದುಕೊಳ್ಳುತ್ತೇವೆ. ಇದನ್ನು ಹೋಗಲಾಡಿಸಲು, ನೀವು ಕರ್ಬೂಜ ಹಣ್ಣುಗಳನ್ನು ತುಂಡಾಗಿ ಕತ್ತರಿಸಿ, ಇನ್ನೊಂದು ಪಾತ್ರೆಯಲ್ಲಿ ನೀರು ಸೇರಿಸಿ ಅದರಲ್ಲಿ ಸಕ್ಕರೆ ಕರಗಿಸಿ, ನಂತರ ಕರ್ಬೂಜ ಹಣ್ಣಿನ ತುಂಡುಗಳನ್ನು ಮಿಶ್ರಣದಲ್ಲಿ ನೆನೆಸಿ ಕುಡಿಯುವುದರಿಂದ ದೇಹದ ಉಷ್ಣತೆ ಕಡಿಮೆಯಾಗುತ್ತದೆ.

ತ್ವಚೆಯ ಸೌಂದರ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತೆ: ಕರ್ಬೂಜ ಹಣ್ಣಿನಲ್ಲಿರುವ ಕೊಲಾಜೆನ್ ಎಂಬ ಪ್ರೋಟೀನ್ ಸಂಯುಕ್ತವು ಚರ್ಮದ ಕೋಶಗಳನ್ನು ರಕ್ಷಿಸುತ್ತದೆ. ಅಲ್ಲದೇ ಕಾಲಜನ್ ದೇಹವು ಗಾಯಗಳನ್ನು ವೇಗವಾಗಿ ಗುಣಪಡಿಸಲು ಮತ್ತು ಚರ್ಮದ ದೃಢತೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಇದರಿಂದ ಕರ್ಬೂಜ ಹಣ್ಣನ್ನು ತಿಂದವರ ಚರ್ಮ ಒಣಗುವುದಿಲ್ಲ.

ಕಣ್ಣಿನ ಆರೋಗ್ಯ: ಕಣ್ಣುಗಳಿಗೆ ವಿಟಮಿನ್ ಎ ಅತ್ಯಗತ್ಯ. ಕರ್ಬೂಜ ಹಣ್ಣಿನಲ್ಲಿ ಬೀಟಾ-ಕ್ಯಾರೋಟಿನ್ ರೂಪದಲ್ಲಿ ಈ ವಿಟಮಿನ್ ಇದೆ. ಪ್ರತಿದಿನ ಮೂರು ಕಪ್ ಅಥವಾ ಅದಕ್ಕಿಂತ ಹೆಚ್ಚು ಬೀಟಾ-ಕೆರಾಟಿನ್ ಭರಿತ ಹಣ್ಣುಗಳನ್ನು ತಿನ್ನುವ ಜನರು ದಿನಕ್ಕೆ 1.5 ಕಪ್ ಅಥವಾ ಅದಕ್ಕಿಂತ ಕಡಿಮೆ ತಿನ್ನುವವರಿಗಿಂತ ಮ್ಯಾಕ್ಯುಲರ್ ಡಿಜೆನರೇಶನ್ ಎಂಬ ಆರೋಗ್ಯ ಸ್ಥಿತಿಯನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆ 36% ಕಡಿಮೆ ಎಂದು ತಿಳಿಸಲಾಗುತ್ತದೆ. ಈ ಮ್ಯಾಕ್ಯುಲರ್ ಡಿಜೆನರೇಶನ್ ಸ್ಥಿತಿಯು ನಂತರದ ಜೀವನದಲ್ಲಿ ಕುರುಡುತನಕ್ಕೆ ಕಾರಣವಾಗಬಹುದು.

ಮೂತ್ರಪಿಂಡದ ಹಾನಿಯನ್ನು ಗುಣಪಡಿಸುತ್ತದೆ: ಇತರ ಋತುಗಳಿಗಿಂತ ಬೇಸಿಗೆಯಲ್ಲಿ ಬಾಯಾರಿಕೆ ಹೆಚ್ಚು ಸಾಮಾನ್ಯವಾಗಿದೆ. ಈ ಸಮಯದಲ್ಲಿ ಸಕ್ಕರೆಯೊಂದಿಗೆ ಹೆಚ್ಚು ನೀರು ಸಮೃದ್ಧವಾಗಿರುವ ಹಣ್ಣುಗಳನ್ನು ತಿನ್ನುವುದು ಮೂತ್ರಪಿಂಡಗಳು ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ ಮತ್ತು ಮೂತ್ರನಾಳದ ಅಡಚಣೆ ಮತ್ತು ನೀರು ಕುಗ್ಗುವಿಕೆ ಮುಂತಾದ ರೋಗಗಳನ್ನು ತಡೆಯುತ್ತದೆ.

ರಕ್ತದ ಹರಿವನ್ನು ನಿಯಂತ್ರಿಸುತ್ತದೆ: ದೇಹದ ರಕ್ತದ ಹರಿವನ್ನು ಕ್ರಮಬದ್ಧವಾಗಿರಿಸುವುದು ಮುಖ್ಯ. ಬೇಸಿಗೆಯಲ್ಲಿ ಬೆವರಿನಂತೆ ದೇಹದಲ್ಲಿನ ನೀರು ಕಳೆದು ರಕ್ತದಲ್ಲಿ ನೀರಿನ ಅಂಶ ಕಡಿಮೆಯಾಗಿ ರಕ್ತದ ಹರಿವಿನ ವೇಗ ಕುಂಠಿತವಾಗುತ್ತದೆ. ಅಂತಹ ಸಂದರ್ಭಗಳಲ್ಲಿ ಕರ್ಬೂಜ ಹಣ್ಣುಗಳನ್ನು ತಿನ್ನುವುದರಿಂದ ಅಥವಾ ಕರ್ಬೂಜ ಹಣ್ಣಿನ ಜ್ಯೂಸ್ ಅನ್ನು ಕುಡಿಯುವುದರಿಂದ ರಕ್ತಕ್ಕೆ ನೀರು ಮತ್ತು ಪೋಷಕಾಂಶಗಳು ಸೇರುತ್ತವೆ. ರಕ್ತ ಪರಿಚಲನೆಯು ಕ್ರಮಬದ್ಧವಾಗಿರುತ್ತದೆ ಮತ್ತು ದೇಹವು ಪುನರುಜ್ಜೀವನಗೊಳ್ಳುತ್ತದೆ.

ಹೃದಯದ ಆರೋಗ್ಯವನ್ನು ಕಾಪಾಡುತ್ತದೆ: ಮುಲಾಮ್ ಹಣ್ಣಿನಲ್ಲಿ ಫೈಬರ್ ಸಮೃದ್ಧವಾಗಿದೆ ಮತ್ತು ಅಡೆನೊಸಿನ್ ಎಂಬ ರಾಸಾಯನಿಕವಿದೆ. ಇದು ರಕ್ತ ಕಣಗಳ ಹೆಪ್ಪುಗಟ್ಟುವಿಕೆಯನ್ನು ತಡೆಯುತ್ತದೆ ಮತ್ತು ಹೃದಯ ಸಂಬಂಧಿ ಕಾಯಿಲೆಗಳು ಬರದಂತೆ ತಡೆಯುತ್ತದೆ.

ಕ್ಯಾನ್ಸರ್ ಬರದಂತೆ ತಡೆಯುತ್ತದೆ: ನಮ್ಮ ದೇಹದಲ್ಲಿನ ಜೀವಕೋಶಗಳಲ್ಲಿ ಆಗುವ ಹಲವು ಬದಲಾವಣೆಗಳಿಂದ ಮತ್ತು ದೇಹದಲ್ಲಿನ ಹಲವು ರೀತಿಯ ಟಾಕ್ಸಿನ್ ಗಳ ಕರ್ಬೂಜ ಹಣ್ಣಿನನ್ನು ಸೇವಿಸುವುದರಿಂದ ಕ್ಯಾನ್ಸರ್ ಬರುವುದಿಲ್ಲ. ಕರ್ಬೂಜ ಹಣ್ಣುಗಳು ಕ್ಯಾರೊಟಿನಾಯ್ಡ್ ರಾಸಾಯನಿಕಗಳಿಂದ ಸಮೃದ್ಧವಾಗಿವೆ. ಹಾಗಾಗಿ ಕರ್ಬೂಕ ಹಣ್ಣನ್ನು ಹೆಚ್ಚು ತಿನ್ನುವವರಿಗೆ ಶ್ವಾಸಕೋಶದ ಕ್ಯಾನ್ಸರ್ ಬರುವ ಸಾಧ್ಯತೆ ಕಡಿಮೆ ಎನ್ನುತ್ತಾರೆ ವೈದ್ಯಕೀಯ ಸಂಶೋಧಕರು.