Weight Loss Side Effects: ತೂಕ ಇಳಿಕೆ ಯಾವಾಗಲೂ ಆರೋಗ್ಯಕರವಲ್ಲ, ಸಮಸ್ಯೆಗಳನ್ನು ತಂದೊಡ್ಡಬಹುದು

ಪ್ರತಿಯೊಂದು ಆರೋಗ್ಯ ಸಮಸ್ಯೆಗೂ ಅತಿಯಾದ ತೂಕವೇ ಕಾರಣ ಎಂದು ಬಹುತೇಕರು ಭಾವಿಸುತ್ತಾರೆ. ಆದರೆ ಇದು ತಪ್ಪು ಕಲ್ಪನೆ. ಅಧಿಕ ತೂಕವಷ್ಟೇ ಅಲ್ಲ, ಕಡಿಮೆ ತೂಕವೂ ಹಲವು ಸಮಸ್ಯೆಗಳನ್ನು ತಂದೊಡ್ಡುತ್ತದೆ.

ದಪ್ಪಗಿದ್ದು ನಂತರ ಸಣ್ಣಗಾದವರಲ್ಲಿ ಕೆಲವರು ಯಾವಾಗಲೂ ಅನಾರೋಗ್ಯ ಅಥವಾ ದಣಿದ ಭಾವನೆಯನ್ನು ಅನುಭವಿಸುತ್ತಾರೆ. ಏಕೆಂದರೆ ಅವರು ಆಹಾರದಿಂದ ಎಲ್ಲಾ ಪೋಷಕಾಂಶಗಳನ್ನು ಪಡೆಯುವುದಿಲ್ಲ. ಅಷ್ಟೇ ಅಲ್ಲ, ಕೂದಲು ಉದುರುವುದು, ಒಣ ಚರ್ಮ ಅಥವಾ ಹಲ್ಲುಗಳ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಕಡಿಮೆ ತೂಕದಿಂದ ಯಾವ ರೋಗಗಳು ಬರುತ್ತವೆ ಎಂಬ ಮಾಹಿತಿ ಇಲ್ಲಿದೆ.

WHO ಪ್ರಕಾರ, ಕಡಿಮೆ ತೂಕ ಹೊಂದಿರುವ ಎಲ್ಲರೂ ಅಡ್ಡಪರಿಣಾಮಗಳು ಅಥವಾ ರೋಗಲಕ್ಷಣಗಳನ್ನು ಅನುಭವಿಸುವುದಿಲ್ಲ. ಆದರೆ ಕೆಲವರು ಈ ರೋಗಗಳನ್ನು ಎದುರಿಸುತ್ತಾರೆ. ಅವುಗಳಲ್ಲಿ 5 ರೋಗಗಳ ಮಾಹಿತಿಯಲ್ಲಿ ಇಲ್ಲಿ ನೀಡಲಾಗಿದೆ. (ಸಾಂದರ್ಭಿಕ ಚಿತ್ರ)

1) ಆಸ್ಟಿಯೊಪೊರೋಸಿಸ್: ಕಡಿಮೆ ತೂಕ ಹೊಂದಿರುವ ಮಹಿಳೆಯರು ಆಸ್ಟಿಯೊಪೊರೋಸಿಸ್ ಅಪಾಯವನ್ನು ಹೊಂದಿರುತ್ತಾರೆ. ಇದು ಮೂಳೆಗಳು ದುರ್ಬಲಗೊಳ್ಳುವ ಮತ್ತು ಸುಲಭವಾಗಿ ಮುರಿಯುವ ಕಾಯಿಲೆಯಾಗಿದೆ.

2) ರಕ್ತಹೀನತೆ: ಕಡಿಮೆ ತೂಕ ಮತ್ತು ಕಡಿಮೆ ಬ್ಲಡ್ ಕೌಂಟ್ಸ್ ಹೊಂದಿರುವುದಕ್ಕೆ ರಕ್ತಹೀನತೆ ಎಂದು ಕರೆಯಲಾಗುತ್ತದೆ. ಈ ಕಾರಣದಿಂದಾಗಿ ತಲೆತಿರುಗುವಿಕೆ, ತಲೆನೋವು ಅಥವಾ ಆಯಾಸದಂತಹ ಸಮಸ್ಯೆಗಳನ್ನು ಅನುಭವಿಸಬಹುದು.

3) ದುರ್ಬಲ ರೋಗನಿರೋಧಕ ಶಕ್ತಿ: ಒಬ್ಬ ವ್ಯಕ್ತಿಯು ಸಾಕಷ್ಟು ಪೋಷಕಾಂಶಗಳನ್ನು ಪಡೆಯದ ಕಾರಣ ತೂಕ ನಷ್ಟವಾಗಬಹುದು. ಈ ಕಾರಣದಿಂದಾಗಿ ಅವರ ದೇಹವು ಸಾಕಷ್ಟು ಶಕ್ತಿಯನ್ನು ಕಳೆದುಕೊಳ್ಳುತ್ತೆ. ಇದು ರೋಗಗಳ ವಿರುದ್ಧ ಹೋರಾಡಲು ಅವರ ರೋಗನಿರೋಧಕ ಶಕ್ತಿಯನ್ನು ಕಡಿಮೆ ಮಾಡುತ್ತದೆ.

4) ಚರ್ಮ, ಕೂದಲು ಅಥವಾ ಹಲ್ಲುಗಳಿಗೆ ತೊಂದರೆಗಳು: ಒಬ್ಬ ವ್ಯಕ್ತಿಯು ಅಗತ್ಯ ಪೋಷಕಾಂಶಗಳನ್ನು ಪಡೆಯದಿದ್ದರೆ, ಅದು ಕೂದಲು ತೆಳುವಾಗುವುದು, ಒಣ ಚರ್ಮ ಅಥವಾ ಹಲ್ಲಿನ ಅನಾರೋಗ್ಯಕ್ಕೆ ಕಾರಣವಾಗಬಹುದು.

5) ಬೆಳವಣಿಗೆಯ ಸಮಸ್ಯೆಗಳು: ಯುವ ಜನತೆಯ ಆರೋಗ್ಯಕರ ಮೂಳೆಗಳಿಗೆ ಸಾಕಷ್ಟು ಪೋಷಕಾಂಶಗಳ ಅಗತ್ಯವಿದೆ. ಕಡಿಮೆ ತೂಕದಿಂದಾಗಿ, ಸರಿಯಾದ ಬೆಳವಣಿಗೆ ಸಾಧ್ಯವಾಗಯವುದಿಲ್ಲ. ಅಗತ್ಯ ಕ್ಯಾಲೋರಿಗಳು ಸಿಗುವುದಿಲ್ಲ. ಇದರಿಂದಲೂ ಆರೋಗ್ಯ ಸಮಸ್ಯೆ ಉಂಟಾಗುತ್ತದೆ.