Summer Food: ಬೇಸಿಗೆಯಲ್ಲಿ ಬಾಯಲ್ಲಿ ನೀರೂರಿಸುವ ಮಾವಿನ ಹಣ್ಣಿನ ರೆಸಿಪಿಗಳಿವು!

ಬೇಸಿಗೆ ಕಾಲ ಬಂತಂದ್ರೆ ಮಾವಿನ ಸೀಸನ್ ಶುರುವಾಯ್ತು ಎಂದೇ ಅರ್ಥ. ಭಾರತದ ರಾಷ್ಟ್ರೀಯ ಹಣ್ಣು ಮಾವು. ಇದನ್ನು ಹಣ್ಣುಗಳ ರಾಜ ಎಂದೇ ಕರೆಯಲಾಗುತ್ತದೆ. ಅದರಲ್ಲಿಯೂ ಮಾವಿನ ಹಣ್ಣಿನ ರುಚಿಗೆ ಮನಸೋತವರೇ ಇಲ್ಲ. ಮಾವಿನ ಹಣ್ಣನ್ನು ನೆನೆಪಿಸಿಕೊಂಡರೆ ಸಾಕು ಎಂತವರಿಗೆ ಆದರೂ ಬಾಯಲ್ಲಿ ನೀರು ಬರುತ್ತದೆ.

ಭಾರತದಲ್ಲಿ ಮ್ಯಾಂಗೋ ಮಿಲ್ಕ್ ಶೇಕ್, ಮ್ಯಾಂಗೋ ಲಸ್ಸಿ ಹೀಗೆ ಅನೇಕ ಜನಪ್ರಿಯ ಖಾದ್ಯಗಳಿದೆ. ಬೇಸಿಗೆ ಕಾಲದಲ್ಲಿ ಮಾವಿನ ಹಣ್ಣಿನ ವಿಧವಿಧವಾದ ಭಕ್ಷ್ಯಗಳನ್ನು ಸವಿದು ಜನ ಆನಂದಿಸುತ್ತಾರೆ. ಸದ್ಯ ನಾವಿಂದು ಮಾವಿನ ಹಣ್ಣಿನಲ್ಲಿ ಮಾಡಬಹುದಾದ ಕೆಲ ರೆಸಿಪಿಗಳನ್ನು ಹೇಳಿಕೊಂಡುತ್ತೇವೆ.

ಮಾವಿನಕಾಯಿ ತಿರಮಿಸು: ಇದು ಒಂದು ರೀತಿಯ ಸಿಹಿ ತಿಂಡಿಯಾಗಿದ್ದು, ಇದನ್ನು ಮಾಡುವುದೇ ಸಂತೋಷದ ವಿಚಾರ. ಮಸ್ಕಾರ್ಪೋನ್ ಚೀಸ್ ಮತ್ತು ಪುಡಿಮಾಡಿದ ಸಕ್ಕರೆಯನ್ನು ಮಿಶ್ರಣ ಮಾಡಿ ಕೆನೆಯಂತೆ ಆಗುವವರೆಗೂ ಬಿಸಿ ಮಾಡಿ. ನಂತರ ಹಾಲಿನ ಮಸ್ಕಾರ್ಪೋನ್ ಮತ್ತು ಲೇಯರ್ನಂತೆ ಮಾವಿನ ಹಣ್ಣನ್ನು ಕತ್ತರಿಸಿ ಮಿಶ್ರಣ ಮಾಡಿದರೆ, ಎಗ್ ಲೆಸ್ ಮ್ಯಾಂಗೋ ತಿರಮಿಸು ಸ್ವೀಟ್ಅನ್ನು ನೀವು ಸವಿಯಬಹುದು.

ಮ್ಯಾಂಗೋ ಐಸ್ ಕ್ರೀಮ್: ಇದನ್ನು ತಯಾರಿಸಲು ಹೆವಿ ಕ್ರೀಮ್, ಗಟ್ಟಿ ಹಾಲು ಮತ್ತು ವೆನಿಲ್ಲಾ ಸಾರವನ್ನು ಒಟ್ಟಿಗೆ ಮಿಶ್ರಣ ಮಾಡಿ. ನಂತರ, ಅದಕ್ಕೆ ಮಾವಿನ ಪ್ಯೂರಿ ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ಪಾತ್ರೆಯಲ್ಲಿ ಸುರಿದು ಕೆಲವು ಗಂಟೆಗಳ ಕಾಲ ಫ್ರೆಜ್ನಲ್ಲಿ ಕೋಲ್ಡ್ ಆಗುವವರೆಗೂ ಇಡಿ. ಕೊನೆಗೆ ತಾಜಾ ಮಾವಿನ ಐಸ್ ಕ್ರೀಮ್ ಅನ್ನು ತಿನ್ನಿ.

ಮಾವಿನ ಸಲಾಡ್: ತಾಜಾ ಮಾವಿನಕಾಯಿಯನ್ನು ನುಣ್ಣಗೆ ಕತ್ತರಿಸಿ. ಅದಕ್ಕೆ ಕತ್ತರಿಸಿದ ಸೌತೆಕಾಯಿ, ಕೆಂಪು ಈರುಳ್ಳಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಬೆರೆಸಿ. ನಂತರ ಅದಕ್ಕೆ ನಿಂಬೆ ರಸ, ಜೇನುತುಪ್ಪ, ರುಚಿಗೆ ಉಪ್ಪು ಮತ್ತು ಕರಿಮೆಣಸು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ, ಫ್ರಿಜ್ನಲ್ಲಿ ಕೆಲವು ನಿಮಿಷಗಳ ಕಾಲ ತಣ್ಣಗಾಗಲು ಬಿಡಿ. ನಂತರ ಮಾವಿನ ಸಲಾಡ್ ಸವಿಯಲು ಸಿದ್ಧ.

ಮಾವಿನ ತೆಂಗಿನಕಾಯಿ ಕರಿ: ಕೇರಳದ ಜನರ ಅತ್ಯಂತ ಪ್ರೀತಿಯ ಖಾದ್ಯಗಳಲ್ಲಿ ಮ್ಯಾಂಗೋ ತೆಂಗಿನಕಾಯಿ ಕರಿ ಕೂಡ ಒಂದಾಗಿದೆ. ಇದನ್ನು ಮಾಡಲು ಮಾಗಿದ ಮಾವಿನಹಣ್ಣುಗಳು, ಕೆನೆ, ತೆಂಗಿನ ಹಾಲು ಮತ್ತು ಆರೊಮ್ಯಾಟಿಕ್ ಮಸಾಲೆಗಳನ್ನು ಬಳಸಲಾಗುತ್ತದೆ. ಈ ಖಾದ್ಯವನ್ನು ತಯಾರಿಸಲು, ಮೇಲಿನ ಎಲ್ಲಾ ಪದಾರ್ಥಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ. ತೆಂಗಿನ ಹಾಲು ಮತ್ತು ಮಸಾಲೆಗಳೊಂದಿಗೆ ಮಾವಿನ ಸಿಹಿ ರುಚಿ ಸವಿಯಲು ಅದ್ಭುತವಾಗಿರುತ್ತದೆ. ಅನ್ನದ ಜೊತೆಗೆ ಇದು ಬೆಸ್ಟ್ ಕಾಂಬೀನೇಷನ್ ಅಂತನೇ ಹೇಳಬಹುದು.

(Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)