Arm Fat: ತೋಳುಗಳಲ್ಲಿ ಸಂಗ್ರಹವಾಗುವ ಕೆಟ್ಟ ಕೊಬ್ಬಿಗೆ ಕಾರಣವೇನು? ಇದರಿಂದ ಮುಕ್ತಿ ಪಡೆಯಲು ಸಿಂಪಲ್ ಟಿಪ್ಸ್​

ಇತ್ತೀಚಿನ ದಿನಗಳಲ್ಲಿ ತೂಕ ಹೆಚ್ಚಳ ಸಮಸ್ಯೆ ಹೆಚ್ಚಿದೆ. ದೇಹದ ಎಲ್ಲಾ ಭಾಗಗಳು ದಪ್ಪ ಆಗುತ್ತವೆ. ಆದರೆ ಕೆಲವೊಮ್ಮೆ ತೋಳಿನಲ್ಲಿ ಫ್ಯಾಟ್ ಹೆಚ್ಚುತ್ತದೆ. ತೋಳುಗಳ ಫ್ಯಾಟ್ ನ್ನು ಸಾಮಾನ್ಯವಾಗಿ ನಿರ್ಲಕ್ಷಿಸಲಾಗುತ್ತದೆ. ತೋಳು ದಪ್ಪವಾದರೆ ಚೆನ್ನಾಗಿ ಕಾಣುವುದಿಲ್ಲ. ಬಟ್ಟೆ ತೊಟ್ಟಾಗ ತೋಳಿನ ಗಾತ್ರ ಹೆಚ್ಚಿದ್ದರೆ ಅದು ಫಿಟ್ಟಿಂಗ್ ನ್ನು ಹಾಳು ಮಾಡುತ್ತದೆ.

ತೋಳುಗಳಲ್ಲಿ ಕೊಬ್ಬು ಹೆಚ್ಚಾಗಲು ಕಾರಣವೇನು? ಎಂಬುದರ ಬಗ್ಗೆ ಹೆಚ್ಚು ಯಾರೂ ಗಮನ ಹರಿಸುವುದಿಲ್ಲ. ತೋಳುಗಳ ಕೊಬ್ಬು ಕರಗಿಸುವುದು ಮತ್ತು ಹೇಗೆ ನಿರ್ವಹಿಸಬೇಕು ಎಂಬುದರತ್ತ ಮುಖ್ಯವಾಗಿ ಗಮನಹರಿಸಬೇಕು. ತೋಳುಗಳಲ್ಲಿ ಹೆಚ್ಚುವರಿ ಕೊಬ್ಬು ಯಾಕೆ ಉಂಟಾಗುತ್ತದೆ? ಇದಕ್ಕೆ ಕಾರಣಗಳು ಏನು ನೋಡೋಣ.

ಜೆನೆಟಿಕ್ಸ್ ಕಾರಣವಾಗಿರಬಹುದು. ಕೆಲವೊಮ್ಮೆ ದೇಹಕ್ಕಿಂತ ತೋಳುಗಳಲ್ಲಿ ಕೊಬ್ಬು ಜಮಾ ಆಗುತ್ತದೆ. ತೋಳುಗಳಲ್ಲಿ ಫ್ಯಾಟ್ ಉಂಟಾಗಲು ಮುಖ್ಯ ಕಾರಣ ಅಂದ್ರೆ ಜೆನೆಟಿಕ್ಸ್ ಅಂತಾರೆ ತಜ್ಞರು. ಅನೇಕ ಜನರು ಆನುವಂಶಿಕವಾಗಿ ತೋಳಿನಲ್ಲಿ ಕೊಬ್ಬಿನ ಸಮಸ್ಯೆ ಎದುರಿಸುತ್ತಾರೆ. ತೋಳಿನ ಮೇಲ್ಭಾಗದಲ್ಲಿ ಹೆಚ್ಚುವರಿ ಕೊಬ್ಬು ಸಂಗ್ರಹವಾಗುತ್ತದೆ.

ದೇಹದಲ್ಲಿ ಕೊಬ್ಬು ಹೆಚ್ಚಳವಾಗುವುದು ತೋಳಿನಲ್ಲಿ ಫ್ಯಾಟ್ ಹೆಚ್ಚಾಗಲು ಕಾರಣವಾಗುತ್ತದೆ. ದೇಹದ ಮೇಲ್ಭಾಗದ ತೂಕ ಹೆಚ್ಚಳವು ತೋಳಿನ ಮೇಲ್ಭಾಗದಲ್ಲಿ ಫ್ಯಾಟ್ ಹೆಚ್ಚಿಸುತ್ತದೆ. ಹೆಚ್ಚುತ್ತಿರುವ ತೂಕಕ್ಕೆ ನಿಮ್ಮ ಜೀವನಶೈಲಿ, ಕೆಟ್ಟ ಆಹಾರ ಪದ್ಧತಿ ಮತ್ತು ವ್ಯಾಯಾಮ ಮಾಡದೇ ಇರುವುದು ಸಹ ಕಾರಣವಾಗಿದೆ. ತೋಳಿನ ಫ್ಯಾಟ್ ಕಡಿಮೆ ಮಾಡಲು ಮೊದಲು ದೇಹದ ತೂಕ ನಿಯಂತ್ರಿಸಿ.

ವಯಸ್ಸಾದಂತೆ ತೋಳಿನಲ್ಲಿ ಫ್ಯಾಟ್ ಸಂಗ್ರಹವಾಗುತ್ತದೆ. ವಯಸ್ಸಾದಂತೆ ದೇಹದಲ್ಲಿ ಚಯಾಪಚಯ ಕ್ರಿಯೆ ನಿಧಾನವಾಗುತ್ತದೆ. ಇದರಿಂದ ದೇಹದಲ್ಲಿ ಕೊಬ್ಬಿನ ಶೇಖರಣೆ ಹೆಚ್ಚುತ್ತದೆ. ಇದು ತೋಳುಗಳ ಫ್ಯಾಟ್ ಹೆಚ್ಚಾಗಲು ಕಾರಣವಾಗುತ್ತದೆ. ದೇಹದಲ್ಲಿ ಟೆಸ್ಟೋಸ್ಟೆರಾನ್ ಮಟ್ಟ ಕಡಿಮೆಯಾಗುವುದು ತೋಳುಗಳಲ್ಲಿ ಕೊಬ್ಬಿನ ಶೇಖರಣೆ ಹೆಚ್ಚಿಸುತ್ತದೆ.

ಸಡಿಲವಾದ ಚರ್ಮವು ತೋಳುಗಳಲ್ಲಿ ಫ್ಯಾಟ್ ಹೆಚ್ಚಾಗಲು ಕಾರಣವಾಗುತ್ತದೆ. ಚರ್ಮವು ತುಂಬಾ ಸಡಿಲವಾಗಿದ್ದರೆ ಮತ್ತು ಸ್ಥಿತಿಸ್ಥಾಪಕತ್ವ ಹೊಂದಿರದೇ ಇದ್ದರೆ ತೋಳು ದಪ್ಪ ಆಗುತ್ತದೆ. ಹೆಚ್ಚುವರಿ ಕೊಬ್ಬನ್ನು ಕಡಿಮೆ ಮಾಡಲು ಕೆಲವು ವ್ಯಾಯಾಮಗಳನ್ನು ದಿನವೂ ಮಾಡಿ. ಇದು ನಿಮ್ಮ ತೋಳಿನಲ್ಲಿ ಸಂಗ್ರಹವಾದ ಫ್ಯಾಟ್ ಕಡಿಮೆ ಮಾಡುತ್ತದೆ.

ಸಂಪೂರ್ಣ ತೋಳಿನ ಸ್ನಾಯುಗಳನ್ನು ಬಲಪಡಿಸಲು ಮತ್ತು ತೋಳುಗಳಲ್ಲಿ ಸಂಗ್ರಹವಾದ ಫ್ಯಾಟ್ ಕಡಿಮೆ ಮಾಡಲು ಸೀಸರ್ ಆರ್ಮ್ ವ್ಯಾಯಾಮ ಮಾಡಿ. ಟ್ರೈಸ್ಪ್ ಡಿಪ್ಸ್ ಮಾಡಿ. ಇದು ತೋಳುಗಳ ಸ್ನಾಯುಗಳಿಗೆ ಸರಿಯಾದ ಆಕಾರ ನೀಡುತ್ತದೆ. ತೋಳಿನಲ್ಲಿ ಸಂಗ್ರಹವಾದ ಹೆಚ್ಚುವರಿ ಕೊಬ್ಬನ್ನು ಕಡಿಮೆ ಮಾಡುತ್ತದೆ.

ಬೈಸೆಪ್ಸ್ ಕರ್ಲ್ ವ್ಯಾಯಾಮ ಮಾಡಿ. ಇದು ತೋಳುಗಳ ಮುಂಭಾಗದ ಸ್ನಾಯುಗಳನ್ನು ಬಲಪಡಿಸುತ್ತದೆ. ಬೈಸೆಪ್ಸ್ ನಿಮ್ಮ ತೋಳುಗಳನ್ನು ಗಟ್ಟಿಗೊಳಿಸುತ್ತದೆ. ಹೀಗೆ ದಿನವೂ ನಿಯಮಿತವಾಗಿ ಯೋಗ ಭಂಗಿ ಮತ್ತು ವ್ಯಾಯಾಮ ಮಾಡುವ ಮೂಲಕ ನಿಮ್ಮ ತೋಳುಗಳಲ್ಲಿ ಸಂಗ್ರಹವಾದ ಕೊಬ್ಬನ್ನು ಕರಗಿಸಿ.