Love Secret: ಪ್ರೀತಿಯನ್ನ ಗುಟ್ಟಾಗಿ ಇರಿಸೋಕೆ ಇಲ್ಲೊಂದಷ್ಟು ಸಖತ್ ಟಿಪ್ಸ್ ಇದೆ ನೋಡಿ

ಕೆಲವರು ಪ್ರೀತಿ ಮಾಡುತ್ತಾರೆ, ಆದರೆ ತಮ್ಮ ಲವ್ ವಿಷ್ಯ ಬೇರೆಯವರಿಗೆ ಗೊತ್ತಾಗಬಾರ್ದು ಅಂತ ಇಚ್ಛಿಸುತ್ತಾರೆ. ಹೊರಗಿನ ಪ್ರಪಂಚಕ್ಕೆ ನಮ್ಮ ಪ್ರೀತಿಯ ವಿಷಯ ತಿಳಿಯಬಾರದು, ಗುಟ್ಟಾಗಿ ಇರಬೇಕು ಅಂತ ಬಯಸ್ತಾರೆ. ಯಾಕೆಂದರೆ ಒಂದು ವೇಳೆ ವಿಷಯ ಗೊತ್ತಾದರೆ, ಜನರು ಇಲ್ಲಸಲ್ಲದ ಮಾತುಗಳನ್ನು ಆಡುತ್ತಾರೆ, ಟೀಕೆ-ಟಿಪ್ಪಟಿಗಳು ಸೃಷ್ಟಿಯಾಗುತ್ತವೆ. ನಮ್ಮ ಬಗ್ಗೆ ಗಾಸಿಪ್​ಗಳು ಸೃಷ್ಟಿಯಾಗುತ್ತವೆ ಎಂಬ ಉದ್ದೇಶದಿಂದ ಈ ರೀತಿ ಗೌಪ್ಯವಾಗಿ ಇಡುತ್ತಾರೆ.

ಅನೇಕರು ತಮ್ಮ ಪ್ರೀತಿಯ ವಿಷ್ಯವನ್ನು ತಮ್ಮ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರಿಂದ ಮುಚ್ಚಿಡಲು ಪ್ರಯತ್ನಿಸುತ್ತಾರೆ. ಬೇರೆಯವರಿಗೆ ವಿಷಯ ತಿಳಿದರೆ ಅವರು ನಮ್ಮ ಪ್ರೀತಿ ವಿಷಯವನ್ನು ತಮ್ಮ ತಂದೆ-ತಾಯಿ ಜೊತೆ ಬಹಿರಂಗವಾಗಿ ಹೇಳಿಬಿಡುತ್ತಾರೆ ಎಂಬ ಭಯದಿಂದಲೂ ಲವ್​ ಮ್ಯಾಟರ್​​ನ್ನು ರಹಸ್ಯವಾಗಿ ಇಡುತ್ತಾರೆ. ಮದುವೆ ಮಾತುಕತೆ ಬಂದಾಗ ಈ ವಿಷಯ ಹೇಳಿದ್ರಾಯ್ತು ಅಂತ ಅಲ್ಲಿವರೆಗೆ, ತಮ್ಮ ಪ್ರೀತಿ ವಿಷಯದ ಬಗ್ಗೆ ಯಾರೊಂದಿಗೂ ಬಾಯಿ ಬಿಟ್ಟಿರಲ್ಲ. ಹೀಗೆ ತಮ್ಮ ಪ್ರೀತಿಯನ್ನು ರಹಸ್ಯವಾಗಿ ಇಡಲು ಬಯಸುವವರಿಗೆ ಕೆಲವು ಸಖತ್​ ಟಿಪ್ಸ್​ ಇಲ್ಲಿವೆ.

ಸೋಷಿಯಲ್ ಮೀಡಿಯಾ ಪೋಸ್ಟ್: ಸೋಷಿಯಲ್ ಮೀಡಿಯಾದಲ್ಲಿ ನಿಮ್ಮ ಸಂಗಾತಿಯೊಂದಿಗಿನ ಫೋಟೋ ಹಂಚಿಕೊಳ್ಳಲು ಕೇವಲ ಒಂದು ಸೆಕೆಂಡ್ ಸಾಕು. ಆದರೆ ಆ ಫೋಟೋಗಳನ್ನು ಬೇರೆಯವರು ಸುಲಭವಾಗಿ ಡೌನ್‌ಲೋಡ್ ಮಾಡಬಹುದು ಅಥವಾ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಬಹುದು. ಬಳಿಕ ನಿಮ್ಮ ಫ್ಯಾಮಿಲಿಯವರಿಗೂ ವಿಷಯ ತಿಳಿಯಬಹುದು. ಹೀಗಾಗಿ ನಿಮ್ಮ ಪ್ರೇಮ ಸಂಬಂಧ ಯಾರಿಗೂ ತಿಳಿಯಬಾರದು ಎಂಬ ಉದ್ದೇಶವಿದ್ದರೆ, ಸಂಗಾತಿಯೊಂದಿಗಿನ ಫೋಟೋಗಳನ್ನು ಸೋಷಿಯಲ್ ಮೀಡಿಯಾಗಳಾದ ಫೇಸ್​ಬುಕ್, ವಾಟ್ಸಾಪ್, ಇನ್ಸ್​​ಟಾಗ್ರಾಂಗಳಲ್ಲಿ ಹಾಕಬೇಡಿ.

ನಿಮ್ಮ ಲವ್ ವಿಷಯ ಬೇರೆಯವರಿಗೆ ಗೊತ್ತಾಗಬಾರದು ಎಂದರೆ, ಸಾರ್ವಜನಿಕ ಸ್ಥಳಗಳಲ್ಲಿ ನಿಮ್ಮ ಸಂಗಾತಿ ಜೊತೆ ಅಂತರ ಕಾಯ್ದುಕೊಳ್ಳುವುದು ಒಳ್ಳೆಯದು. ಸಂಗಾತಿಯ ಕೈ ಹಿಡಿದುಕೊಳ್ಳುವುದು, ಅಪ್ಪಿಕೊಳ್ಳುವುದು, ಕಿಸ್ ಮಾಡುವುದು ಇಂತಹ ಕೆಲಸಗಳನ್ನು ಸಾರ್ವಜನಿಕ ಸ್ಥಳಗಳಲ್ಲಿ ಮಾಡಬೇಡಿ.

ನಿಮ್ಮ ಪ್ರೇಮ ಸಂಬಂಧ ರಹಸ್ಯವಾಗಿರಬೇಕೆಂದರೆ ಮತ್ತೊಂದು ಟಿಪ್ಸ್​ ಇದೆ. ನಿಮ್ಮ ಸಂಗಾತಿಯ ಫೋನ್​ ನಂಬರ್​ನ್ನು ನಿಮ್ಮ ಫೋನ್​ನಲ್ಲಿ ವಿಭಿನ್ನವಾಗಿ ಸೇವ್​ ಮಾಡಿಕೊಳ್ಳುವುದು ಮುಖ್ಯ. ಅಡ್ಡಹೆಸರಿನಲ್ಲಿ ಅವರ ಕಾಂಟ್ಯಾಕ್ಟ್​ ನಂಬರ್​ನ್ನು ಸೇವ್​ ಮಾಡಿಕೊಳ್ಳುವ ಬದಲು, ಯಾರಿಗೂ ಅನುಮಾನ ಬಾರದ ರೀತಿ ನಂಬರ್ ಸೇವ್ ಮಾಡಿಕೊಳ್ಳಿ.

ನಿಮ್ಮ ಪ್ರೀತಿ ವಿಷಯ ಅನ್ಯರಿಗೆ ತಿಳಿಯಬಾರದು ಎಂದರೆ, ನಿಮ್ಮ ಸಂಗಾತಿಯ ಹೆಸರನ್ನು ಎಲ್ಲಿಯೂ ಬಾಯಿ ಬಿಡಬೇಡಿ. ನೀವು ನಿಮ್ಮ ಸಂಗಾತಿಯನ್ನು ಮಿಸ್​ ಮಾಡಿಕೊಳ್ಳುತ್ತಿದ್ದರೆ, ವಾಟ್ಸ್ಯಾಪ್​ ಸ್ಟೇಟಸ್​​ ಮೂಲಕ ಭಾವನೆಗಳನ್ನು ಹೊರಹಾಕುವುದನ್ನು ತಪ್ಪಿಸಿ. ಜೊತೆಗೆ ಬೇರೆ ಯಾರಾದರೂ ನಿಮ್ಮ ಬಳಿ ಲವ್​ ವಿಷ್ಯ ಕೇಳಿದರೂ, ಒತ್ತಾಯ ಮಾಡಿದರೂ ಬಾಯಿ ಬಿಡಬೇಡಿ.

ನಿಮ್ಮ ಪ್ರೀತಿಯ ವಿಷಯವನ್ನು ಗೌಪ್ಯವಾಗಿ ಇರಿಸಿಕೊಳ್ಳಬೇಕಾ? ಎಂಬುದನ್ನು ಮೊದಲಿಗೆ ಇಬ್ಬರೂ ಖಚಿತಪಡಿಸಿಕೊಳ್ಳಿ. ನಿಮ್ಮ ಪ್ರೇಮ ಸಂಬಂಧವನ್ನು ಯಾವ ಸಂದರ್ಭದಲ್ಲಿ, ಯಾರೊಂದಿಗೆ ಹಂಚಿಕೊಳ್ಳಬೇಕು ಎಂಬುದು ಪರಸ್ಪರ ಇಬ್ಬರಿಗೂ ಸ್ಪಷ್ಟವಾಗಿ ತಿಳಿದಿರಲಿ.