Lose Weight: ಒಂದೇ ವಾರದಲ್ಲಿ ನಿಮ್ಮ ತೂಕ ಕಡಿಮೆ ಮಾಡಿಕೊಳ್ಳಬಹುದು ಹೇಗೆ ಗೊತ್ತಾ?

ಅಧಿಕ ತೂಕ ಅಥವಾ ಸ್ಥೂಲಕಾಯತೆಯು ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಸಮತೋಲಿತ ಜೀವನಶೈಲಿ ಮತ್ತು ಪೌಷ್ಟಿಕ ಆಹಾರವು ಆರೋಗ್ಯಕರ ಜೀವನ ಮತ್ತು ಉತ್ತಮ ತೂಕ ನಿಯಂತ್ರಣಕ್ಕೆ ಪ್ರಮುಖವಾಗಿದೆ.

ಕಡಿಮೆ ಸಮಯದಲ್ಲಿ ತೂಕವನ್ನು ಕಳೆದುಕೊಳ್ಳಲು ತಾಳ್ಮೆ ಮತ್ತು ಶಿಸ್ತು ಅಗತ್ಯವಿರುತ್ತದೆ. ನಿಮ್ಮ ಆಹಾರದಲ್ಲಿ ಕೆಲವು ಪ್ರಮುಖ ಬದಲಾವಣೆಗಳನ್ನು ತರಬೇಕು ಮತ್ತು ನಿಯಮಿತವಾಗಿ ವ್ಯಾಯಾಮ ಮಾಡಬೇಕು.

ವಾಸ್ತವಿಕ ಗುರಿ ಹೊಂದಿರಿ- ತೂಕ ಇಳಿಸಿಕೊಳ್ಳುತ್ತೇನೆ ಎಂಬ ಗುರಿ ಹೊಂದಿರಿ. ದಿನ ಇದೇ ರೀತಿ ಊಟ ತಿನ್ನುತ್ತೇವೆ. ವ್ಯಾಯಾಮ ಮಾಡುತ್ತೇವೆ ಎಂಬ ಗುರಿಯನ್ನು ಹೊಂದಿರಬೇಕು.

7 ದಿನಗಳವರೆಗೆ ವ್ಯಾಯಾಮ ಯೋಜನೆಯನ್ನು ರಚಿಸಿ- ಕೇವಲ ಆಹಾರ ಕ್ರಮವು ನಿಮ್ಮ ತೂಕ ಕಡಿಮೆ ಮಾಡಲ್ಲ. ಜೊತೆಗೆ 7 ದಿನವೂ ತಪ್ಪದೇ ವ್ಯಾಯಾಮ ಮಾಡಬೇಕು.

ನಿಯಮಿತ ಏರೋಬಿಕ್ ವ್ಯಾಯಾಮಗಳಲ್ಲಿ ಹೆಚ್ಚಿನ ತೀವ್ರತೆಯ ಚಟುವಟಿಕೆಗಳನ್ನು ಸೇರಿಸಲು ಪ್ರಯತ್ನಿಸಿ. ಉದಾಹರಣೆಗೆ, ನೀವು ನಡೆಯುವಾಗ, ಐದು ನಿಮಿಷಗಳ ಕಾಲ ಓಡಿ, ತದನಂತರ ಮತ್ತೆ ನಡೆಯಲು ಮುಂದುವರಿಸಿ. ಇದು ಹೆಚ್ಚು ಕ್ಯಾಲೊರಿಗಳನ್ನು ಸುಡುತ್ತದೆ.

ಊಟದ ಯೋಜನೆಯನ್ನು ರಚಿಸಿ- 7 ದಿನಗಳವರೆಗೆ ಊಟ ಯೋಜನೆಯನ್ನು ರೂಪಿಸಿಕೊಳ್ಳಿ. ಉಪಹಾರ, ಮಧ್ಯಾಹ್ನ ಮತ್ತು ರಾತ್ರಿಯ ಊಟಕ್ಕೆ ನಿರ್ದಿಷ್ಟವಾದ ಊಟವನ್ನು ಮಾಡಿ. ಇದು ತೂಕ ಇಳಿಸಲು ಸಹಾಯ ಮಾಡುತ್ತೆ.

ತೂಕ ಹೆಚ್ಚಾಗಲು ಕಾರಣವಾಗುವ ಆಹಾರ ಪದ್ಧತಿಗಳ ಪಟ್ಟಿಯನ್ನು ಮಾಡಿ. ಅಂತಹ ಆಹಾರಗಳಿಂದ ದೂರ ಇರಿ. ಇದು ತೂಕ ಇಳಿಸಲು ಸಹಾಯ ಮಾಡುತ್ತೆ.

ತುಂಬಾ ಬೇಗ, ಬೇಗ ತಿನ್ನುವುದು, ಯಾವಾಗಲೂ ಸಿಹಿ ತಿನ್ನುವುದು, ಊಟ ಬಿಡುವುದು, ಹಸಿವಾಗದಿದ್ದಾಗ ತಿನ್ನುವುದು,ನಿಂತುಕೊಂಡು ತಿನ್ನುವುದು ಇವನ್ನೆಲ್ಲಾ ಬಿಡಬೇಕು.