Long Weekends in 2023: ಟ್ರಿಪ್ ಹೋಗೋಕೆ ಈಗಲೇ ಪ್ಲ್ಯಾನ್​ ಮಾಡ್ಕೊಳಿ- 2023ಕ್ಕೆ ಸಾಲು-ಸಾಲು ವೀಕೆಂಡ್ ರಜೆ

ಹೊಸ ವರ್ಷ ಬರ್ತಿದೆ. ಈ ವರ್ಷದಲ್ಲಿ ಅನೇಕ ಲಾಂಗ್ ವೀಕೆಂಡ್ಸ್​ ಇವೆ. ಹೊಸ ವರ್ಷ ಭಾನುವಾರವೇ ಸಿಕ್ಕಿರುವುದರಿಂದ ರಜೆಯಿಂದಲೇ ನೂತನ ವರ್ಷ ಪ್ರಾರಂಭವಾಗಿದೆ. 2023ರಲ್ಲಿ 17 ಲಾಂಗ್ ವೀಕೆಂಡ್ಸ್​ ಇರೋದ್ರಿಂದ ಫ್ಯಾಮಿಲಿ ಟ್ರಿಪ್, ತೀರ್ಥಯಾತ್ರಿಗೆ ಹೋಗಬಹುದು.

ಕೆಲಸ ಮಾಡುತ್ತಿರುವವರು ಬಾಸ್​ ಬಳಿ ರಜೆ ಕೇಳಬೇಕು ಅಂತ ಹೆಚ್ಚಾಗಿ ತಲೆ ಕೆಡಿಸಿಕೊಳ್ಳುವ ಅವಶ್ಯಕತೆ ಇಲ್ಲ. ಯಾಕಂದ್ರೆ ರಜೆ ತೆಗೆದುಕೊಳ್ಳದೇ, ಸಿಗುವ ಲಾಂಗ್​ ವೀಕೆಂಡ್ಸ್​ನಲ್ಲೇ ನಿಮ್ಮ ಟ್ರಿಪ್ ಮುಗಿಸಿಕೊಂಡು ಬರಬಹುದು.

ಜನವರಿ 1 ಭಾನುವಾರ ರಜಾದಿನ, ಜೊತೆಗೆ ಹೊಸ ವರ್ಷಾರಂಭ. ಹಿಂದಿನ ದಿನ ಶನಿವಾರವಾದ್ದರಿಂದ, ಆವತ್ತು ರಜೆ ಇರುವವರು, ಶುಕ್ರವಾರ ಮತ್ತು ಸೋಮವಾರ ರಜೆ ಹಾಕಿಕೊಂಡು ಈ ಲಾಂಗ್​ ವೀಕೆಂಡ್​​ಗೆ ಟ್ರಿಪ್ ಹೋಗಬಹುದು. ಜೊತೆಗೆ ಹೊಸ ವರ್ಷ ಆಚರಣೆ ಮಾಡಬಹುದು. ಜನವರಿ 14 ಶನಿವಾರ ಮಕರ ಸಂಕ್ರಾಂತಿ, ಜನವರಿ 15 ಭಾನುವಾರ ರಜಾದಿನವಾಗಿದೆ. ಇಲ್ಲೂ ಸಹ ಶುಕ್ರವಾರ ಮತ್ತು ಸೋಮವಾರ ರಜಾ ತೆಗೆದುಕೊಂಡರೆ 4 ದಿನಗಳ ಕಾಲ ದೀರ್ಘ ವಾರಾಂತ್ಯ ಟ್ರಿಪ್ ಹೋಗಿ ಬರಬಹುದು. ಜನವರಿ 26 ಗುರುವಾರ ಗಣರಾಜ್ಯೋತ್ಸವ- ರಜಾದಿನ. 27ಕ್ಕೆ ರಜೆ ತೆಗೆದುಕೊಂಡರೆ, ಶನಿವಾರ ಮತ್ತು ಭಾನುವಾರ ರಜಾ ಇರೋದ್ರಿಂದ 4 ದಿನಗಳ ರಜೆಯನ್ನು ಎಂಜಾಯ್ ಮಾಡಬಹುದು.

ಫೆಬ್ರವರಿ- ಫೆಬ್ರವರಿ 18 ಶನಿವಾರ ಮಹಾಶಿವರಾತ್ರಿ. ಫೆಬ್ರವರಿ 19 ಭಾನುವಾರ ರಜಾ ದಿನ. ನೀವು ಫೆಬ್ರವರಿ 17 ರ ಶುಕ್ರವಾರ ರಜಾ ತೆಗೆದುಕೊಂಡರೆ, ಮೂರು ದಿನಗಳ ರಜೆಗೆ ಟ್ರಿಪ್ ಪ್ಲ್ಯಾನ್ ಮಾಡಬಹುದು.

ಮಾರ್ಚ್- ಹೋಳಿ ಹಬ್ಬ ಬುಧವಾರ, ಮಾರ್ಚ್ 8. ಮಾರ್ಚ್ 11 ಶನಿವಾರ, ಮಾರ್ಚ್ 12 ಭಾನುವಾರ ರಜೆ. ನೀವು ಮಾರ್ಚ್ 9 ಮತ್ತು 10 ರಂದು ರಜೆ ತೆಗೆದುಕೊಂಡರೆ, ನೀವು 5 ದಿನಗಳ ದೀರ್ಘ ವಾರಾಂತ್ಯವನ್ನು ಎಂಜಾಯ್ ಮಾಡಬಹುದು.

ಏಪ್ರಿಲ್: ಏಪ್ರಿಲ್ 4 ಮಂಗಳವಾರ ಮಹಾವೀರ ಜಯಂತಿ. ಶುಕ್ರವಾರ, ಏಪ್ರಿಲ್ 7 ಗುಡ್​ ಫ್ರೈಡೇ. ಏಪ್ರಿಲ್ 8 ಶನಿವಾರ, ಏಪ್ರಿಲ್ 9 ಭಾನುವಾರ. ನೀವು ಏಪ್ರಿಲ್ 5 ಮತ್ತು 6 ರಂದು ರಜೆ ತೆಗೆದುಕೊಳ್ಳಬಹುದಾದರೆ,6 ದಿನಗಳ ಲಾಂಗ್​ ವೀಕೆಂಡ್​ಗಾಗಿ ಲಾಂಗ್​ ವೆಕೇಶನ್ ಹೋಗಬಹುದು.

ಮೇ- ಶುಕ್ರವಾರ ಮೇ 5 ಬುದ್ಧಪೂರ್ಣಿಮೆ. ಶನಿವಾರ ಮೇ 6, ಭಾನುವಾರ ಮೇ 7. ಸತತ ಮೂರು ದಿನ ರಜೆ ಇದೆ.

ಜೂನ್- ಜೂನ್ 29 ಗುರುವಾರ ಬಕ್ರೀದ್, ರಜಾದಿನವಾಗಿದೆ. ಜುಲೈ 1 ಶನಿವಾರ, ಜುಲೈ 2 ಭಾನುವಾರ ರಜಾದಿನ. ಶುಕ್ರವಾರ, ಜೂನ್ 30 ರಂದು ರಜೆ ತೆಗೆದುಕೊಂಡರೆ ಲಾಂಗ್​ ವೀಕೆಂಡ್ ಸಿಗುತ್ತೆ.

ಆಗಸ್ಟ್- ಆಗಸ್ಟ್ 12 ಶನಿವಾರ. ಆಗಸ್ಟ್ 13 ಭಾನುವಾರ. ಆಗಸ್ಟ್ 15 ಸ್ವಾತಂತ್ರ್ಯ ದಿನಾಚರಣೆಯಂದು ರಜಾದಿನವಾಗಿದೆ. ಆಗಸ್ಟ್ 14 ರಂದು ರಜೆ ತೆಗೆದರೆ ಸತತ ನಾಲ್ಕು ದಿನ ರಜೆ ಸಿಗುತ್ತೆ. ಆಗಸ್ಟ್ 26 ಶನಿವಾರ ಮತ್ತು ಆಗಸ್ಟ್ 27 ಭಾನುವಾರ. ಆಗಸ್ಟ್ 30 ರಂದು ರಾಖಿ ಹುಣ್ಣಿಮೆ ಇದೆ, ನೀವು ಆಗಸ್ಟ್ 28 ಮತ್ತು 29 ರಂದು ರಜೆ ತೆಗೆದುಕೊಂಡರೆ, ರಾಖಿ ಹುಣ್ಣಿಮೆಯ ಸಂದರ್ಭದಲ್ಲಿ ನಿಮ್ಮ ಸಹೋದರಿಯರೊಂದಿಗೆ ರಜೆಯನ್ನು ಆನಂದಿಸಬಹುದು.

ಸೆಪ್ಟೆಂಬರ್- ಸೆಪ್ಟೆಂಬರ್ 7 ಗುರುವಾರ ಕೃಷ್ಣಾಷ್ಟಮಿ ರಜಾದಿನವಾಗಿದೆ. ಸೆಪ್ಟೆಂಬರ್ 9 ಶನಿವಾರ, ಸೆಪ್ಟೆಂಬರ್ 10 ಭಾನುವಾರ ರಜೆ. ಸೋಮವಾರ, ಸೆಪ್ಟೆಂಬರ್ 8 ಕ್ಕೆ ರಜೆ ತೆಗೆದಕೊಂಡರೆ ದೀರ್ಘ ವಾರಾಂತ್ಯವನ್ನು ಪ್ಲ್ಯಾನ್ ಮಾಡಬಹುದು. ಸೆಪ್ಟೆಂಬರ್ 16 ಶನಿವಾರ ಮತ್ತು ಸೆಪ್ಟೆಂಬರ್ 17 ಭಾನುವಾರ. ವಿನಾಯಕ ಚೌತಿಯಂದು ಸೆಪ್ಟೆಂಬರ್ 19 ರಂದು ರಜೆ. ಸೆಪ್ಟಂಬರ್ 18 ಸೋಮವಾರ ರಜೆ ತೆಗೆದುಕೊಂಡರೆ ಸತತ ನಾಲ್ಕು ದಿನಗಳ ಕಾಲ ರಜೆಯನ್ನು ಆನಂದಿಸಬಹುದು.

ಅಕ್ಟೋಬರ್- ಸೆಪ್ಟೆಂಬರ್ 30 ಶನಿವಾರ, ಅಕ್ಟೋಬರ್ 1 ಭಾನುವಾರ, ಅಕ್ಟೋಬರ್ 2 ಗಾಂಧಿ ಜಯಂತಿ- ಸತತ ಮೂರು ದಿನಗಳ ರಜೆ. ಅಕ್ಟೋಬರ್ 21 ಶನಿವಾರ ಮತ್ತು ಅಕ್ಟೋಬರ್ 22 ಭಾನುವಾರ. ಅಕ್ಟೋಬರ್ 24 ದಸರಾ ರಜಾದಿನವಾಗಿದೆ. ಅಕ್ಟೋಬರ್ 23 ರಂದು ನೀವು ರಜೆ ತೆಗೆದುಕೊಂಡರೆ, ನವರಾತ್ರಿ ಆಚರಣೆಯನ್ನು ಆನಂದಿಸಬಹುದು.

ನವೆಂಬರ್- ನವೆಂಬರ್ 11 ಶನಿವಾರ, ನವೆಂಬರ್ 12 ಭಾನುವಾರ. ನವೆಂಬರ್ 12 ರಂದು ದೀಪಾವಳಿ ಹಬ್ಬ ಕೂಡ ಇದೆ. ನವೆಂಬರ್ 10 ಅಥವಾ ನವೆಂಬರ್ 13 ರಂದು ರಜೆ ತೆಗೆದರೆ, ಕನಿಷ್ಠ ಮೂರು ದಿನ ದೀಪಾವಳಿಯನ್ನು ಆಚರಿಸಬಹುದು. ಶನಿವಾರ, ನವೆಂಬರ್ 25, ಭಾನುವಾರ, ನವೆಂಬರ್ 26 ಮತ್ತು ನವೆಂಬರ್ 27 ರಂದು ಗುರುನಾನಕ್ ಜಯಂತಿ- ಸತತ ಮೂರು ದಿನಗಳ ಕಾಲ ರಜೆ ಇದೆ.

ಡಿಸೆಂಬರ್- ಡಿಸೆಂಬರ್ 23 ಶನಿವಾರ, ಡಿಸೆಂಬರ್ 24 ಭಾನುವಾರ, ಡಿಸೆಂಬರ್ 25 ಕ್ರಿಸ್ಮಸ್ ರಜೆ. ಡಿಸೆಂಬರ್ 26ರಂದು ಬಾಕ್ಸಿಂಗ್ ಡೇ ರಜೆ ಕೂಡ ಇದೆ. ಡಿಸೆಂಬರ್ 22ರಂದು ರಜೆ ತೆಗೆದುಕೊಂಡರೆ ಸತತ ಐದು ದಿನಗಳ ಕಾಲ ಲಾಂಗ್ ವೀಕೆಂಡ್ ಎಂಜಾಯ್ ಮಾಡಬಹುದು.