Kulhad Tea: ಮಣ್ಣಿನ ಲೋಟದಲ್ಲಿ ಟೀ ಕುಡಿದರೆ ಯಾವ್ದೇ ಸೋಂಕು ನಿಮ್ಮನ್ನ ಮುಟ್ಟಕ್ಕೆ ಆಗಲ್ಲ

ಚಳಿಗಾಲದಲ್ಲಿ ಜೇಡಿಮಣ್ಣಿನ ಲೋಟದಲ್ಲಿ ಟೀ ಕುಡಿಯುವ ಮಜವೇ ಬೇರೆ. ಹಳ್ಳಿಗಳಲ್ಲಿ ಮಾತ್ರವಲ್ಲದೆ ಈಗ ನಗರಗಳಲ್ಲಿಯೂ ಮಣ್ಣಿನ ಕಪ್‌ಗಳಲ್ಲಿ ಚಹಾ ಜನಪ್ರಿಯವಾಗುತ್ತಿದೆ. ಈ ರೀತಿ ಮಟ್ಟನ ಲೋಟದಲ್ಲಿ ಟೀ ಕುಡಿಯುವುದರಿಂದ ಹಲವಾರು ಆರೋಗ್ಯ ಪ್ರಯೋಜನಗಳಿದೆ.

ಗ್ರಾಮೀಣ ಪ್ರದೇಶದ ಅನೇಕ ರೈಲು ನಿಲ್ದಾಣಗಳು ಮತ್ತು ಮನೆಗಳಲ್ಲಿ ಕಂಡುಬರುವ ಈ ಮಣ್ಣಿನ ಲೋಟಗಳು ಈಗ ದೊಡ್ಡ ಮಾಲ್ಗಳು ಮತ್ತು ಅಂಗಡಿಗಳ ಹೆಮ್ಮೆ. ಮಣ್ಣಿನ ಕಪ್ನಲ್ಲಿ ಕುಡಿದ ಚಹಾವು ಒಂದು ವಿಶಿಷ್ಟವಾದ ಪರಿಮಳವನ್ನು ನೀಡುತ್ತದೆ, ಇದು ಚಹಾದ ರುಚಿಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ.

ಆದರೆ ಅವು ನಮ್ಮ ಆರೋಗ್ಯಕ್ಕೆ ಹಾನಿ ಮಾಡುತ್ತಿವೆಯೇ? ಇಂತಹ ಪ್ರಶ್ನೆ ಅನೇಕ ಜನರ ಮನಸ್ಸಿನಲ್ಲಿ ಉದ್ಭವಿಸುತ್ತದೆ. ಆದರೆ ಮಣ್ಣಿನ ಲೋಟದಲ್ಲಿ ಚಹಾ ಕುಡಿಯುವುದರಿಂದ ಯಾವುದೇ ಹಾನಿ ಇಲ್ಲ. ಇದಕ್ಕೆ ವಿರುದ್ಧವಾಗಿ, ಅವು ನಮ್ಮ ಆರೋಗ್ಯಕ್ಕೆ ಪ್ರಯೋಜನಕಾರಿ.

ಇದು ಪರಿಸರ ಸ್ನೇಹಿ ಉತ್ಪನ್ನವಾಗಿದೆ. ಚಹಾ ಕುಡಿದ ನಂತರ ಹೊಟ್ಟೆಯಲ್ಲಿನ ಆಮ್ಲೀಯತೆಯ ಸಮಸ್ಯೆಯನ್ನು ದೂರವಿಡಲು ಇದು ಸಹಾಯ ಮಾಡುತ್ತದೆ. ಹಾಗಾದರೆ ಜೇಡಿಮಣ್ಣಿನ ಲೋಟದಲ್ಲಿ ಟೀ ಕುಡಿಯುವುದರಿಂದ ಆಗುವ ಇತರ ಪ್ರಯೋಜನಗಳೇನು ಎಂಬುದು ಇಲ್ಲಿದೆ.

ಸೋಂಕನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ
ನೀವು ಚಹಾ ಅಂಗಡಿಗೆ ಚಹಾ ಕುಡಿಯಲು ಹೋದಾಗ, ನಿಮಗೆ ಪ್ಲಾಸ್ಟಿಕ್ ಅಥವಾ ಗಾಜಿನ ಕಪಪ್​ನಲ್ಲಿ ಚಹಾವನ್ನು ನೀಡಲಾಗುತ್ತದೆ. ಆದರೆ ಈ ಕಪ್​ಗಳನ್ನು ಸರಿಯಾಗಿ ತೊಳೆಯುವುದಿಲ್ಲ.

ಮತ್ತೊಂದೆಡೆ, ಮಣ್ಣಿನ ಕಪ್ ಅನ್ನು ಒಮ್ಮೆ ಮಾತ್ರ ಬಳಸಲಾಗುತ್ತದೆ. ಹಾಗಾಗಿ ಈ ಕಪ್​ನಿಂದ ಯಾವುದೇ ರೀತಿಯ ಸೋಂಕು ತಗಲುವ ಸಾಧ್ಯತೆ ತುಂಬಾ ಕಡಿಮೆ. ಹಾಗಾಗಿ ಇದನ್ನು ಕುಡಿಯುವುದು ನಿಮ್ಮನ್ನ ಸೋಂಕಿನಿಂದ ದೂರವಿಡಲು ಸಹಾಯ ಮಾಡುತ್ತದೆ.

ಜೇಡಿಮಣ್ಣಿನ ಕಪ್ ಗಳಲ್ಲಿ ಕ್ಷಾರೀಯ ಅಂಶವಿದ್ದು, ಇದರಿಂದ ಹೊಟ್ಟೆಯಲ್ಲಿ ಆ್ಯಸಿಡ್ ಶೇಖರಣೆಯಾಗುವುದಿಲ್ಲ, ಹಾಗಾಗಿ ಚಹಾ ಕುಡಿದ ನಂತರ ಗ್ಯಾಸ್ ಸಮಸ್ಯೆ ಇರುವುದಿಲ್ಲ. ಹೀಗಾಗಿ ಈ ಟೀ ಕುಡಿದ ನಂತರ ಹುಳಿ ಬೆಲ್ಚಿಂಗ್, ಜೀರ್ಣಕ್ರಿಯೆ ಸಮಸ್ಯೆಗಳ ಬಗ್ಗೆ ಚಿಂತಿಸಬೇಕಾಗಿಲ್ಲ.

ರಾಸಾಯನಿಕಗಳು ದೇಹವನ್ನು ಪ್ರವೇಶಿಸುವುದಿಲ್ಲ
ಅನೇಕ ಬಾರಿ ನಾವು ಫೋಮ್ ಕಪ್ ಅಥವಾ ಪ್ಲಾಸ್ಟಿಕ್ ಕಪ್ನಲ್ಲಿ ಬಿಸಿ ಚಹಾವನ್ನು ಕುಡಿಯುತ್ತೇವೆ, ಆದ್ದರಿಂದ ಚಹಾವು ರಾಸಾಯನಿಕ ಪರಿಣಾಮವನ್ನು ಹೊಂದಿರುತ್ತದೆ. ಆದರೆ ಈ ಜೇಡಿಮಣ್ಣಿನ ಕಪ್ನಲ್ಲಿ ನೀವು ಚಹಾವನ್ನು ಸೇವಿಸಿದಾಗ, ಇದು ಪರಿಸರ ಸ್ನೇಹಿ ಮತ್ತು ರಾಸಾಯನಿಕ ಮುಕ್ತವಾಗಿದೆ, ಆದ್ದರಿಂದ ನಿಮ್ಮ ದೇಹವು ರಾಸಾಯನಿಕಗಳಿಂದ ದೂರವಿರುತ್ತದೆ.