Weight Loss: ಹೊಸ ಸಿನಿಮಾಗಾಗಿ 15 ಕೆಜಿ ತೂಕ ಇಳಿಸಿಕೊಂಡ ನಟ ಸಿಂಬು

ಸಿನಿಮಾಗಾಗಿ ಸ್ಟಾರ್​ಗಳು ದೇಹದ ತೂಕ ಹೆಚ್ಚಿಸಿಕೊಳ್ಳುವುದು ಹಾಗೂ ಕಡಿಮೆ ಮಾಡುವುದು ಸಾಮಾನ್ಯವಾಗಿ ಹೋಗಿದೆ. ಈಗ ಕಾಲಿವುಡ್​ ನಟ ಸಿಂಬು ಸಹ ಸಿನಿಮಾವೊಂದಕ್ಕಾಗಿ ತುಂಬಾ ಸಪೂರವಾಗಿದ್ದಾರೆ.

ಹೌದು, ಕಾಲಿವುಡ್ ನಟಿ ಸಿಂಬು ನಟನೆಯ ಹೊಸ ಸಿನಿಮಾದ ಪೋಸ್ಟರ್ ಇತ್ತೀಚೆಗಷ್ಟೆ ರಿಲೀಸ್ ಆಗಿದೆ.

ವೆಂಧು ತಾನಿಂಧಾತು ಕಾಡು ಸಿನಿಮಾದಲ್ಲಿ ಸಿಂಬು ಅಲಿಯಾಸ್​ ಸಿಲಂಬರಸನ್​ ನಟಿಸುತ್ತಿದ್ದಾರೆ.

ಈ ಸಿನಿಮಾಗಾಗಿಯೇ ಸಿಂಬು 15 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ.

ತಮ್ಮ ಸಿನಿ ಜೀವನದಲ್ಲಿ ಇದೇ ಮೊದಲ ಬಾರಿಗೆ ಈ ಸಾಹದಕ್ಕೆ ಕೈ ಹಾಕಿದ್ದಾರೆ ಸಿಂಬು.

ಕಳೆದ ಆರು ತಿಂಗಳಿನಿಂದ ತೂಕ ಇಳಿಸಿಕೊಳ್ಳುವ ಪ್ರಯತ್ನದಲ್ಲಿದ್ದರಂತೆ ಈ ನಟ.

ಎರಡು ದಿನಗಳ ಹಿಂದೆ ಸಿಂಬು ತಮ್ಮ ಬಾಡಿ ಟ್ರಾನ್ಸ್​ಫರ್​ಮೇಷನ್​ ಫೋಟೋ ಹಂಚಿಕೊಂಡಿದ್ದು, ನಟನಿಗೆ ಸಿನಿಮಾ ಕುರಿತಾಗಿ ಇರುವ ಶ್ರದ್ಧೆ ನೋಡಿದ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಆಗಸ್ಟ್​ 6ರಿಂದ ಈ ಸಿನಿಮಾದ ಚಿತ್ರೀಕರಣ ತಿರುಚೆಂದೂರಿನಲ್ಲಿ ಆರಂಭವಾಗಿತ್ತು.

ಈಗ ಕಾರಣಾಂತರಗಳಿಂದಾಗಿ ಈ ಚಿತ್ರದ ಚಿತ್ರೀಕರಣ ಸ್ಥಗಿತಗೊಂಡಿದೆಯಂತೆ.

ಈ ಸಿನಿಮಾದಲ್ಲಿ ನಟಿ ರಾಧಿಕಾ ಶರತ್​ ಕುಮಾರ್ ಸಹ ನಟಿಸುತ್ತಿದ್ದು, ಅಮ್ಮ-ಮಗನಾಗಿ ಇವರು ಕಾಣಿಸಿಕೊಳ್ಳಲಿದ್ದಾರಂತೆ. ಕೆಲವು ದಿನಗಳ ಹಿಂದೆ ರಾಧಿಕಾ ಹಾಗೂ ಸಿಂಬು ಅವರ ಫೋಟೋ ಒಂದು ಸಾಮಾಜಿ ಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.