Health Tips: ಮಾವಿನ ಹಣ್ಣಿನ ಜೊತೆಗೆ ಎಂದಿಗೂ ಈ ಆಹಾರಗಳನ್ನು ತಿನ್ನಲೇಬೇಡಿ!

ಮಾವಿನ ಹಣ್ಣು ಅಂತ ಹೇಳಿದ ಕೂಡಲೇ ಅದೆಷ್ಟೋ ಜನರಿಗೆ ಬಾಯಲ್ಲಿ ನೀರೂರುವುದು ಕಾಮನ್​. ಅದು ಬೇರೆ ಈಗ ಸೀಸನ್​. ಸಖತ್​ ಹುಳಿಯಿಂದ ಹಿಡಿತು ಸ್ವೀಟ್​ ಆಗಿರೋ ಎಲ್ಲಾ ಜಾತಿಯ ಮಾವಿನ ಹಣ್ಣುಗಳು ಮಾರುಕಟ್ಟೆಗಳಲ್ಲಿ ಲಭ್ಯವಿರುತ್ತದೆ.

ಆದ್ರೆ ಮಾವಿನ ಹಣ್ಣನ್ನು ತಿನ್ನೋ ಖುಷಿಯಲ್ಲಿ ಈ ತಪ್ಪುಗಳನ್ನು ಮಾಡಬೇಡಿ. ನೀವು ಮಾವಿನ ಹಣ್ಣಿನ ಜೊತೆಗೆ ಯಾವುದೇ ಕಾರಣಕ್ಕೂ ಈ ಆಹಾರಗಳನ್ನು ತಿನ್ನಲೇಬಾರದು. ಇಲ್ಲಿದೆ ನೋಡಿ ವಿಷಯ.

ಹಾಗಲಕಾಯಿ: ಹಾಗಲಕಾಯಿ ಸಾಮಾನ್ಯ ದಿನಗಳಲ್ಲಿ ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಆದರೆ ಮಾವಿನ ಹಣ್ಣಿಗೆ ಹಾಗಲಕಾಯಿ ವಿರುದ್ಧ ಆಹಾರವಾಗಿದೆ. ನಿಮ್ಮ ಊಟದಲ್ಲಿ ಹಾಗಲಕಾಯಿ ಇದ್ದು ಊಟದ ಜೊತೆ ನೀವು ಮಾವಿನ ಹಣ್ಣನ್ನು ತಿಂದರೆ ಅದು ನಿಮ್ಮ ಆರೋಗ್ಯಕ್ಕೆ ಹಾನಿಯುಂಟುಮಾಡುತ್ತದೆ. ಮಾವು ಮತ್ತು ಹಾಗಲಕಾಯಿಯಿಂದ ಶರೀರದಲ್ಲಿ ರಿಯಾಕ್ಷನ್ ಆಗುತ್ತದೆ. ಇದರಿಂದ ವಾಂತಿ, ಜ್ವರ , ತಲೆ ನೋವು ಬರುವ ಸಾಧ್ಯತೆ ಹೆಚ್ಚಿದೆ.

ಮಾಂಸಹಾರ: ನಾನ್ ವೆಜ್ ಪ್ರಿಯರು ಗಮನದಲ್ಲಿ ಇಟ್ಟುಕೊಳ್ಳಲೇ ಬೇಕಾದ ವಿಚಾರವಿದು. ಮಾವಿನಹಣ್ಣು ಮತ್ತು ಮಾಂಸವನ್ನು ಒಟ್ಟಿಗೆ ಜೀರ್ಣಿಸಿಕೊಳ್ಳುವುದು ಕಷ್ಟ. ನಾನ್​ ವೆಜ್​ ತಿಂದು 2 ಗಂಟೆಯ ಬಳಿಕ ಮಾವಿನ ಹಣ್ಣನ್ನು ತಿನ್ನಿ.

ಹಸಿಮೆಣಸು: ಮಾವಿನ ಹಣ್ಣು ಮತ್ತು ಹಸಿಮೆಣಸನ್ನು ಒಂದಾದ ನಂತರ ಒಂದು ತಿನ್ನಬೇಕೆಂದರೆ ಕನಿಷ್ಠ 3ರಿಂದ ನಾಲ್ಕು ಗಂಟೆಗಳ ಅಂತರವಿರಬೇಕು. ಖಾರದ ಐಟಮ್​ ಜೊತೆಗೆ ಯಾವುದೇ ಕಾರಣಕ್ಕೂ ನೀವು ಸಿಹಿ ಆಹಾರವನ್ನು ತಿನ್ಬಾರ್ದು. ಅದಾಗ್ಯೂ ಕೂಡ, ಮಾವಿನ ಹಣ್ಣಿನ ಜೊತೆಗೆ ಈ ಹಸಿಮೆಣಸು ತಿನ್ಬೇಡಿ.

ಮೊಸರು: ಮಾವಿನ ಹಣ್ಣಿನ ಜ್ಯೂಸ್​ ಇಷ್ಟ ಪಡುವವರು ಇರ್ತಾರೆ. ಇನ್ನು ಕೆಲವರು ಅದರ ಗೊರಟನ್ನು ಮಾತ್ರ ತಿಂತಾರೆ. ಆದರೆ ಯಾವುದೇ ಕಾರಣಕ್ಕೂ ನೀವು ಮೊಸರಿನ ಜೊತೆಗೆ ಮಾವಿನ ಹಣ್ಣನ್ನು ತಿನ್ನುವ ಹಾಗಿಲ್ಲ.

ನೀರು: ಸಣ್ಣವರಿದ್ದಾಗ ಅದೆಷ್ಟೋ ಜನರಿಗೆ ಹೇಳಿರಬಹುದು. ಮಾವಿನ ಕಾಯಿ ಮತ್ತು ಮಾವಿನ ಹಣ್ಣನ್ನು ತಿಂದು ನೀರನ್ನು ಕುಡಿಬೇಡಿ ಅಂತ. ಇದು ದೇಹದ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ. ಹಾಗಾಗಿ ಮಾವಿನಹಣ್ಣನ್ನು ತಿಂದು ಅರ್ಧಗಂಟೆಯ ನಂತರ ನೀರು ಕುಡಿಯುವುದು ಒಳ್ಳೆಯದು.

ಮಸಾಲೆ ಪದಾರ್ಥ: ಮಸಾಲೆ ಮಿಶ್ರಣವಿರುವ ಆಹಾರದ ಜೊತೆಗೆ ಯಾವುದೇ ಕಾರಣಕ್ಕೂ ಮಾವಿನ ಹಣ್ಣು ತಿನ್ಬಾರ್ದು. ಇವೆರಡರ ಕಾಂಬಿನೇಶನ್ ನಿಂದ ದೇಹದಲ್ಲಿ ಹುಣ್ಣು, ಮೊಡವೆ ಚರ್ಮದ ಖಾಯಿಲೆಗಳು ಹುಟ್ಟಬಹುದು.