Check Diabetes: ನಿಮ್ಮ ಕಣ್ಣಿನಲ್ಲಿ ಈ ರೀತಿ ಆಗಿದ್ರೆ ಶೀಘ್ರದಲ್ಲೇ ಸಕ್ಕರೆ ಖಾಯಿಲೆ ಬರುವ ಸಾಧ್ಯತೆ ಇದೆ ಎಂದರ್ಥ, ಚೆಕ್ ಮಾಡಿ!

ಭಾರತದಲ್ಲಿ ಮಧುಮೇಹದಿಂದ ಬಳಲುತ್ತಿರುವವರ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಲೇ ಇದೆ. ಅದರಲ್ಲೂ ಪುರುಷರಿಗಿಂತ ಮಹಿಳೆಯರಲ್ಲಿ ಈ ಸಂಖ್ಯೆ ಜಾಸ್ತಿಯೇ ಎನ್ನುತ್ತಾರೆ ವೈದ್ಯರು. ಮಧುಮೇಹ ಯಾಕೆ ಬರುತ್ತದೆ ಎನ್ನುವುದಕ್ಕೆ ನಾನಾ ಕಾರಣಗಳಿವೆ. ಅನುವಂಶಿಕ, ದೇಹಪ್ರಕೃತಿ, ಜೀವನಶೈಲಿ, ಆಹಾರ ಪದ್ಧತಿ ಹೀಗೆ ನಾನಾ ಕಾರಣಗಳಿವೆ

ಪೌಷ್ಟಿಕಾಂಶದಲ್ಲಿ ವ್ಯತ್ಯಾಸ, ದೇಹದ ಒಟ್ಟಾರೆ ಗುಣ, ನಮ್ಮ ಆಹಾರ ಪದ್ಧತಿ, ಹಾರ್ಮೋನುಗಳಲ್ಲಿ ವ್ಯತ್ಯಾಸ ಕೂಡಾ ಮಧುಮೇಹಕ್ಕೆ ಕಾರಣವಾಗಬಹುದು. ಆರಂಭಿಕ ಹಂತದಲ್ಲೇ ಇವೆಲ್ಲವನ್ನೂ ಗುರುತಿಸುವುದು ಸಾಧ್ಯವಿದೆ. ಪರುಷರು ಮತ್ತು ಮಹಿಳೆಯರು ಇಬ್ಬರಲ್ಲೂ ಈ ಲಕ್ಷಣಗಳು ಬೇರೆ ಬೇರೆಯಾಗಿರುತ್ತವೆ.

Blurred Vision: ಇದು ಮಧುಮೇಹದ ಅತ್ಯಂತ ಆರಂಭಿಕ ಲಕ್ಷಣ. ಮೊದಲೇ ದೃಷ್ಟಿ ಸಮಸ್ಯೆ ಇದ್ದವರು ಕಣ್ಣು ಮಂಜಾದಾಗ ತಮ್ಮ ಪವರ್ ನಲ್ಲಿ ವ್ಯತ್ಯಾಸವಾಗಿದೆ ಎಂದುಕೊಂಡು ಸುಮ್ಮನಿರುವ ಸಾಧ್ಯತೆ ಇರುತ್ತದೆ. ಆದರೆ ಹಾಗೆ ಮಾಡದೆ ನೇರವಾಗಿ ವೈದ್ಯರನ್ನು ಕಾಣಬೇಕು. ನೇತ್ರತಜ್ಞರು ರಕ್ತದಲ್ಲಿನ ಸಕ್ಕರೆ ಅಂಶದ ಪರೀಕ್ಷೆಯನ್ನು ಮಾಡಲು ತಿಳಿಸುತ್ತಾರೆ. ಇದರಿಂದ ಖಂಡಿತವಾಗಿ ಮಧುಮೇಹವಿದ್ದರೆ ಆರಂಭದಲ್ಲೇ ತಿಳಿಯಬಹುದು.

Excessive Fatigue: ವಿಪರೀತ ಸುಸ್ತಾಗುವಿಕೆ ಕೂಡಾ ಮಧುಮೇಹದ ಆರಂಭಿಕ ಲಕ್ಷಣಗಳಲ್ಲೊಂದು. ಆದರೆ ಸುಸ್ತಾಗ್ತಿದೆ ಎಂದ ಕೂಡಲೇ ಡಯಾಬಿಟಿಸ್ ಎಂದರ್ಥವಲ್ಲ. ಸರಿಯಾಗಿ ಆಹಾರ, ನಿದ್ರೆ, ವಿಶ್ರಾಂತಿ ಎಲ್ಲಾ ಆದ ನಂತರವೂ ಅನೇಕರಿಗೆ ಸುಸ್ತು ಕಡಿಮೆ ಆಗುವುದೇ ಇಲ್ಲ. ಅನೇಕ ಬಾರಿ ಮಧುಮೇಹದ ಮುನ್ಸೂಚನೆಯಾಗಿ ವಿಪರೀತದ ಸುಸ್ತನ್ನು ಪರಿಗಣಿಸುತ್ತೇವೆ ಎನ್ನುತ್ತಾರೆ ವೈದ್ಯರು.

ವಿಪರೀತ ಮೂತ್ರವಿಸರ್ಜನೆ: ಹೆಚ್ಚು ನೀರು ಕುಡಿದಿದ್ದೇವೆ ಹಾಗಾಗಿ ಹೆಚ್ಚು ಮೂತ್ರವಿಸರ್ಜನೆ ಆಗುತ್ತಿದೆ ಎಂದುಕೊಂಡು ಅನೇಕರು ಈ ಲಕ್ಷಣವನ್ನು ಗಮನಿಸುವುದಿಲ್ಲ. ಒಂದೆರಡು ದಿನ ನಿಜವಾಗಲೂ ನೀವು ಜಾಸ್ತಿ ನೀರು ಕುಡಿದಿದ್ದಕ್ಕೇ ಹೀಗಾಗಬಹುದು. ಆದ್ರೆ ನಿರಂತರವಾಗಿ ಹೀಗಾದಾಗ ಇದು ಮಧುಮೇಹದ ಆರಂಭ ಎಂದೇ ತಿಳಿಯಬೇಕು. ರಕ್ತದಲ್ಲಿ ಸಕ್ಕರೆಯ ಅಂಶ ಹೆಚ್ಚಾದಾಗ ಹೆಚ್ಚು ನೀರು ಬಿಡುಗಡೆಯಾಗುತ್ತದೆ. ಆಗ ಮೂತ್ರಪಿಂಡದ ಮೇಲೆ ಹೆಚ್ಚಿನ ಒತ್ತಡ ಉಂಟಾದಾಗ ಪದೇ ಪದೇ ಮೂತ್ರವಿಸರ್ಜನೆ ಮಾಡಬೇಕು ಎನಿಸುವುದು ಸಹಜ. ದಿನಕ್ಕೆ ಐದಾರು ಬಾರಿಗಿಂತ ಹೆಚ್ಚು ಸಲ ಮೂತ್ರವಿಸರ್ಜನೆ ಮಾಡುತ್ತಿದ್ದರೆ ಖಂಡಿತಾ ಒಮ್ಮೆ ಡಯಾಬಿಟಿಸ್ ಟೆಸ್ಟ್ ಮಾಡಿಸಿಕೊಳ್ಳಿ.

ತೂಕ ಇಳಿಕೆಯಾಗುವುದು ಕೂಡಾ ಮಧುಮೇಹದ ಲಕ್ಷಣವೇ. ಇದ್ದಕ್ಕಿದ್ದಂತೆ ವಿಪರೀತ ಸಣ್ಣಗಾಗಿದ್ದೀರಾ ಎಂದರೆ ಯಾವುದಕ್ಕೂ ಒಮ್ಮೆ ಶುಗರ್ ಟೆಸ್ಟ್ ಮಾಡಿಸಿಕೊಳ್ಳಿ. ರಕ್ತದಲ್ಲಿ ಸಕ್ಕರೆಯ ಅಂಶ ಹೆಚ್ಚಾದಾಗ ದೇಹತೂಕ ತಾನಾಗೇ ಇಳಿಕೆಯಾಗುತ್ತದೆ.

ಚರ್ಮ ಕಪ್ಪಾಗುವಿಕೆ: ಕುತ್ತಿಗೆ, ಕಂಕಳು, ಮಂಡಿಯ ಹಿಂಭಾಗದಲ್ಲಿ ಚರ್ಮ ಕಪ್ಪಗಾಗಿದೆಯಾ ಗಮನಿಸಿ. ಎಲ್ಲಾ ವಯಸ್ಸಿನವರಲ್ಲೂ ಇದು ಸರ್ವೇ ಸಾಮಾನ್ಯವಾಗಿ ಕಂಡುಬರುವ ಲಕ್ಷಣ. ಆದರೆ ಬಿಸಿಲಿನಲ್ಲಿ ಕೆಲಸ ಮಾಡುತ್ತೇವೆ ಎಂದೋ, ವಯಸ್ಸಾಗಿದೆ ಎಂದೋ ಈ ಬಗ್ಗೆ ಯಾರೂ ಹೆಚ್ಚು ತಲೆ ಕೆಡಿಸಿಕೊಳ್ಳಲ್ಲ. ಆದ್ರೆ ಚರ್ಮ ಕಪ್ಪಾಗುವಿಕೆ ಮಧುಮೇಹದ ಲಕ್ಷಣಗಳಲ್ಲೊಂದು. ಇದನ್ನು ಗಮನಿಸಿ ಪರೀಕ್ಷಿಸಿಕೊಂಡರೆ ಮಧುಮೇಹದಿಂದ ನಂತರ ಆಗಬಹುದಾದ ಎಲ್ಲಾ ಅಪಾಯಗಳನ್ನೂ ಮೊದಲೇ ಗುರುತಿಸಿ ಚಿಕಿತ್ಸೆ ಪಡೆಯಬಹುದು.

ಒಂದು ವೇಳೆ ನಿಮ್ಮ ದೇಹದಲ್ಲಿ ಸಕ್ಕರೆ ಪ್ರಮಾಣ ಹೆಚ್ಚಿದ್ದರೆ ಆಗ ಗಾಯಗಳು ಬೇಗ ಗುಣವಾಗುವುದಿಲ್ಲ. ಗಾಯ ಉಂಟಾದ ಸ್ಥಳದಲ್ಲೇ ಗ್ಲೂಕೋಸ್ ಕಣಗಳು ದಾಳಿ ಮಾಡುವುದರಿಂದ ರಕ್ತ ಹೆಪ್ಪುಗಟ್ಟುವುದು ಮತ್ತು ಗಾಯ ಮಾಯುವುದು ತಡವಾಗುತ್ತದೆ. ನಿಮಗೆ ಏನಾದರೂ ಏಟಾಗಿದ್ದು ಅದು ಬೇಗ ಗುಣವಾಗುತ್ತಿಲ್ಲ ಎಂದಾದರೆ ಒಮ್ಮೆ ಮಧುಮೇಹದ ಪರೀಕ್ಷೆ ಮಾಡಿಸಿಕೊಳ್ಳಿ.

ಮನೆಯಲ್ಲಿ ಇರುವ ಹಿರಿಯರಿಗೆ ಇದರಲ್ಲಿ ಕೆಲವೊಂದಷ್ಟು ಸಮಸ್ಯೆಗಳು ಸರ್ವೇಸಾಮಾನ್ಯ ಎನ್ನುವಂತೆ ಕಂಡುಬರಬಹುದು. ಅದರ ಬಗ್ಗೆ ನಾವೇ ಗಮನಿಸಿ, ಅವರಿಗೆ ತಿಳುವಳಿಕೆ ನೀಡಿ ಬೇಗ ಚಿಕಿತ್ಸೆ ಕೊಡಿಸಿದರೆ ಅಪಾಯದಿಂದ ಅವರನ್ನು ಪಾರು ಮಾಡಬಹುದು.