Ragi Side Effects: ಈ ಆರೋಗ್ಯ ಸಮಸ್ಯೆಗಳಿದ್ರೆ ಅಪ್ಪಿ-ತಪ್ಪಿ ರಾಗಿ ತಿನ್ಬೇಡಿ

ರಾಗಿಯು ಕಬ್ಬಿಣ ಮತ್ತು ನಾರಿನಂಥ ಪೋಷಕಾಂಶಗಳಿಂದ ಸಮೃದ್ಧವಾಗಿದೆ. ಆದರೆ, ದೇಹದಲ್ಲಿ ಏನಾದರೂ ತೊಂದರೆಯಾದರೆ ಇದನ್ನು ತಿನ್ನದೇ ಇರುವುದು ಉತ್ತಮ ಎನ್ನುತ್ತಾರೆ ತಜ್ಞರು. ಆರೋಗ್ಯ ಸಮಸ್ಯೆ ಇರುವವರು ಹೆಚ್ಚು ರಾಗಿ ತಿನ್ನುವುದರಿಂದ ನಿಮ್ಮ ಸಮಸ್ಯೆಗಳು ಹೆಚ್ಚಾಗುತ್ತದೆ.

ನಿಮಗೆ ಮೂತ್ರಪಿಂಡದ ಕಲ್ಲುಗಳು ಅಥವಾ ಮೂತ್ರಪಿಂಡದ ಸಂಬಂಧಿತ ಸಮಸ್ಯೆಗಳಿದ್ದರೆ ನೀವು ರಾಗಿಯನ್ನು ತಿನ್ನಬಾರದು. ಇದು ಸಮಸ್ಯೆಯನ್ನು ಉಲ್ಬಣಗೊಳಿಸಬಹುದು ಎಂದು ವೈದ್ಯರು ಹೇಳುತ್ತಾರೆ.

ಥೈರಾಯ್ಡ್
ಥೈರಾಯ್ಡ್ ಸಮಸ್ಯೆಯಿಂದ ಬಳಲುತ್ತಿರುವ ಜನರು ಸಹ ರಾಗಿಯನ್ನು ತಿನ್ನುವುದನ್ನ ಬಿಡಬೇಕು. ವಿಶೇಷವಾಗಿ ನೀವು ಹೈಪೋಥೈರಾಯ್ಡಿಸಮ್ ನಿಂದ ಬಳಲುತ್ತಿದ್ದರೆ, ನೀವು ಇದನ್ನು ತಿನ್ನಬಾರದು.

ಜೀರ್ಣಾಂಗ
ಜೀರ್ಣಾಂಗವ್ಯೂಹದ ಸಮಸ್ಯೆ ಇರುವವರು ಸಹ ರಾಗಿ ತಿನ್ನಬಾರದು. ಅದರಲ್ಲೂ ಹಸಿವಾಗದಿರುವುದು, ಊತ, ಅಜೀರ್ಣದಂತಹ ಸಮಸ್ಯೆ ಇರುವವರು ತಿನ್ನಬಾರದು.

ಚಳಿಗಾಲದಲ್ಲಿ
ಸಾಮಾನ್ಯವಾಗಿ ಚಳಿಗಾಲದಲ್ಲಿ ರಾಗಿ ತಿನ್ನುವುದನ್ನು ತಪ್ಪಿಸುವುದು ಉತ್ತಮ. ನೀವು ವಿಶೇಷವಾಗಿ ತಣ್ಣನೆಯ ವಸ್ತುಗಳನ್ನು ಮುಟ್ಟಬೇಡಿ. ಇದು ದೇಹದ ಉಷ್ಣತೆಯನ್ನು ಕಡಿಮೆ ಮಾಡುತ್ತದೆ ಮತ್ತು ತಂಪಾಗುವಿಕೆಯನ್ನು ಹೆಚ್ಚಿಸುತ್ತದೆ. ಮಳೆಗಾಲದಲ್ಲಿಯೂ ರಾಗಿ ಸೇವನೆಯಿಂದ ದೂರವಿರುವುದು ಉತ್ತಮ.

ಮಲಬದ್ಧತೆ
ರಾಗಿ ಕೆಲವು ಜನರಲ್ಲಿ ಮಲಬದ್ಧತೆ ಸಮಸ್ಯೆಗಳನ್ನು ಉಂಟುಮಾಡಬಹುದು. ಈ ಸಮಸ್ಯೆ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಆಗಬಹುದು. ಆದ್ದರಿಂದ ನೀವು ಈಗಾಗಲೇ ಮಲಬದ್ಧತೆಯ ಸಮಸ್ಯೆಯಿಂದ ಬಳಲುತ್ತಿದ್ದರೆ ರಾಗಿ ಸೇವನೆ ಮಾಡಬೇಡಿ. ಅದರಲ್ಲೂ ನಾರಿನಂಶ ಹೆಚ್ಚು ಇರುವುದರಿಂದ ರಾಗಿ ತಿಂದ ನಂತರ ಹೆಚ್ಚು ನೀರು ಕುಡಿಯಬೇಕು. ಇಲ್ಲದಿದ್ದರೆ ಮಲಬದ್ಧತೆಗೆ ಕಾರಣವಾಗಬಹುದು.

ಅನೋರೆಕ್ಸಿಯಾ
ಅನೋರೆಕ್ಸಿಯಾ ಸಮಸ್ಯೆ ಇರುವವರು ರಾಗಿ ಸೇವನೆಯಿಂದ ದೂರವಿರುವುದು ಉತ್ತಮ. ಏಕೆಂದರೆ ಇದು ಸಾಮಾನ್ಯವಾಗಿ ತಿಂದ ನಂತರ ಹೊಟ್ಟೆಯನ್ನು ತುಂಬುತ್ತದೆ ಮತ್ತು ದೀರ್ಘಕಾಲದವರೆಗೆ ಹಸಿವನ್ನು ಉಂಟುಮಾಡುವುದಿಲ್ಲ.

ತೂಕ ಹೆಚ್ಚಿಸಲು ಬಯಸುವ ಜನರು ಸಹ ತಿನ್ನುವುದನ್ನು ತಪ್ಪಿಸಬೇಕು. ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಇದು ಉತ್ತಮವಾದ ಆಹಾರವಾಗಿದೆ. ಇದನ್ನು ತಿನ್ನುವುದರಿಂದ ಸುಲಭವಾಗಿ ತೂಕ ಇಳಿಸಿಕೊಳ್ಳಬಹುದು.