Spicy Food: ಗರಂ ಮಸಾಲೆಯಲ್ಲಿ ಯಾವೆಲ್ಲಾ ಮಸಾಲ ಪದಾರ್ಥಗಳಿರುತ್ತವೆ? ಅಷ್ಟಕ್ಕೂ ಈ ಹೆಸರು ಬರಲು ಕಾರಣವೇನು?

ಗರಂ ಮಸಾಲೆ ಕೇವಲ ಆಹಾರಕ್ಕೆ ರುಚಿ ನೀಡುವುದು ಮಾತ್ರವಲ್ಲದೇ, ಆರೋಗ್ಯಕ್ಕೂ ಇದು ತುಂಬಾ ಲಾಭಕಾರಿ. ಇದು ಜೀರ್ಣಕ್ರಿಯೆ ಸಮಸ್ಯೆ ನಿವಾರಿಸುವುದು ಮತ್ತು ಪ್ರತಿರೋಧಕ ಶಕ್ತಿ ವೃದ್ಧಿಸುತ್ತದೆ.

ಕೊತ್ತಂಬರಿ ಬೀಜ, ಜೀರಿಗೆ, ಜಾಯಿಕಾಯಿ, ದಾಲ್ಚಿನ್ನಿ, ಸಾಸಿವೆ, ಸೋಂಪು, ಕರಿಮೆಣಸು ಮತ್ತು ಲವಂಗದಲ್ಲಿ ಅತ್ಯಧಿಕ ಪ್ರಮಾಣದ ಆಂಟಿಆಕ್ಸಿಡೆಂಟ್ ಅಂಶಗಳಿದ್ದು, ಇದು ದೇಹಕ್ಕೆ ಒಳ್ಳೆಯದು.

ವಾಸ್ತವವಾಗಿ ಗರಂ ಮಸಾಲೆ ಉತ್ತರ ಭಾರತದ ಮಸಾಲೆಯಾಗಿದ್ದರೂ, ಗರಂ ಮಸಾಲ ಬಳಕೆಯನ್ನು ಹೆಚ್ಚಾಗಿ ಬಂಗಾಳಿ ಭಕ್ಷ್ಯಗಳಲ್ಲಿ ಬಳಸಲಾಗುತ್ತದೆ. ಅಲ್ಲದೇ ಇದು ಅಲ್ಲಿ ಸಿಕ್ಕಾಪಟ್ಟೆ ಫೇಮಸ್ ಕೂಡ ಹೌದು. ಈ ಮಸಾಲೆಯನ್ನು ಸಸ್ಯಹಾರಿ ಮತ್ತು ಮಾಂಸಾಹಾರಿ ಎರಡು ಖಾದ್ಯಗಳಿಗೂ ಬಳಸಲಾಗುತ್ತದೆ.

ವಿವಿಧ ಮಸಾಲೆಗಳ ಮಿಶ್ರಣದಿಂದ ತಯಾರಿಸಲಾಗುವುದರಿಂದ ಇದನ್ನು ಗರಂ ಮಸಾಲೆ ಅಂತ ಕರೆಯಲಾಗುತ್ತದೆ. ಆಯುರ್ವೇದದ ಪ್ರಕಾರ ಈ ಮಸಾಲೆ ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ.

ಈ ಮಿಶ್ರಣದಲ್ಲಿ ಒಂದಕ್ಕಿಂತ ಹೆಚ್ಚು ಮಸಾಲೆಗಳಿದೆ. ಮಸಾಲೆಗಳು ಸ್ಥಳದಿಂದ ಸ್ಥಳಕ್ಕೆ ಬದಲಾಗುತ್ತವೆ. ಆದರೆ ಕೆಲವು ಮೂಲ ಮಸಾಲೆಗಳು ಒಂದೇ ಆಗಿರುತ್ತವೆ. ಹಾಗಾದರೆ ಗರಂ ಮಸಾಲೆಗಳಲ್ಲಿ ಯಾವ ಮಸಾಲೆಗಳಿವೆ ಎಂದು ತಿಳಿಯೋಣ ಬನ್ನಿ.

ದಾಲ್ಚಿನ್ನಿ, ಲವಂಗ, ಸಣ್ಣ ಮತ್ತು ದೊಡ್ಡ ಏಲಕ್ಕಿ, ಸೊಂಪು, ಬೇ ಎಲೆ ಅಥವಾ ಪುಲಾವ್ ಎಲೆಗಳು ಮತ್ತು ಒಣ ಮೆಣಸಿನಕಾಯಿಗಳನ್ನು ಗರಂ ಮಸಾಲೆಯನ್ನು ತಯಾರಿಸಲು ಬಳಸಲಾಗುತ್ತದೆ.

ಕೆಲವೊಮ್ಮೆ ಗರಂ ಮಸಾಲಾ ಮಿಶ್ರಣದಲ್ಲಿ ಜೀರಿಗೆ, ಕೊತ್ತಂಬರಿ, ಜಾಯಿಕಾಯಿ ಮತ್ತು ನಕ್ಷತ್ರ ಹೂ ಕೂಡ ಸೇರಿಸಲಾಗುತ್ತದೆ. (ಹಕ್ಕುತ್ಯಾಗ: ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ಹೆಚ್ಚಿನ ವಿವರಗಳಿಗಾಗಿ ಯಾವುದಾದರೂ ತಜ್ಞರ ಸಲಹೆಯನ್ನು ಪಡೆಯಿರಿ)