Weight Loss: ಖಾಲಿ ಹೊಟ್ಟೆಯಲ್ಲಿ ಪ್ರತಿ ದಿನ ಇಡ್ಲಿ ತಿನ್ನಿ, ತೂಕ ಕಳೆದುಕೊಂಡು ಏಳು ಮಲ್ಲಿಗೆಯಂತೆ ಹಗುರವಾಗ್ತೀರಿ!

ಇಡ್ಲಿ ದಕ್ಷಿಣ ಭಾರತದಲ್ಲಿ ಮಾತ್ರವಲ್ಲದೇ ಭಾರತದಾದ್ಯಂತ ಬಹಳ ಜನಪ್ರಿಯವಾಗಿದೆ. ಸಾಂಬಾರ್ ಮತ್ತು ಚಟ್ನಿ ಜೊತೆಗೆ ಇಡ್ಲಿಯನ್ನು ನೋಡಿದಾಗ ಅನೇಕ ಮಂದಿಗೆ ಬಾಯಲ್ಲಿ ನೀರು ಬರುತ್ತದೆ. ಅಲ್ಲದೇ ಇಡ್ಲಿಯನ್ನು ತಿನ್ನುವುದರಿಂದ ಎದೆಯುರಿ ಬರುವುದಿಲ್ಲ. ಅಷ್ಟೇ ಅಲ್ಲ ಇಡ್ಲಿ ತಿನ್ನುವುದರಿಂದ ತೂಕ ಇಳಿಸಿಕೊಳ್ಳಬಹುದು ಎಂಬ ವಿಚಾರ ನಿಮಗೆ ತಿಳಿದಿದ್ಯಾ?

ಇಡ್ಲಿ ಬಹುಬೇಗ ಜೀರ್ಣವಾಗುತ್ತದೆ. ಈ ಆಹಾರವನ್ನು ಸ್ವಲ್ಪ ವಿಭಿನ್ನ ರೀತಿಯಲ್ಲಿ ತಯಾರಿಸುವುದರಿಂದ ಇಡ್ಲಿ ಬಹಳ ಬೇಗನೆ ಜೀರ್ಣವಾಗುತ್ತದೆ. ಜೊತೆಗೆ ಈ ಆಹಾರಗಳಲ್ಲಿ ಕಬ್ಬಿಣದ ಅಂಶವೂ ಸಮೃದ್ಧವಾಗಿದೆ.

ನೀವು ದೇಹದ ತೂಕ ಇಳಿಸಿಕೊಳ್ಳಲು ಹಸಿವಿನಿಂದ ಬಳಲುವ ಅಗತ್ಯವಿಲ್ಲ. ಬದಲಾಗಿ ಇಡ್ಲಿ ತಿಂದು ಹೊಟ್ಟೆ ತುಂಬಿಸಿಕೊಂಡರೆ ಬೇಗ ತೂಕ ಕಡಿಮೆಯಾಗುತ್ತದೆ. ಇಡ್ಲಿಗಳು ತುಂಬಾ ಕಡಿಮೆ ಕ್ಯಾಲೋರಿಗಳನ್ನು ಹೊಂದಿದ್ದು, ಇದು ನಿಮ್ಮನ್ನು ದೀರ್ಘಕಾಲದವರೆಗೆ ಹೊಟ್ಟೆ ತುಂಬಿಸುವುದರೊಂದಿಗೆ ತೂಕವನ್ನು ಇಳಿಸಿಕೊಳ್ಳಲು ಸಹಾಯಕವಾಗಿದೆ.

ಇಡ್ಲಿಯನ್ನು ಹಬೆಯಲ್ಲಿ ತಯಾರಿಸುವುದರಿಂದ ದೇಹಕ್ಕೆ ಯಾವುದೇ ಹಾನಿಯಾಗುವುದಿಲ್ಲ. ನೀವು ಇಡ್ಲಿ ಜೊತೆಗೆ ನಿಮಗೆ ಇಷ್ಟವಾಗುವ ತರಕಾರಿಗಳು ಅಥವಾ ಬೇಳೆಕಾಳುಗಳೊಂದಿಗೆ ಪಲ್ಯ ಅಥವಾ ಸಾಂಬಾರ್ ಅನ್ನು ತಿನ್ನಬಹುದು. ಇದು ಆರೋಗ್ಯಕ್ಕೆ ಕೂಡ ತುಂಬಾ ಒಳ್ಳೆಯದು.

ಇಡ್ಲಿಯಲ್ಲಿ ನಾರಿನಂಶ ಹೇರಳವಾಗಿದ್ದು ತೂಕ ಇಳಿಸಿಕೊಳ್ಳಲು ನೆರವಾಗುತ್ತದೆ. ದಿನವಿಡೀ ಇಡ್ಲಿ ತಿನ್ನುವುದತಿಂದ ತೂಕ ಕೂಡ ಹೆಚ್ಚಾಗುವುದಿಲ್ಲ ಮತ್ತು ಅಧಿಕ ಕೊಬ್ಬನ್ನು ಬೇಗನೆ ಕಳೆದುಕೊಳ್ಳಬಹುದು. ಇನ್ನೂ ಇಡ್ಲಿ ದಕ್ಷಿಣ ಭಾರತದಲ್ಲಿ ಹುಟ್ಟಿಕೊಂಡಿತು ಎಂದು ಹಲವರು ಹೇಳುತ್ತಾರೆ. ಆದರೆ ಇದು ನಿಜವಲ್ಲ. ಇಡ್ಲಿ ಸುಮಾರು 800 CE ಭಾರತಕ್ಕೆ ಬಂದಿತು ಎಂದು ಹೇಳಲಾಗುತ್ತದೆ.

ಭಾರತೀಯ ಇಡ್ಲಿಯು ಇಂಡೋನೇಷಿಯಾದ ರಾಜಕುಟುಂಬ ಅಡುಗೆಮನೆಯಿಂದ ಹುಟ್ಟಿಕೊಂಡಿದೆ ಎಂದು ಆಹಾರ ಚರಿತ್ರಕರಾರು ನಂಬುತ್ತಾರೆ. ಭಾರತದಲ್ಲಿ ಮಾಡುವ ಇಡ್ಲಿಯು ಇಂಡೋನೇಷ್ಯಾದಲ್ಲಿ ಮಾಡುವ ಕೆಡ್ಲಿಯನ್ನು ಹೋಲುತ್ತದೆ. ಇದರ ಪ್ರಸ್ತಾವನೆ 920CE ರಲ್ಲಿ ಹೊರಗಡೆ ಬಂದಿದೆ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)