Health Tips: ಸಿಗರೇಟ್ ಚಟ ಬಿಡೋಕಾಗಲ್ಲ ಅಂದ್ರೆ ಈ ಆಹಾರವನ್ನಾದ್ರೂ ತಿನ್ನಿ! ನಿಮ್ಮ ಶ್ವಾಸಕೋಶಕ್ಕೆ ಹೆಲ್ಪ್ ಆಗಬಹುದು

ಧೂಮಪಾನ ಮಾಡುವ ಅಭ್ಯಾಸ ಇದ್ದವರಿಗೆ ಹೃದಯದ ತೊಂದರೆ ಕಟ್ಟಿಟ್ಟ ಬುತ್ತಿ. ಏಕೆಂದರೆ ಸಿಗರೇಟ್ ತನ್ನಲ್ಲಿ ರಾಸಾಯನಿಕ ಅಂಶಗಳನ್ನು ಒಳಗೊಂಡಿರುತ್ತದೆ. ಇದು ರಕ್ತನಾಳಗಳನ್ನು ಬ್ಲಾಕ್ ಮಾಡುತ್ತದೆ. ಇದರಿಂದ ಸರಿಯಾಗಿ ರಕ್ತ ಸಂಚಾರ ಆಗುವುದಿಲ್ಲ. ಯಾವುದೇ ಸಂದರ್ಭ ದಲ್ಲಿ ಹೃದಯದ ಮೇಲೆ ಅತಿ ಹೆಚ್ಚಿನ ಒತ್ತಡ ಉಂಟಾಗಿ ಹೃದಯಾಘಾತ ಆಗಬಹುದು ಮತ್ತು ಇದ್ದಕ್ಕಿ ದ್ದಂತೆ ಸಾವು ಸಂಭವಿಸಬಹುದು.

ಶ್ವಾಸಕೋಶಗಳು ಆರೋಗ್ಯವಾಗಿರಲು ಉಸಿರಾಟದ ವ್ಯಾಯಾಮ, ಆರೋಗ್ಯಕರ ಆಹಾರ ಸೇವನೆ ಅತ್ಯಗತ್ಯ. ಶ್ವಾಸಕೋಶವನ್ನು ಆರೋಗ್ಯಕರವಾಗಿಡಲು ಕೆಲವು ಆಹಾರಗಳಿವೆ. ಆ ಆಹಾರಗಳ ಬಗ್ಗೆ ತಿಳಿಯೋಣ ಬನ್ನಿ.

ಸಂಶೋಧಕರ ಪ್ರಕಾರ, ವಿಟಮಿನ್ ಸಿ, ಇ ಮತ್ತು ಬೀಟಾ-ಕ್ಯಾರೋಟಿನ್ ಶ್ವಾಸಕೋಶದ ಸರಿಯಾದ ಕಾರ್ಯನಿರ್ವಹಣೆಗೆ ಬಹಳ ಮುಖ್ಯ ಎಂದು ಖಾಸಗಿ ವೆಬ್​ಸೈಟ್​ವೊಂದರಲ್ಲಿ ಪ್ರಕಟಿಸಲಾಗಿದೆ. ಅಲ್ಲದೇ ಈ ಎಲ್ಲಾ ಅಂಶಗಳು ಸೇಬಿನಲ್ಲಿ ಅಡಗಿದೆ. ಸೇಬುಗಳಲ್ಲಿ ಉತ್ಕರ್ಷಣ ನಿರೋಧಕಗಳು ಸಮೃದ್ಧವಾಗಿವೆ. ಇದು ಶ್ವಾಸಕೋಶವನ್ನು ಆರೋಗ್ಯಕರವಾಗಿಡಲು ಸಹಾಯಕರವಾಗಿದೆ.

ಒಮೆಗಾ-3 ಕೊಬ್ಬಿನಾಮ್ಲಗಳು ವಾಲ್ನಟ್ಸ್ನಲ್ಲಿ ಪ್ರಧಾನವಾಗಿರುತ್ತವೆ. ಕೈಬೆರಳೆಣಿಕೆಯಷ್ಟು ವಾಲ್ನಟ್ಸ್ ತಿನ್ನುವುದು ಅಸ್ತಮಾ ಮತ್ತು ಇತರ ಉಸಿರಾಟದ ಸಮಸ್ಯೆಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಒಮೆಗಾ-3 ಕೊಬ್ಬಿನಾಮ್ಲಗಳು ಉರಿಯೂತದ ಪೋಷಕಾಂಶಗಳಾಗಿವೆ. ಇದು ಉರಿಯೂತ-ಸಂಬಂಧಿತ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ.

ಹಣ್ಣುಗಳನ್ನು ತಿನ್ನುವುದರಿಂದ ಶ್ವಾಸಕೋಶಕ್ಕೆ ಹಲವು ವಿಧಗಳಲ್ಲಿ ಪ್ರಯೋಜನವಾಗುತ್ತದೆ. ಇದು ಶ್ವಾಸಕೋಶವನ್ನು ಆರೋಗ್ಯವಾಗಿರಿಸುತ್ತದೆ. ವಿಟಮಿನ್ ಸಿ ನಂತಹ ಉತ್ಕರ್ಷಣ ನಿರೋಧಕಗಳಲ್ಲಿ ಅವು ತುಂಬಾ ಹೆಚ್ಚಿರುತ್ತವೆ, ಇದು ಸ್ವತಂತ್ರ ರಾಡಿಕಲ್ಗಳಿಂದ ಉಂಟಾಗುವ ಹಾನಿಯಿಂದ ಜೀವಕೋಶಗಳನ್ನು ರಕ್ಷಿಸುತ್ತದೆ.

ಬೆಳ್ಳುಳ್ಳಿ ಫ್ಲೇವನಾಯ್ಡ್ಗಳನ್ನು ಹೊಂದಿರುತ್ತದೆ, ಇದು ಗ್ಲುಟಾಥಿಯೋನ್ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ. ಇದು ಟಾಕ್ಸಿನ್ಗಳು ಮತ್ತು ಕಾರ್ಸಿನೋಜೆನ್ಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಶ್ವಾಸಕೋಶಗಳು ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಹ ಇದು ಸಹಾಯಕರವಾಗಿದೆ.

ಬ್ರೊಕೊಲಿಯಲ್ಲಿ ಫೋಲೇಟ್, ಫೈಟೊಕೆಮಿಕಲ್ಸ್, ವಿಟಮಿನ್ ಸಿ, ಕ್ಯಾರೊಟಿನಾಯ್ಡ್ಗಳು ಅಧಿಕವಾಗಿದ್ದು, ಶ್ವಾಸಕೋಶದಲ್ಲಿ ಹಾನಿಕಾರಕ ಪದಾರ್ಥಗಳ ವಿರುದ್ಧ ಹೋರಾಡುತ್ತವೆ. ಬ್ರೊಕೊಲಿಯು ಎಲ್-ಸಲ್ಫೊರಾಫೇನ್ ಎಂಬ ಸಕ್ರಿಯ ಘಟಕಾಂಶವನ್ನು ಹೊಂದಿದೆ. ಇದು ಜೀವಕೋಶಗಳಲ್ಲಿ ಉರಿಯೂತದ ಜೀನ್ಗಳನ್ನು ಬದಲಾಯಿಸುವ ಮೂಲಕ ಉಸಿರಾಟದ ತೊಂದರೆಗಳಿಂದ ರಕ್ಷಿಸುತ್ತದೆ.

BMC ಕ್ಯಾನ್ಸರ್ ಜನರಲ್ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಇದರಲ್ಲಿ ಇಲಿಗಳಿಗೆ ಅಗಸೆ ಬೀಜದ ಆಹಾರ ನೀಡಿದಾಗ ಅದರ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಾಗಿದೆಯಂತೆ. ಅಲ್ಲದೇ ಕ್ಯಾನ್ಸರ್ ಉಂಟುಮಾಡುವ ವಿಕಿರಣದಿಂದ ಇಲಿಗಳ ಶ್ವಾಸಕೋಶ ರಕ್ಷಿಸುವ ಅಂಶ ಪತ್ತೆಯಾಗಿದೆ. ಬಳಿಕ ವಿಕಿರಣಕ್ಕೆ ಅವುಗಳನ್ನು ಒಳಪಡಿಸಿದಾಗಲೂ ಅದರ ಅಂಗಾಂಶಕ್ಕೆ ಹಾನಿಯಾಗಲಿಲ್ವಂತೆ.