Employees Provident Fund: ಹೀಗೆ ಮಾಡಿದ್ರೆ ಚಿಟಿಕೆ ಹೊಡೆಯುವಷ್ಟರಲ್ಲಿ ಪಿಎಫ್​ ಪಡೆಯಬಹುದು​!

ಕಾರ್ಮಿಕರ ಭವಿಷ್ಯ ನಿಧಿ (EPFO) ಮೊತ್ತವನ್ನು ಟ್ರಾನ್ಸ್​ಫರ್​ ಮಾಡುವುದು ಮತ್ತು ವಿತ್ ಡ್ರಾ ಮಾಡುವುದು ಇನ್ನಷ್ಟು ಸರಳಗೊಳಿಸುವ ನಿಟ್ಟಿನಲ್ಲಿ ಹೊಸ ಫೀಚರ್​ವೊಂದನ್ನು ಪರಿಚಯಿಸಿದೆ.

ಕಾರ್ಮಿಕರು ಆನ್​ಲೈನ್​ ಮೂಲಕ ಸುಲಭವಾಗಿ ಭವಿಷ್ಯನಿಧಿಯನ್ನು ತೆಗೆಯಬಹುದಾಗಿದೆ. ಇದಕ್ಕಾಗಿ ಇಪಿಏಫ್​ಒ ಹೊಸ ಫೀಚರ್ ಅನ್ನು ಬಿಡುಗಡೆ ಮಾಡಿದೆ.

ಈ ಫೀಚರ್ ಮೂಲಕ ಕಾರ್ಮಿಕರು ಉದ್ಯೋಗಕ್ಕೆ ರಾಜೀನಾಮೆ ನೀಡಿದ ಬಳಿಕ ತಾವು ಕೆಲಸ ಬಿಟ್ಟ ದಿನಾಂಕವನ್ನು ಬದಲಾಯಿಸಬಹುದಾಗಿದೆ.

ಭವಿಷ್ಯ ನಿಧಿಯನ್ನು ವರ್ಗಾವಣೆ ಮಾಡಲು ಮತ್ತು ವಿತ್ ಡ್ರಾ ಮಾಡಲು ಕೆಲಸದ ಕೊನೆಯ ದಿನಾಂಕ ಬಹು ಮುಖ್ಯವಾಗಿದೆ.

ಹಾಗಾಗಿ ಇಪಿಎಫ್ಒ ಪೋರ್ಟಲ್​ನಲ್ಲಿ ಹಣವನ್ನು ಡ್ರಾ ಮಾಡಲು ಕೆಲಸ ಬಿಟ್ಟ ದಿನಾಂಕ ನಮೂದಿಸುವುದು ಅವಶ್ಯಕ.

ನೌಕರಿ ಬಿಟ್ಟ ದಿನಾಂಕವನ್ನು ಕೆಲಸಕ್ಕೆ ರಾಜೀನಾಮೆ ನೀಡಿದ ಕನಿಷ್ಠ ಎರಡು ತಿಂಗಳಿನ ಬಳಿಕ ಅಪ್ಡೇಟ್ ಮಾಡಬಹುದಾಗಿದೆ.

ನೌಕರಿ ಬಿಟ್ಟ ದಿನಾಂಕವನ್ನು ಅಪ್ಡೇಟ್ ಮಾಡುವುದು ಹೇಗೆ?

ಯುನಿವರ್ಸಲ್ ಅಕೌಂಟ್ ನಂಬರ್(UNO) ಹಾಗೂ ಪಾಸ್ ವರ್ಡ್ ಸಹಾಯದಿಂದ ಯುಎಎನ್​ಗೆ ಲಾಗಿನ್ ಆಗಿ

ನಂತರ ಪೇಜ್​ನಲ್ಲಿ ಕಾಣಿಸಿಕೊಳ್ಳುವ ಮ್ಯಾನೇಜ್​ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿ.

ಬಳಿಕ ಮಾರ್ಕ್ ಎಕ್ಸಿಟ್ ಆಯ್ಕೆಯನ್ನು ಕ್ಲಿಕ್ ಮಾಡಿ.

ಅದರಲ್ಲಿ ಸೆಲೆಕ್ಟ್ ಎಂಪ್ಲಾಯ್​​ಮೆಂಟ್​ನಿಂದ ಈ ಹಿಂದಿನ ಪಿಎಫ್ ಅಕೌಂಟ್ ನಂಬರ್ ಆಯ್ಕೆ ಮಾಡಿ.

ದಿನಾಂಕ ಆಯ್ಕೆ ಮಾಡಿ. ನೌಕರಿಗೆ ರಾಜೀನಾಮೆ ನೀಡಲು ಕಾರಣವೇನು ಎಂಬುದನ್ನು ನಮೂದಿಸಿ.

ನಂತರ ಗುರುತು ದೃಢೀಕರಣಗೊಳಿಸಲು ಆಧಾರ್ ಲಿಂಕ್ ಮಾಡಿದ ಮೊಬೈಲ್ ನಂಬರ್​ಗೆ ಒಟಿಪಿ ಬರುತ್ತದೆ.

ಇದನ್ನು ನಮೂದಿಸಿದ ಬಳಿಕ ವಿತ್ ಡ್ರಾ ಮಾಡಬಹುದುದಾಗಿದೆ