Child Health: ನಿಮ್ಮ ಮಕ್ಕಳು ರಾತ್ರಿಯಿಡೀ ಹಠ ಮಾಡುತ್ತಾ ಇದ್ದಾರಾ? ಹೊಡಿಬೇಡಿ ಅವ್ರಿಗೆ, ಈ ಟಿಪ್ಸ್​ ಫಾಲೋ ಮಾಡಿ

ಮಗು  ದಿನವಿಡೀ ನಿದ್ರೆ ಮಾಡುತ್ತವೆ. ಆದರೆ, ರಾತ್ರಿ ಆಗುತ್ತಾ ಅವುಗಳು ಎಚ್ಚರಗೊಳ್ಳುತ್ತವೆ. ಪೋಷಕರಿಗೂ ನಿದ್ರೆ ಇರೋದಿಲ್ಲ. ಇದು ಸರಿಸುಮಾರು ಒಂದು ವರ್ಷದ ತನಕವೂ ಈ ಹಠ ಮಕ್ಕಳಲ್ಲಿ ಇದ್ದೇ ಇರುತ್ತದೆ.

ಅದುವೇ ಬೆಳೆಯುತ್ತಾ ಸಾಮಾನ್ಯ ಮನುಷ್ಯರ ಜೀವನಕ್ಕೆ ಹೊಂದಿಕೊಂಡು ಬದುಕಲು ಮಕ್ಕಳು ಕಲಿಯುತ್ತಾರೆ. ರಾತ್ರಿಹೊತ್ತು ಹಠ ಮಾಡದೇ ಸುಮ್ಮನೆ ಇರುತ್ತಾರೆ. ಅವುಗಳಿಗೂ ಹೊರ ಪ್ರಪಂಚದ ಬಗ್ಗೆ ತಿಳುವಳಿಕೆ ಬಂದು ಮತ್ತು ರೂಢಿಯಾಗಲು ಆರಂಭವಾಗುತ್ತದೆ.

ಅದುವೇ 3 ಅಥವಾ 4 ವರ್ಷವಾದರೂ ಕೂಡ ಇದೇ ಅಭ್ಯಾಸ ಅಂದ್ರೆ, ರಾತ್ರಿಯಿಡೀ ನಿದ್ದೆ ಮಾಡದೇ , ಅಳುತ್ತಾ ಇದ್ರೆ, ಇದು ಎನೋ ಸಮಸ್ಯೆ ಇದೆ ಎಂದು ಅರ್ಥ. ಇದಕ್ಕಾಗಿ ಸೂಕ್ತ ಮಕ್ಕಳ ತಜ್ಞರಲ್ಲಿ ತೋರಿಸಬೇಕು.

ಹೀಗೆ ಯಾವಗಲೂ ನಿದ್ದೆ ಮಾಡದೇ ಅಳುತ್ತಾ ಇದ್ರೆ, ಅದು ದಿನನಿತ್ಯ ಸೇವಿಸುವ ಆಹಾರದ ಮೇಲೂ ಅವಲಂಬನೆ ಆಗಿರಬಹುದು. ಅಂದ್ರೆ, ಫುಡ್​ ಸಿಸ್ಟಮ್​ ಕೂಡ ಮುಖ್ಯ ಪಾತ್ರ ವಹಿಸುತ್ತದೆ.

ಇಲ್ಲಿ ಕೊಡಲಾಗುವ ಮನೆಮದ್ದುಗಳನ್ನು ಫಾಲೋ ಮಾಡಿ. ಅಂದರೆ ಆಹಾರ ಪದ್ಧತಿಗಳನ್ನು ಅನುಸರಿಸಿದರೆ ಮಕ್ಕಳಲ್ಲಿ ಕೆಲವೊಂದಷ್ಟು ಬದಲಾವಣೆಗಳು ಆಗುವುದು ಖಂಡಿತ.

ಬಾಳೆಹಣ್ಣು ಮಕ್ಕಳಿಗೆ ಅತ್ಯುತ್ತಮ ಪ್ರೋಟೀನ್​ ನೀಡುವ ಹಣ್ಣಾಗಿದೆ.  ಇದು ಸಿರೊಟೋನಿನ್ ಮತ್ತು ಮೆಲಟೋನಿನ್ ಎರಡು ಅಂಶ ನೀಡುತ್ತದೆ. ನಿದ್ರೆ ಪ್ರಚೋದಿಸುವ ಹಾರ್ಮೋನುಗಳು ಉತ್ತೇಜಿಸುತ್ತದೆ. ಇದು ದೇಹವನ್ನು ವಿಶ್ರಾಂತಿ ಮಾಡಲು ಸಹಾಯ ಮಾಡುತ್ತದೆ.

ಹಾಲಿನ ಉತ್ಪನ್ನಗಳು - ಡೈರಿ ಉತ್ಪನ್ನಗಳಾದ ಮೊಸರು, ಹಾಲು, ಚೀಸ್ ಇತ್ಯಾದಿಗಳು ಅಮೈನೋ ಆಮ್ಲವಾದ ಟ್ರಿಪ್ಟೊಫಾನ್ ಅನ್ನು ಹೊಂದಿರುತ್ತವೆ.  ಇದರ ಜೊತೆಗೆ, ಇದು ಕ್ಯಾಲ್ಸಿಯಂ ಅನ್ನು ಸಹ ಹೊಂದಿರುತ್ತದೆ, ಇದು ದೇಹವು ಟ್ರಿಪ್ಟೊಫಾನ್ ಅನ್ನು ಪ್ರಕ್ರಿಯೆಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ನಿದ್ರೆಯ ಹಾರ್ಮೋನ್ ಮೆಲಟೋನಿನ್ ಅನ್ನು ಹೆಚ್ಚು ಉತ್ಪಾದಿಸುತ್ತದೆ.

ಚೆರ್ರಿ ಮತ್ತು ಕಿವಿ - ನೀವು ಚೆರ್ರಿಯನ್ನು ಕತ್ತರಿಸಿ ಅದರ ಬೀಜಗಳನ್ನು ತೆಗೆದು ಮಕ್ಕಳಿಗೆ ತಿನ್ನಿಸಿದರೆ, ಅದು ಮಕ್ಕಳು ಚೆನ್ನಾಗಿ ನಿದ್ದೆ ಮಾಡಲು ಸಹಾಯ ಮಾಡುತ್ತದೆ. ಇದು ಹೆಚ್ಚಿನ ಮೆಲೋಟಿನ್ ಅನ್ನು ಹೊಂದಿದೆ ಮತ್ತು ಇದು ಅತ್ಯುತ್ತಮ ಉತ್ಕರ್ಷಣ ನಿರೋಧಕವಾಗಿದೆ. ಇದು ಮಕ್ಕಳನ್ನು ಸಂತೋಷದಿಂದ ಮತ್ತು ಆರಾಮವಾಗಿಡಲು ಹಾರ್ಮೋನುಗಳನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ. ಅಲ್ಲದೆ, ಮಲಗುವ 1 ಗಂಟೆ ಮೊದಲು ತಿಂದರೆ, ಕಿವಿಯಲ್ಲಿರುವ ಪೊಟ್ಯಾಶಿಯಮ್ ಸ್ನಾಯುಗಳನ್ನು ಸಡಿಲಗೊಳಿಸುತ್ತದೆ ಮತ್ತು ವೇಗವಾಗಿ ನಿದ್ರಿಸಲು ಸಹಾಯ ಮಾಡುತ್ತದೆ.