Reduce Body Heat: ಈ ಬೇಸಿಗೆಯಲ್ಲಿ ನಿಮ್ಮ ದೇಹದ ಶಾಖ ದಿನೇ ದಿನೇ ಹೆಚ್ಚಾಗುತ್ತಿದ್ಯಾ? ಟೆನ್ಷನ್ ಬಿಡಿ ಇಲ್ಲಿದೆ ಟಿಪ್ಸ್

ಸಾಮಾನ್ಯವಾಗಿ ನಾವು ಮನೆಯಲ್ಲಿ ಹಿರಿಯರು ‘ಅವರ ದೇಹ ತುಂಬಾನೇ ಹೀಟ್, ಇವರ ದೇಹ ತುಂಬಾನೇ ಕೂಲ್’ ಅಂತೆಲ್ಲಾ ಹೇಳುತ್ತಿರುತ್ತಾರೆ. ಹೀಗಂದರೆ ಏನು ಅಂತ ಅನೇಕ ಬಾರಿ ನಾವು ತಲೆ ಕೆಡೆಸಿಕೊಂಡಿರುತ್ತೇವೆ. ಕೆಲವೊಬ್ಬರ ದೇಹವು ಶಾಖದಿಂದ ಕೂಡಿದ್ದರೆ, ಇನ್ನೂ ಕೆಲವರದ್ದು ತಂಪಾಗಿರುತ್ತದೆ. ತಜ್ಞರು ಸಾಮಾನ್ಯ ದೇಹದ ತಾಪಮಾನವನ್ನು ಸುಮಾರು 98.6º ಫ್ಯಾರೆನ್ಹೀಟ್ ಅಂತ ಪರಿಗಣಿಸುತ್ತಾರೆ. ಆದರೆ ಇದು ದಿನದ ಸಮಯವನ್ನು ಅವಲಂಬಿಸಿ 0.9º ಫ್ಯಾರೆನ್ಹೀಟ್ ವರೆಗೆ ಬದಲಾಗಬಹುದು. ಇದು ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿರುತ್ತದೆ.

ಒಬ್ಬ ವ್ಯಕ್ತಿಯ ದೇಹದ ಉಷ್ಣತೆಯು ಹೆಚ್ಚಾಗಲು ಅನೇಕ ಕಾರಣಗಳಿವೆ. ಇವುಗಳಲ್ಲಿ ಅನಾರೋಗ್ಯಗಳು, ಔಷಧಿಗಳು ಮತ್ತು ತೀವ್ರವಾದ ದೈಹಿಕ ಚಟುವಟಿಕೆ ಸೇರಿವೆ. ದೇಹದ ಉಷ್ಣತೆಯು 100.4º ಫ್ಯಾರೆನ್ಹೀಟ್ ಗಿಂತ ಹೆಚ್ಚಾಗಿದ್ದರೆ ಸಾಮಾನ್ಯವಾಗಿ ಅದನ್ನು ಜ್ವರ ಅಂತ ಹೇಳುತ್ತಾರೆ.

ಅತ್ಯಂತ ಬಿಸಿಲು ಇರುವ ದಿನದಲ್ಲಿ ಮನೆಯಿಂದ ಹೊರಗೆ ಇರುವುದು, ಶಾಖದ ಬಳಲಿಕೆ ಅಥವಾ ಶಾಖದ ಆಘಾತಕ್ಕೆ ಕಾರಣವಾಗಬಹುದು. ಇಲ್ಲಿ ಹೆಚ್ಚಿನ ದೇಹದ ತಾಪಮಾನದ ಸಾಮಾನ್ಯ ಕಾರಣಗಳ ಬಗ್ಗೆ ನೀವು ತಿಳಿದುಕೊಳ್ಳಬಹುದು ಮತ್ತು ದೇಹದ ಈ ಶಾಖವನ್ನು ಕಡಿಮೆ ಮಾಡಿಕೊಳ್ಳಲು ಏನೆಲ್ಲಾ ಮಾಡಬಹುದು ಅಂತ ಸಲಹೆಗಳನ್ನು ಸಹ ಇಲ್ಲಿ ನೀಡಲಾಗಿದೆ.

ನಮ್ಮ ದೇಹದ ಶಾಖವನ್ನು ಕಡಿಮೆ ಮಾಡುವುದು ಹೇಗೆ?: ಈ ಶಾಖವನ್ನು ಬೆವರುವ ಮೂಲಕ ಹೊರ ಹಾಕಬಹುದು. ಸುತ್ತಮುತ್ತಲಿನಲ್ಲಿ ಗಾಳಿ ಇರುವ ಸ್ಥಳದಲ್ಲಿ ಕೂತು ಈ ಶಾಖವನ್ನು ಕಡಿಮೆ ಮಾಡಿಕೊಳ್ಳುವುದು. ತಂಪಾದ ಗಾಳಿಯು ದೇಹವನ್ನು ಸುತ್ತುವರೆದಾಗ ಸಹ ಈ ಶಾಖ ಕಡಿಮೆಯಾಗುತ್ತದೆ. ತಣ್ಣೀರು ಅಥವಾ ತಂಪಾದ ನೀರು ಕುಡಿಯುವುದು

ತಂಪಾದ ಪಾನೀಯಗಳನ್ನು ಕುಡಿಯಿರಿ: ತಂಪಾದ ನೀರು ಅಥವಾ ಐಸ್ ಹಾಕಿಕೊಂಡು ಟೀಯಂತಹ ತಂಪಾದ ದ್ರವಗಳನ್ನು ಕುಡಿಯುವುದರಿಂದ ದೇಹವನ್ನು ಆಂತರಿಕವಾಗಿ ತಂಪಾಗಿಸುವ ಮೂಲಕ ದೇಹದ ತಾಪಮಾನವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಿಯಮಿತವಾಗಿ ದ್ರವಗಳ ಸೇವನೆಯು ಸದಾ ಹೈಡ್ರೇಟ್ ಆಗಿರಲು ಸಹಾಯ ಮಾಡುತ್ತದೆ ಮತ್ತು ನಿರ್ಜಲೀಕರಣವನ್ನು ತಡೆಯುತ್ತದೆ.

ಕಡಿಮೆ ಓಡಾಡಿ: ನೀವು ತುಂಬಾನೇ ಓಡಾಡಿದಾಗ ದೇಹವು ಹೆಚ್ಚಿನ ಶಾಖವನ್ನು ಬಿಡುಗಡೆ ಮಾಡುತ್ತದೆ. ಬಿಸಿ ತಾಪಮಾನದಲ್ಲಿ, ವ್ಯಕ್ತಿಯು ಭಾರಿ ವ್ಯಾಯಾಮ ಮಾಡದೆ, ತಮ್ಮ ಚಲನೆಯನ್ನು ಮಿತಿಗೊಳಿಸಿದರೆ ದೇಹದ ಶಾಖವನ್ನು ಆದಷ್ಟು ಮಟ್ಟಿಗೆ ಕಡಿಮೆ ಮಾಡಿಕೊಳ್ಳಬಹುದು.

ಹಗುರವಾದ ಬಟ್ಟೆಗಳನ್ನು ಧರಿಸಿ: ಶಾಖವು ಇತರರಿಗಿಂತ ಕೆಲವು ಬಟ್ಟೆಗಳ ಮೂಲಕ ಸುಲಭವಾಗಿ ಹಾದು ಹೋಗುತ್ತದೆ. ಅಕ್ರಿಲಿಕ್ ಮತ್ತು ನೈಲಾನ್ ನಂತಹ ಸಂಶ್ಲೇಷಿತ ಬಟ್ಟೆಗಳಿಗಿಂತ ಹತ್ತಿ ಮತ್ತು ಲಿನಿನ್ ನಂತಹ ನೈಸರ್ಗಿಕ ಬಟ್ಟೆಗಳು ದೇಹದಿಂದ ಶಾಖವನ್ನು ಸುಲಭವಾಗಿ ಹೊರಗೆ ಹಾಕಲು ಅನುವು ಮಾಡಿಕೊಡುತ್ತವೆ.

ತಂಪಾದ ನೀರಿನಲ್ಲಿ ಸ್ನಾನ ಮಾಡಿ: ತಂಪಾದ ನೀರಿನಲ್ಲಿ ಈಜುವುದು, ಉಗುರು ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡುವುದು ಅಥವಾ ದೇಹಕ್ಕೆ ತಣ್ಣೀರನ್ನು ತಾಕಿಸಿಕೊಳ್ಳುವುದರಿಂದ ಸಹ ದೇಹದ ತಾಪಮಾನವನ್ನು ಕಡಿಮೆ ಮಾಡಿಕೊಳ್ಳಬಹುದು.

ಶಾಖವನ್ನು ನಿಯಂತ್ರಿಸುವ ಪೂರಕಗಳನ್ನು ತೆಗೆದುಕೊಳ್ಳಿ: ಹೆಚ್ಚಿನ ದೇಹದ ತಾಪಮಾನದ ಕಾರಣವನ್ನು ಅವಲಂಬಿಸಿ, ಪೂರಕವನ್ನು ತೆಗೆದುಕೊಳ್ಳುವುದು ದೇಹದ ಶಾಖವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.