Headphones: ಯಾವಾಗ್ಲೂ ಹೆಡ್‌ಫೋನ್ ಬಳಸೋ ಅಭ್ಯಾಸ ಇದ್ಯಾ? ಹಾಗಾದ್ರೆ ಎಚ್ಚರ ಎಚ್ಚರ!

ಅನೇಕ ಜನರಿಗೆ ಟ್ರಾವೆಲ್ಲಿಂಗ್​ ಮಾಡ್ತಾ ಅಥವಾ ಒಬ್ಬಂಟಿ ಎನಿಸಿದಾಗ ಇಯರ್​ ಫೋನ್​ ಹಾಕೊಂಡು ಸಾಂಗ್​ ಕೇಳುವ ಅಭ್ಯಾಸವಿರುತ್ತದೆ. ಇನ್ನು ಓದುವಾಗ ಕೂಡ ಕೆಲವೊಬ್ಬರಿಗೆ ಹೆಡ್​ ಫೋನ್​ ಹಾಕೊಂಡು ಓದುವ ರೂಢಿ ಇರುತ್ತದೆ.

ಆದರೆ ನೀವು ಹೆಚ್ಚಾಗಿ ಈ ಹೆಡ್​ ಫೋನ್​ ಅಥವಾ ಇಯರ್​ ಫೋನ್​ ಬಳಸುತ್ತಿದ್ರೆ ಈ ಸುದ್ಧಿ ನಿಮಗಾಗಿ. ಯಾಕಂದ್ರೆ ಒಂದು ಸಂಶೋಧನೆ ಇದರ ಬಗ್ಗೆ ಅನೇಕ ಸಂಗತಿಗಳನ್ನು ಬಿಚ್ಚಿಟ್ಟಿದೆ. ಏನು ಅಂತ ಕೇಳ್ತೀರಾ? ಮುಂದೆ ಓದಿ

ಚಂಡೀಗಢ ಪಿಜಿಐನ ಇಎನ್ಟಿ ವಿಭಾಗದ ರೀಸರ್ಚ್​ ವರದಿಯ ಪ್ರಕಾರ, 35 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಯುವಕರಲ್ಲಿ ಶ್ರವಣ ದೋಷದ ಬಗ್ಗೆ ಹೆಚ್ಚಿನ ದೂರುಗಳು ಇತ್ತೀಚಿನ ದಿನಗಳಲ್ಲಿ ಬರ್ತಾ ಇದೆ. ಆದ್ರೆ, ಸುಮಾರು 5 ರಿಂದ 10 ವರ್ಷಗಳ ಹಿಂದೆ 45 ರಿಂದ 55 ವರ್ಷ ವಯಸ್ಸಿನ ಜನರು ಕಿವಿಗೆ ಸಂಬಂಧಿಸಿದ ಕಾಯಿಲೆಗೆ ಬಲಿ ಆಗ್ತಾ ಇದ್ದಾರಂತೆ.

ಪ್ರತಿದಿನ 2 ಗಂಟೆಗಳ ಕಾಲ ಇಯರ್ ಫೋನ್ ಬಳಸುವುದು ಡೇಂಜರ್​! ಹೆಚ್ಚಿನ ಶಬ್ದವು ಮಾರಣಾಂತಿಕವಾಗಿದೆ. ಅದೇ ಸಮಯದಲ್ಲಿ, ದಿನದಲ್ಲಿ 2 ಗಂಟೆಗಳ ಕಾಲ ಇಯರ್ಫೋನ್ನಲ್ಲಿ ಹಾಡುಗಳನ್ನ ಕೇಳುವುದು ಡೇಂಜರ್​. ಈ ಸಂಶೋಧನೆಯ ಪ್ರಕಾರ, ಪ್ರತಿನಿತ್ಯ ಎರಡು ಗಂಟೆಗೂ ಹೆಚ್ಚು ಕಾಲ ಗಟ್ಟಿ ಧ್ವನಿಯಲ್ಲಿ ಹೆಡ್ಫೋನ್ ಹಾಕಿಕೊಂಡು ಹಾಡುಗಳನ್ನ ಕೇಳ್ತ ಇದ್ರೆ ಇವತ್ತೇ ಸ್ಟಾಪ್​ ಮಾಡಿ.

ಅನೇಕ ಜನರು ಹೆಚ್ಚಾಗಿ 90 ರಿಂದ 100 ಡೆಸಿಬಲ್ಗಳ ವಾಲ್ಯೂಮ್​ನಲ್ಲಿ ಹಾಡುಗಳನ್ನ ಕೇಳುತ್ತಾರೆ. ಅದೇ ಸಮಯದಲ್ಲಿ, ದಿನಕ್ಕೆ ಎರಡು ಗಂಟೆಗಳಿಗಿಂತ ಹೆಚ್ಚು ಕಾಲ ಇಯರ್ಫೋನ್ ಬಳಸದಂತೆ ಸೂಚಿಸಲಾಗಿದೆ.

2020ರಲ್ಲಿ ಪ್ರಕಟವಾದ ಭಾರತೀಯ ವೈದ್ಯಕೀಯ ಸಂಶೋಧನೆಯ (IMR) ಅಧ್ಯಯನ ವರದಿಯ ಪ್ರಕಾರ, ಭಾರತದಲ್ಲಿ ಪ್ರತಿ 12 ಜನರಲ್ಲಿ ಒಬ್ಬರಿಗೆ ಕೆಲವು ರೀತಿಯ ಕಿವಿಯ ಸಮಸ್ಯೆ ಇದ್ಯಂತೆ. ಸುಮಾರು 6.5 ಪ್ರತಿಶತದಷ್ಟು ಜನರು ಶ್ರವಣ ದೋಷದಿಂದ ಬಳಲುತ್ತಿದ್ದಾರೆ.

ನಿಮ್ಮ ಸುತ್ತಲಿನ ಶಬ್ದ, ಗದ್ದಲದ ಮಟ್ಟವು 90-95 ಡೆಸಿಬಲ್ ಆಗಿದ್ದರೆ, ಆಗ ಶ್ರವಣ ಸಮಸ್ಯೆ ಇರಬಹುದು. ಈ ಮಟ್ಟವು 125 ಡೆಸಿಬಲ್ಗಳನ್ನು ತಲುಪಿದಾಗ, ಕಿವಿಗಳಲ್ಲಿ ನೋವು ಪ್ರಾರಂಭವಾಗುತ್ತದೆ ಮತ್ತು ಈ ಶಬ್ದದ ಮಟ್ಟವು 140 ಡೆಸಿಬಲ್ಗಳನ್ನು ತಲುಪಿದ್ರೆ ಕಿವುಡನಾಗಬಹುದು.

ಸೌಂಡ್ ಸಿಸ್ಟಂ, ಡಿಜೆ ಸೌಂಡ್ ನಂತಹ ಕರ್ಕಶ ಶಬ್ದ ಮಾರಕವಾಗಿ ಬೀರುತ್ತಾ ಇದೆ. ಬಿಹಾರದ ಸೀತಾಮರ್ಹಿಯಲ್ಲಿ ವೇದಿಕೆಯಲ್ಲಿ ಡಿಜೆ ಜೋರಾಗಿ ಕೇಳಿದ ಕಾರಣ ಮದು ಮಗನಿಗೆ ಹಾರ್ಟ್​ ಅಟ್ಯಾಕ್​ ಆಗಿತ್ತು. ವೈದ್ಯರು ಮೃತಪಟ್ಟಿರುವುದಾಗಿ ಘೋಷಿಸಿದ್ದಾರೆ. ಪ್ರತ್ಯಕ್ಷದರ್ಶಿಗಳ ಪ್ರಕಾರ, ವರ ಅತೀ ಶಬ್ದ ಕಿರಿಕಿರಿಯಾಗ್ತಿದೆ ಎಂದು ಹೇಳಿದ್ದ. ಆದ್ರೂ ಡಿಜೆ ಧ್ವನಿ ಕಡಿಮೆ ಮಾಡಲಿಲ್ಲ. ಅದಾದ ನಂತರ ಮದುಮಗ ತೀರಿದ್ದಾನೆ. ಹೀಗೆ ಜೋರಾಗಿ ವಾಲ್ಯೂಮ್​ ಇಟ್ಕೊಂಡ್ರೆ ಕೇವಲ ಕಿವಿಗೆ ಮಾತ್ರ ಸಮಸ್ಯೆ ಅಲ್ಲದೇ ಮೈಂಡ್​ ಮತ್ತು ಹೃದಯಕ್ಕೂ ಹಾನಿ ಉಂಟಾಗುತ್ತದೆ.