Black Pepper: ಕೂದಲು ತುಂಬಾ ಹೋಗಿದೆ, ಕಾಡಲ್ಲಿ ಒಂದು ಸೊಪ್ಪು ಅಲ್ಲ, ಮನೆಯಲ್ಲಿಯೇ ಒಂದು ಮದ್ದು ಸಿಗ್ತದೆ!

ನೀರಿನ ಸಮಸ್ಯೆ, ಧೂಳಿನ ಸಮಸ್ಯೆಗಳಿಂದಾಗಿ ತಲೆಗೂದಲು ಉದುರುವುದು ಇಂದಿನ ಸಾಮಾನ್ಯ ಸಮಸ್ಯೆ ಆಗಿದೆ. ಇದಕ್ಕಾಗಿ ಹಲವಾರು ಶಾಂಪು ಮತ್ತು ಔಷಧಿಗಳನ್ನು ತೆಗೆದುಕೊಳ್ಳುತ್ತಿದ್ದೀರಾ.

ಅದೇಷ್ಟೋ ಜನರಿಗೆ ತನಗೆ ಬೋಳು ತಲೆ ಉಂಟು ಅಂತ ಬೇಸರವಾಗ್ತಾ ಇರುತ್ತಾರೆ. ಇಂದು ಇಲ್ಲಿ ಕೊಡಲಾಗುವ ಮನೆ ಮದ್ದುಗಳನ್ನು ಫಾಲೋ ಮಾಡಿ. ಯಾವ ರೀತಿಯಾಗಿ ನಿಮ್ಮ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ ಅಂತ ಆಶ್ಚರ್ಯ ಆಗ್ತೀರಾ!

ಕಾಳು ಮೆಣಸು, ಕರಿ ಮೆಣಸು ಎಂಬ ನಾನಾ ರೀತಿಯಲ್ಲಿ ಕರೆಯಲ್ಪಡುವ ಈ ಕಾಳು ನಿಮ್ಮ ತಲೆಗೂದಲಿಗೆ ಸಂಪೂರ್ಣ ಪರಿಹಾರವನ್ನು ನೀಡುತ್ತದೆ. ಹೇಗೆ ಅಂತ ಕೇಳ್ತೀರಾ? ಮುಂದೆ ಓದಿ.

ಕೂದಲಿಗೆ ಸದೃಢತೆ, ಕಪ್ಪು ಬಣ್ಣ ಜೊತೆಗೆ ಸ್ಪ್ಲಿಟ್ಸ್ ಹೆರನ್ನ ಕಡಿಮೆ ಮಾಡಲು ಕರಿಮೆಣಸು ಸಹಕಾರಿಯಾಗಿದೆ. ಕೊಬ್ಬರಿ ಎಣ್ಣೆಯೊಂದಿಗೆ ಈ ಕರಿ ಮೆಣಸಿನ ಪುಡಿಯನ್ನು ಮಿಶ್ರಣ ಮಾಡಿ ಇಟ್ಟುಕೊಳ್ಳಬಹುದು. ನೀವು ಈ ಎಣ್ಣೆ ಹಚ್ಚುವಾಗ ಸ್ವಲ್ಪ ಬಿಸಿ ಮಾಡಿ ಕೂದಲಿಗೆ ಹಚ್ಚಿ.

ಕರಿಮೆಣಸು ಖಾರ ಅಲ್ವಾ, ಇದು ಹೇಗೆ ಸಾಧ್ಯ ಎಂಬ ಅನುಮಾನ ಇದ್ರೆ ಇದನ್ನು ಸಾಬೀತುಪಡಿಸಿ ತೋರಿಸುತ್ತೆ ಈ ಕಾಳು. ಹಾಗಾಗಿ ನೀವು ಈರುಳ್ಳಿ ರಸವನ್ನ ಹಚ್ಚುವಾಗ ಕೂಡ ಈ ಕರಿ ಮೆಣಸಿನ ಪುಡಿಯನ್ನು ತಲೆಗೆ ಹಚ್ಚಬಹುದು. ವಿಟಮಿನ್ K, A ಹಾಗೂ E ಇದರಲ್ಲಿ ಹೇರಳವಾಗಿದೆ.

ಒಣ ಕೂದಲಿನ ಸಮಸ್ಯೆಯನ್ನು ಕರಿಮೆಣಸಿನಿಂದ ಸುಲಭವಾಗಿ ನಿವಾರಿಸಿಕೊಳ್ಳಬಹುದು. ಏಕೆಂದರೆ ಇದರಲ್ಲಿ ಆ್ಯಂಟಿಆಕ್ಸಿಡೆಂಟ್ ಮತ್ತು ವಿಟಮಿನ್ ಎ ಇತ್ಯಾದಿ ಹೇರಳವಾಗಿದ್ದು, ಕೂದಲು ಆರೋಗ್ಯವಾಗಿರುವುದರ ಜೊತೆಗೆ ನಿರ್ಜೀವ ಕೂದಲಿನ ಸಮಸ್ಯೆಯನ್ನು ದೂರ ಮಾಡುತ್ತದೆ.

ಬೋಳು ಸಮಸ್ಯೆ ಹೋಗಲಾಡಿಸಲು ಕರಿಮೆಣಸನ್ನು ಜೇನುತುಪ್ಪದೊಂದಿಗೆ ಬೆರೆಸಿ ಹಚ್ಚಿಕೊಳ್ಳಿ. 15 ನಿಮಿಷಗಳ ನಂತರ ಕೂದಲನ್ನು ಶುದ್ಧ ನೀರಿನಿಂದ ತೊಳೆಯಿರಿ. (Disclaimer: ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಬೇಕು. ನ್ಯೂಸ್18 ಕನ್ನಡ ಡಿಜಿಟಲ್ ಮೀಡಿಯಾ ಖಚಿತಪಡಿಸುವುದಿಲ್ಲ.)